មួយថ្ងៃលង់ទឹកស្លា.ប់កុមារ២នាក់ និងមនុស្សចាស់ម្នាក់
ខេត្តបន្ទាយមានជ័យ ៖ នៅរដូវទឹកជំនន់នេះ យ៉ាងហោចណាស់ក៏មានមនុស្សស្លា.ប់ដោយសារលង់ទឹក៣នាក់ដែរ
ខេត្តបន្ទាយមានជ័យ ៖ នៅរដូវទឹកជំនន់នេះ យ៉ាងហោចណាស់ក៏មានមនុស្សស្លា.ប់ដោយសារលង់ទឹក៣នាក់ដែរ
ខេត្តបន្ទាយមានជ័យ ៖ នៅរដូវទឹកជំនន់នេះ យ៉ាងហោចណាស់ក៏មានមនុស្សស្លាប់ដោយសារលង់ទឹក៣នាក់ដែរ មានមនុស្សចាស់ម្នាក់ និងកុមារ២នាក់ នៅថ្ងៃទី១២ ខែតុលា ឆ្នាំ២០១៧ ក្នុងខេត្តបន្ទាយមានជ័យ។ លោកវរសេនីយ៍ឯកស៊ិន ណារ៉ាក់ អធិការនគរបាលស្រុកមង្គលបូរីបានឲ្យដឹងនៅថ្ងៃទី១៣នេះថា៖ នៅវេលាម៉ោង៣ និង៣០នាទីរសៀល ថ្ងៃទី១២ ខែតុលា ឆ្នាំ២០១៧ មានស្ត្រីម្នាក់ឈ្មោះ ប៉ុល វណ្ណៈ អាយុ៥០ឆ្នាំ នៅភូមិបត់ត្រង់លិច ឃុំបត់ត្រង់ ស្រុកមង្គលបូរី ជាស្ត្រីមេម៉ាយ កូនៗទៅធ្វើការនៅប្រទេសថៃអស់ ហើយជាមនុស្សផឹកស្រាជាប្រចាំ។
ក្រោយពេលកើតហេតុស្ត្រីរងគ្រោះបានផឹកស្រាស្រវឹងនៅត្រើយម្ខាង រួចបានអុំទូកកាត់ស្ទឹងត្រលប់ទៅផ្ទះវិញក្នុងស្ថានភាពស្រវឹង ហើយធ្លាក់ចូលទឹកស្ទឹងក្បែរច្រាំង អ្នកជិតខាងឃើញរត់ទៅជួយមិនទាន់បណ្តាលឲ្យលង់ទឹកស្លាប់។ ចំណែកនៅឯសង្កាត់និមិត្តក្រុងប៉ោយប៉ែតវិញ លោក ហ៊ុល សំអូន ចៅសង្កាត់និមិត្ត បានឲ្យដឹងថ្ងៃទី១៣ ខែតុលានេះផងដែរ៖ ជំនន់ទឹកភ្លៀងពីអាងអូរខៃដននោះ បានបង្កផលប៉ះពាល់ ដូចខាងលើនៅភូមិសុខសាន្ត រស្មីសេរីភាព កូបធំ។ ចំណែកនៅភូមិកូនដំរី ដុងអារញ្ញា ទឹកលិចនៅវាលស្រែ តែមិនទាន់បង្កប៉ះពាល់ទេ។
លោក ហ៊ុល សំអូន និយាយបន្តថា៖ទឹកមកជំនន់អាងអូរខៃដននោះបានពន្លិចទីធ្លាភូមិឋានអ្នកស្រុក ក្នុងនោះមានកុមារពីរនាក់បានលង់ទឹកស្លាប់ នៅរសៀលថ្ងៃទី១២ តុលា២០១៧ នៅភូមិកូបធំ សង្កាត់និមិត្ត ១/-កុមារាឈ្មោះដួង ពេជ្រ អាយុ២ឆ្មាំ មានឪពុកឈ្មោះ វ៉ា មន្ថា និងម្ដាយឈ្មោះ យ៉ាន គឹមស្រូន។ ចំណែកទី២/-កុមារីឈ្មោះ សេង លី អាយុ១៧ខែ មានឪពុកឈ្មោះ យ៉ាន គឹមស្រ៊ាន និងម្ដាយឈ្មោះ ហួន ផល្លា សពទាំងពីរត្រូវជាបងប្អូនជីដូនមួយនឹងគ្នា។ លោកបន្តថា ក្មេងៗរងគ្រោះទាំងពីរនាក់បានលេងនៅក្រោមទីធ្លាផ្ទះ ហើយបានលង់ស្លាប់ពេលម្តាយចេញទៅវាល ហើយជីដូនចេញទៅលក់បន្លែ។ បច្ចុប្បន្នសពទាំង៣នាក់ ត្រូវបានក្រុមគ្រួសារ ឪពុកម្តាយរៀបចំធ្វើបុណ្យតាមប្រពៃណីរៀងៗខ្លួន៕
ចែករំលែកព័តមាននេះ