ទៅស្ទូចត្រីបាត់ដំណឹងឈឹង ពេលរកឃើញអណ្ដែតទឹក
ខេត្តបាត់ដំបង ៖ មានសេចក្តីរាយការណ៍បានឱ្យដឹងថា មានការភ្ញាក់ផ្អើលមួយ
ខេត្តបាត់ដំបង ៖ មានសេចក្តីរាយការណ៍បានឱ្យដឹងថា មានការភ្ញាក់ផ្អើលមួយ ក្រោយពីគេបានប្រទះឃើញសាកសពបុរសម្នាក់អណ្តែតនៅក្នុងបឹងដង្គៀបក្តាម កាលពីវេលាម៉ោង០៨ និង៣០នាទី ព្រឹកថ្ងៃទី១៣ តុលានេះ ស្ថិតក្នុងភូមិទំពូងត្បូង ឃុំតាពូង ស្រុកថ្មគោល ខេត្តបាត់ដំបង។ សេចក្តីរាយការណ៍បន្តថា សាកសពជនរងគ្រោះត្រូវបានស្គាល់ឈ្មោះ អ៊ុយ តិច អាយុ៣៨ឆ្នាំ មានស្រុកកំណើតនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាម។
ទោះបីជាយ៉ាងណា គ្មានអ្នកដឹងពីមូលហេតុ ដែលគាត់លង់ទឹកស្លាប់នេះទេ គ្រាន់តែគ្រួសារបានប្រាប់ថា គាត់បានមកបឹងនេះដើម្បីស្ទូចត្រី កាលពីថ្ងៃទី១២ តុលា ម្សិលមិញ តែអត់ឃើញគាត់ត្រលប់ទៅផ្ទះវិញទេ។ ដោយបាននាំគ្នាតាមរកដែរ ប៉ុន្តែរកមិនឃើញ លុះព្រឹកថ្ងៃទី១៣ តុលា នេះ ស្រាប់តែសាកសពបានអណ្តែតឡើងតែម្តង៕
ចែករំលែកព័តមាននេះ