វះកាត់ឱ្យដូចភរិយាលោកដូណាល់ ត្រាំ ព្រោះហេតុផលមួយគត់
អាមេរិកកាលពីពេល ថ្មីៗកន្លងមកផ្សាយថា
«New York Daily News»របស់អាមេរិកកាលពីពេល ថ្មីៗកន្លងមកផ្សាយថា នាងClaudia Sierraជនជាតិអាមេរិកអាយុ៤២ឆ្នាំនៅក្រុងហ៊ូស្តុន រដ្ឋតិចសាស់ បានកើតជំងឺមហារីកសុដន់ និងអាចយកឈ្នះដោយព្យាបាលជាសះស្បើយកាលពីឆ្នាំមុន ។ នាងបានសម្រេចចិត្តវះកាត់៩កន្លែងធ្វើឱ្យមុខមាត់ និងរូបរាងដូចស្ត្រីទី១ របស់ប្រទេស គឺលោកស្រីម៉េឡានីយ៉ា ត្រាំ ។
កាលពីខែវិច្ឆិកា ឆ្នាំមុននាងClaudia Sierraបានណាត់ដើរកម្សាន្តជាមួយបុរសម្នាក់លើកដំបូង ។ ក្រោយពេលដើរកម្សាន្តបានមួយរយៈមក ខាងបុរសសួរពីអាយុរបស់នាង ។ ពេលនោះនាងមានអាយុ៤១ឆ្នាំ ប៉ុន្តែគេមិនជឿក៏សុំមើលប័ណ្ណបើកបរដើម្បីពិសោធន៍ការពិត ព្រោះគេយល់ថា នាងហាក់ដូចជាចាស់មុនអាយុ ។ ត្រង់ចំណុចនេះឯង ទើបធ្វើឱ្យនាងSierraសម្រេចចិត្តផ្លាស់ប្តូរ អ្វីៗគ្រប់យ៉ាងដែលទាក់ទងលើដងខ្លួន ។
នាងSierraបានទូរស័ព្ទទៅរកវេជ្ជបណ្ឌិតFranklin Roseអ្នកជំនាញផ្នែកវះកាត់នៅក្រុងហ៊ូស្តុន ដោយនាងបញ្ជាក់ប្រាប់ថា ចង់បូមខ្លាញ់លើកំប៉េះគូទ ធ្វើត្របកភ្នែក២ជាន់ ពង្រីកសុដន់ លើកក្តោងច្រមុះ និងចាក់សារធាតុ ផ្សេងៗចូល ។
គ្លីនិកនោះទារថ្លៃចន្លោះពី៥០.០០០ទៅ៧០.០០០ដុល្លារជាតម្លៃថ្លៃបំផុតសម្រាប់នាង ។ ដំបូងនាងបានបដិសេធដព្រោះគ្មានលទ្ធភាព ។
នាងSierraបញ្ជាក់ថា ការដែលត្រូវបុរសបដិសេធញឹកញាប់ប្រៀបដូចជាជាបំផ្លាញរូបសម្រស់របស់ខ្លួន ។
ក្រោយមកបានប៉ុន្មានខែលោកវេជ្ជបណ្ឌិតRoseទាក់ទងនាងSierraម្តងទៀតប្រាប់ពីការបញ្ចុះតម្លៃ ។ លុះដល់ខែមិថុនា ២០១៧នាងអាចចូលវះកាត់ដោយចំណាយពេលសរុបជាង១០ម៉ោង ព្រោះនាងបានប្តូរទម្រង់មុខថ្មីឱ្យដូចលោកស្រីម៉េឡានីយ៉ា(Melania) ។
ក្រោយពេលវះកាត់កែសម្រស់បានបញ្ចប់នាងSierraនៅមិនទាន់មានបុរសណាចាប់អារម្មណ៍ទេ ។ នាងបាននិយាយថា«ខ្ញុំមិនបានឈឺចាប់ក្នុងផ្លូវចិត្ត ឬមានអារម្មណ៍មិនល្អទេ ។ ខ្ញុំគិតថាជីវិតរបស់មនុស្សយើងខ្លីត្រូវប្រតិបត្តិអ្វីដើម្បីធ្វើឱ្យខ្លួនមានសេចក្តីសុខ» ។
បច្ចុប្បន្ននាងClaudia Sierraកំពុងសរសេរសៀវភៅមួយទាក់ទិននឹងការទទួលការជាន់ឈ្លីដោយនាងរៀបរាប់ថា ទោះបីជាការកែសម្រស់ធ្វើឱ្យខ្លួនមានសេចក្តីសុខក៏ដោយ ប៉ុន្តែនេះមិនមែនជាចម្លើយសម្រាប់មនុស្សគ្រប់រូបទេ ៕
ចែករំលែកព័តមាននេះ