គ្រាន់តែឃើញឡានញាក់សាច់បាត់… ចុះមនុស្សវិញ?
ស្រុកព្រៃនប់ ៖ ជនជាតិវៀតណាមម្នាក់បានស្លា.ប់ និងពីរនាក់ទៀតបានរងរបួសធ្ងន់-ស្រាល
ស្រុកព្រៃនប់ ៖ ជនជាតិវៀតណាមម្នាក់បានស្លា.ប់ និងពីរនាក់ទៀតបានរងរបួសធ្ងន់-ស្រាល
ស្រុកព្រៃនប់ ៖ ជនជាតិវៀតណាមម្នាក់បានស្លាប់ និងពីរនាក់ទៀតបានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍ មួយ រវាងរថយន្តបុកជាមួយរថយន្តក្នុងទិសដៅស្របគ្នា កើតឡើងកាលពីវេលាម៉ោង០១ និង៣០នាទីរំលងអធ្រាត្រ ឈានចូលថ្ងៃទី១៤ តុលា ស្ថិតនៅផ្លូវជាតិលេខ៤ ចន្លោះគីឡូម៉ែត្រ២១២-២១៣ ក្នុងភូមិពូធឿង ឃុំបិតត្រាង ស្រុកព្រៃនប់ ខេត្តព្រះសីហនុ ។
សមត្ថកិច្ចបានឱ្យដឹងថា គ្រោះថ្នាក់នេះគឺបង្កឡើង ដោយរថយន្តកាមរីបាឡែន១គ្រឿង ពណ៌ទឹកមាស ពាក់ស្លាកលេខភ្នំពេញ២S-៣៤៤៧ ក្នុងទិសដៅពីខេត្តព្រះសីហនុ ទៅភ្នំពេញ ដែលអ្នកបើកបរឈ្មោះដូវ៉ាន់ ទៀន ភេទប្រុស អាយុ២៤ឆ្នាំ ជនជាតិវៀតណាម ជាកម្មកររោងចក្រហុកជូ ។ អ្នករួមដំណើរ២នាក់ ម្នាក់ឈ្មោះង៉ូ យឿងថៃ ភេទប្រុស អាយុ៣១ឆ្នាំ ជនជាតិវៀតណាម និងម្នាក់ទៀតឈ្មោះដូ វ៉ាន់តិន ភេទប្រុស អាយុ២៥ឆ្នាំ ជនជាតិវៀតណាម ។
ទាំង៣នាក់ស្នាក់នៅរោងចក្រហុកជូ ក្នុងភូមិអូរតាសេក ឃុំអូរឧកញ្ញ៉ាហេង ស្រុកព្រៃនប់ ខេត្តព្រះសីហនុ ។ លុះជិះមកដល់ផ្លូវកោង ក៏បានរេចង្កូតទៅខាងឆ្វេងដៃ បុកពីចំហៀងរថយន្តដឹកឥដ្ឋ១គ្រឿងម៉ាក HYUNDAI ពណ៌ក្រហម ពាក់ស្លាកលេខ ភ្នំពេញ៣C ៨៦៥៤ (អ្នកបើកបរគេចខ្លួនបាត់)មានទិសដៅបញ្ច្រាស់គ្នា ។ គ្រោះថ្នាក់នេះ បណ្ដាលឲ្យស្លាប់ អ្នកបើករថយន្ត ឈ្មោះដូ វ៉ាន់ទៀន ក្រោយពេលបញ្ជូនទៅសង្គ្រោះនៅមន្ទីរពេទ្យ។
ចែករំលែកព័តមាននេះ