រត់បាត់ពីស្រុកជិត១ឆ្នាំ ចូលស្រុកវិញសមត្ថកិច្ចឃាត់ខ្លួន
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នខេត្តបានចូលរួមសហការណ៍
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តបានចូលរួមសហការណ៍ជាមួយកម្លាំងអធិការដ្ឋាននគរបាលស្រុកសូទ្រនិគម បានចុះស្រាវជ្រាវអនុវត្តដីកាបង្គាប់ឱ្យនាំខ្លួនជនសង្ស័យម្នាក់ តាមដីកាលេខ៣៥៥/២០១៦ ចុះថ្ងៃទី២៧ ខែធ្នូ ឆ្នាំ២០១៦ ចេញដោយលោក ឈុន ច័ន្ទសីហា ចៅក្រមស៊ើបសួរនៃសាលាដំបូងខេត្តសៀមរាប។
ពីបទសម្រួលឱ្យប្រើប្រាស់ដោយខុសច្បាប់នូវសារធាតុញៀន កាលថ្ងៃទី១៥ និងថ្ងៃទី២០ ខែវិច្ឆិកា ឆ្នាំ២០១៦ ប្រព្រឹត្តនៅភូមិផ្សារឃ្លាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។ រហូតធ្វើការឃាត់ខ្លួនបានជនសង្ស័យនៅផ្ទះតែម្តង ក្នុងស្រុកសូទ្រនិម ខេត្តសៀមរាប រួចបញ្ជូនទៅតុលាការភ្លាមៗផងដែរ។ ហេតុការណ៍ឃាត់ខ្លួនជនសង្ស័យតាមដីកានោះធ្វើឡើងនៅវេលាម៉ោង១០និង៣០នាទីព្រឹក ថ្ងៃទី១២ ខែតុលា ឆ្នាំ២០១៧ ស្ថិតនៅផ្ទះជនសង្ស័យ ក្នុងភូមិមុខវត្ត ឃុំកំពង់ឃ្លាំង ស្រុកសូទ្រនិគម ខេត្តសៀមរាប។
តាមប្រភពពីកម្លាំងការិយាល័យប្រឆាំងគ្រឿងញៀនខេត្តបានប្រាប់ថា ដោយមានការចង្អុលបង្ហាញពីលោកឧត្តមសេនីយ៍ត្រី ទិត្យ ណារ៉ុង ស្នងការដ្ឋាននគរបាលខេត្ត បានឱ្យកម្លាំងការិយាល័យប្រឆាំងគ្រឿងញៀនខេត្តបានចូលរួមសហការណ៍ជាមួយកម្លាំងអធិការដ្ឋាននគរបាលស្រុកសូទ្រនិគម បានចុះស្រាវជ្រាវអនុវត្តដីកាបង្គាប់ឱ្យនាំខ្លួនជនសង្ស័យម្នាក់ ឈ្មោះ លី នៀវ ភេទប្រុសអាយុ២៤ឆ្នាំ ទីលំនៅភូមិមុខវត្ត ឃុំកំពង់ឃ្លាំង ស្រុកសូទ្រនិគម ខេត្តសៀមរាប។
តាមដីកាលេខ៣៥៥/២០១៦ ចុះថ្ងៃទី២៧ ខែធ្នូ ឆ្នាំ២០១៦ ចេញដោយលោក ឈុន ច័ន្ទ សីហា ចៅក្រមស៊ើបសួរ នៃសាលាដំបូងខេត្តសៀមរាប ពីបទសម្រួលឱ្យ ប្រើប្រាស់ដោយខុសច្បាប់នូវសារធាតុញៀន កាលថ្ងៃទី១៥ និងថ្ងៃទី២០ ខែវិច្ឆិកា ឆ្នាំ២០១៦ ប្រព្រឹត្តនៅភូមិផ្សារឃ្លាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប រួចនាំខ្លួនបញ្ជូនទៅតុលាការតែម្តង។ ក្រោយពែលឃាត់ខ្លួនជនសង្ស័យ ត្រូវបានកម្លាំងជំនាញបញ្ចូនសំណុំរឿងទៅសាលាដំបូងរសៀលថ្ងៃទី១៣ ខែតុលា ឆ្នាំ២០១៧ ដើម្បីចាត់ការតាមផ្លូវច្បាប់៕
ចែករំលែកព័តមាននេះ