កញ្ចាស់តណ្ហាយកដុល្លារ ប្រហារក្មេងស្រី
ខេត្តកណ្ដាល ៖ បុរសពោះម៉ាយវ័យចំណាស់ម្នាក់ត្រូវបាននគរបាលស្រុកពញាឮចាប់ខ្លួន
ខេត្តកណ្ដាល ៖ បុរសពោះម៉ាយវ័យចំណាស់ម្នាក់ត្រូវបាននគរបាលស្រុកពញាឮចាប់ខ្លួន
ខេត្តកណ្ដាល ៖ បុរសពោះម៉ាយវ័យចំណាស់ម្នាក់ត្រូវបាននគរបាលស្រុកពញាឮចាប់ខ្លួន កាលពីល្ងាចថ្ងៃទី១២ ខែតុលា ឆ្នាំ២០១៧ បន្ទាប់ពីមានពាក្យបណ្ដឹងចោទថា បានលួងលោមឱ្យលុយក្មេងស្រី វ័យ១៦ឆ្នាំ ពីរនាក់ដើម្បីរួមភេទជាច្រើនលើកនៅក្នុងផ្ទះ ស្ថិតក្នុងភូមិព្រែកជីក ឃុំកោះចិន ស្រុកពញាឮ តាំងពីអំឡុងខែមីនា ឆ្នាំ២០១៧។ លោក ដួង តេង អធិការនគរបាលស្រុកពញាឮបានឱ្យដឹងថា ជនសង្ស័យដែលបានឃាត់ខ្លួន ឈ្មោះ គិត ចាន់ថុល ហៅសោរ ភេទប្រុស អាយុ៦៨ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកជីក ឃុំកោះចិន ស្រុកពញាឮ ខេត្តកណ្តាល។
ចំណែកក្មេងស្រីរងគ្រោះពីរនាក់ទី១-ឈ្មោះ វ.ស.ន អាយុ១៦ឆ្នាំ ជនជាតិខ្មែរ មុខរបរសិស្ស និងទី២-ឈ្មោះ ផ.ស.វ.រ អាយុ១៦ឆ្នាំ ជនជាតិខ្មែរ មុខរបរអ្នកកត់កន្ទុយលេខ មានទីលំនៅភូមិ-ឃុំជាមួយគ្នា។ លោកអធិការបានឱ្យដឹងបន្ថែមថា កាលពីអំឡុង ខែមីនា ឆ្នាំ២០១៧ កន្លងទៅនេះ ក្មេងស្រីរងគ្រោះឈ្មោះ វ.ស.ន បានទៅខ្ចីលុយពីជនសង្ស័យឈ្មោះ គិត ចាន់ថុល ចំនួន៤ម៉ឺនទុកសងគេ ប៉ុន្តែមុននឹងឱ្យលុយខ្ចីជនសង្ស័យបានលួងលោមជនរងគ្រោះ និងបបួលរួមភេទជាមួយទើបឱ្យលុយ និងហាមមិនឱ្យជនរងគ្រោះប្រាប់នរណាទេ ហើយបានរួមភេទបានសម្រេច។
លុះដល់អំឡុងក្នុងខែកញ្ញា ឆ្នាំ២០១៧ ក្មេងស្រីរងគ្រោះឈ្មោះ ផ.ស.វ.រ បានទៅខ្ចីលុយពីជនសង្ស័យឈ្មោះ គិត ចាន់ថុល ចំនួន៤ម៉ឺនរៀលទៅ៥ម៉ឺនរៀលទុកសងសងថ្លៃត្រូវឆ្នោតគេដោយពេលទៅខ្ចីម្តងៗជនសង្ស័យបានលួងលោមតម្រូវឱ្យជនរងគ្រោះរួមភេទជាមួយខ្លួន បានសម្រេចទើបឱ្យលុយ ដោយសកម្មភាពនេះជនសង្ស័យធ្វើជាច្រើនលើកច្រើនសារដល់ជនរងគ្រោះ និងបានហាមជនរងគ្រោះមិនឱ្យប្រាប់គេ។ ដោយសកម្មភាពនេះត្រូវបានអ្នកជិតខាង និងអាណាព្យាបាលជនរងគ្រោះតាមដានមានការសង្ស័យសួរដេញដោលកូនទើបដឹងពីហេតុការខាងលើ។
លុះមកដល់វេលាម៉ោង៦ល្ងាច ថ្ងៃទី១២ ខែតុលា ឆ្នាំ២០១៧ ជនរងគ្រោះទាំង២នាក់បាននិយាយប្រាប់រឿងហេតុខាងលើប្រាប់ឪពុកម្តាយរបស់ខ្លួន ពេលឮដូច្នេះឪពុក ម្តាយជនរងគ្រោះក៏បានដាក់ពាក្យបណ្តឹង ដោយប្តឹងលើជនសង្ស័យចោទប្រកាន់ថា ជនសង្ស័យខាងលើធ្វើសកម្មភាពលួងលោមរំលោភសេពសន្ថវៈកូនស្រីរបស់គាត់។ ក្រោយពេលឃាត់ខ្លួនជនសង្ស័យត្រូវបាននគរបាលបញ្ជូនមកអធិការដ្ឋាននគរបាលស្រុកពញាឮដើម្បីសាកសួរ និងកសាងសំណុំរឿងចាត់ការតាមនីតិវិធី៕
ចែករំលែកព័តមាននេះ