អកុសលអ្វីម្ល៉េះទេ…ទៅទិញផ្លែឈើភ្ជាប់ពាក្យកូនបែរជាត្រូវរថយន្តកិនស្លា.ប់យ៉ាងអាណោចអាធម័
ខេត្តព្រៃវែង ៖ ២នាក់ម្តាយកូននាំគ្នាជិះម៉ូតូទៅទិញផ្លែឈើសម្រាប់ពិធីភ្ជាប់ពាក្យកូននៅថ្ងៃទី១៥ ខែតុលា ឆ្នាំ២០១៧
ខេត្តព្រៃវែង ៖ ២នាក់ម្តាយកូននាំគ្នាជិះម៉ូតូទៅទិញផ្លែឈើសម្រាប់ពិធីភ្ជាប់ពាក្យកូននៅថ្ងៃទី១៥ ខែតុលា ឆ្នាំ២០១៧
ខេត្តព្រៃវែង ៖ ២នាក់ម្តាយកូននាំគ្នាជិះម៉ូតូទៅទិញផ្លែឈើសម្រាប់ពិធីភ្ជាប់ពាក្យកូននៅថ្ងៃទី១៥ ខែតុលា ឆ្នាំ២០១៧ តែជាអកុសលត្រឡប់មកវិញជួបគ្រោះថ្នាក់ចរាចរណ៌ស្ត្រីជាម្តាយត្រូវរថយន្តកុងតឺន័រកិនធ្លាយខួរស្លាប់យ៉ាងអណោចអាធម័ ចំណែកនារីជាកូនគ្រាន់តែរងរបួសស្រាល ។ ហេតុការណ៍នេះបានកើតឡើងកាលពីវេលាម៉ោង២នឹង៣០នាទីរសៀល ថ្ងៃទី១៤ ខែតុលា ឆ្នាំ២០១៧ នៅលើកំណាត់ផ្លូវជាតិលេខ១ ត្រង់ចំណុចចន្លោះគីឡូម៉ែត្រលេខ៦២-៦៣ ក្បែគល់ស្ពានហ្សឹបាសា ស្ថិតក្នុងភូមិឧត្តម ឃុំព្រែកខ្សាយ(ក) ស្រុកពាមរក៍ ខេត្តព្រៃវែង ។
សមត្ថកិច្ចបានឱ្យដឹងថា ស្ត្រីរងគ្រោះដែលស្លាប់បាត់បង់ជីវិតមានឈ្មោះ ជួប សុផល អាយុ៤២ឆ្នាំ មានទីលំនៅក្នុងភូមិព្រែកដាច់ ឃុំព្រែកដាច់ ស្រុកលើកដែក ខេត្តកណ្តាល ចំណែកឯជនរងគ្រោះម្នាក់ទៀតឈ្មោះ ធី គន្ធា អាយុ២២ឆ្នាំ ត្រូវជាកូនស្រីជនរងគ្រោះដែលស្លាប់បាត់បង់ជីវិតហើយមុនពេលកើតហេតុនោះទាំង២នាក់ម្តាយកូនគឺជិះម៉ូតូឌុបគ្នាមកទិញផ្លែឈើនៅផ្សារអ្នកលឿងដើម្បីយកទៅទុករៀបចំកម្មវិធីភ្ជាប់ពាក្យកូនស្រីនៅថ្ងៃទី១៥ ខែតុលា ឆ្នាំ២០១៧ ប៉ុន្តែជាអកុសលមិនគួរណាអ្នកទាំង២ជួបគ្រោះថ្នាក់ចរាចរណ៌រហូតធ្វើឱ្យស្ត្រីជាម្តាយស្លាប់បាត់បង់ជីវិតយ៉ាងអណោចអាធម័បែបនេះសោះ ។
ចំពោះហេតុការណ៌គ្រោះថ្នាក់ចរាចរណ៌ខាងលើនេះត្រូវបានសាក្សីនៅកន្លែងកើតហេតុប្រាប់ឱ្យដឹងថា មុនពេលកើតហេតុគេឃើញស្ត្រីរងគ្រោះទាំង២នាក់ ជិះម៉ូតូមួយគ្រឿងម៉ាកឌ្រីមសង់ C125 ពណ៌ខ្មៅ ពាក់ស្លាកលេខភ្នំពេញ ១FL-៧១៧៩ ធ្វើដំណើរមកពីទិសខាងត្បូងឆ្ពោះទៅជើងបំរុងឆ្លងស្ពានហ្សឹបាសាត្រឡប់ទៅផ្ទះនៅឯស្រុកលើកដែក ប៉ុន្តែពេលមកដល់ចំណុចកើតហេតុស្រាប់តែម៉ូតូបានបែកកង់មុខធ្វើឱ្យរេចង្កូតគ្រវាត់ចុះឡើងរហូតដួលបោកទាំងម៉ូតូ និងអ្នកជិះទៅលើថ្នល់គាប់ជួនពេលនោះមានរថយន្តកុងតឺន័រមួយគ្រឿងពាក់ស្លាកលេខភ្នំពេញ ៤A-០៤៥៨ បើកមកពីក្រោយក្នុងទិសស្របគ្នាបានបើកមកដល់ដែរហើយរថយន្តក៏បានកិនចំស្ត្រីរងគ្រោះជាម្តាយត្រង់ក្បាលបណ្តាលឱ្យបែកក្បាលខ្ចាយខួរពេញថ្នល់ និងស្លាប់បាត់បង់ជីវិតនៅនឹងកន្លែងតែម្តង ចំណែកកូនស្រីគ្រាន់តែរបួសស្រាលប៉ុណ្ណោះ ប៉ុន្តែដោយសារតែឃើញម្តាយបែកក្បាលធ្លាយខួរស្លាប់នៅនឹងមុខស្រស់ៗនោះ ធ្វើឱ្យនាងជាកូនគាំងរឹងខ្លួនប្រាណទាំងមូលកំរើកមិនកើតនិយាយមិនរួចទើបសមត្ថកិច្ចដឹកយកទៅកាន់មន្ទីរពេទ្យភ្លាមៗដើម្បីជួយសង្គ្រោះ ។
ប្រភពដដែលនេះបានបន្តឱ្យដឹងទៀតថា ក្រោយពីកើតហេតុភ្លាម អ្នកបើកបររថយន្តកុងតឺន័របានឈប់ចតរថយន្តទុកចោលហើយរត់គេចខ្លួនបាត់ស្រមោលហើយមួយសន្ទុះក្រោយមកសមត្ថកិច្ចក៏បានមកដល់ជួយអន្តរាគមសម្រួលចរាចរណ៌ និងទាក់ទងហៅសាច់ញាតិជនរងគ្រោះ ព្រមទាំងរថយន្តសាម៊ុយមកដឹកសពជនរងគ្រោះយកទៅលំនៅឋាន ដើម្បីឱ្យគ្រួសាររៀបចំធ្វើបុណ្យតាមប្រពៃណី ចំណែកម៉ូតូ និងរថយន្តត្រូវសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកពាមរក៌ រងចាំភាគីទាំងសងខាងចូលខ្លួនដោះស្រាយនៅពេលក្រោយ ៕
ចែករំលែកព័តមាននេះ