កំពុងហៅមេល្បែងស៊ីសងទាំងអស់ឱ្យធ្វើកិច្ចសន្យាបញ្ឈប់… បែរអ្នកផ្គើន គឺនៅតែផ្គើន
ខេត្តបាត់ដំបង ៖ សេចក្ដីរាយការណ៍បានឱ្យដឹងថា មន្ត្រីការិយាល័យព្រហ្មទណ្ឌកម្រិតស្រាលនៃស្នងការខេត្ត
ខេត្តបាត់ដំបង ៖ សេចក្ដីរាយការណ៍បានឱ្យដឹងថា មន្ត្រីការិយាល័យព្រហ្មទណ្ឌកម្រិតស្រាលនៃស្នងការខេត្ត
ខេត្តបាត់ដំបង ៖ សេចក្ដីរាយការណ៍បានឱ្យដឹងថា មន្ត្រីការិយាល័យព្រហ្មទណ្ឌកម្រិតស្រាលនៃស្នងការខេត្ត បានកសាងសំណុំរឿងបញ្ជូនមេកន្ទុយលេខដុះស្លែម្នាក់ និងអ្នកចាក់កន្ទុយលេខ២នាក់ទៅប្រគល់ឱ្យតុលាការ ចាត់ការតាមនីតិវិធីច្បាប់ នារសៀលថ្ងៃទី១៣តុលា នេះ ក្រោយពីមន្ត្រីជំនាញបញ្ចប់ការសួរនាំ ។
មន្ត្រីការិយាល័យព្រហ្មទណ្ឌកំរិតស្រាលបានឲ្យដឹងថា ក្រុមអ្នកញៀននឹងល្បែងស៊ីសងទាំង៣នាក់នោះ មាន១-ឈ្មោះស៊ាន ជីលាង ភេទប្រុស អាយុ៣១ឆ្នាំ (ជាមេកន្ទុយលេខ) រស់នៅភូមិកំពង់ក្របី សង្កាត់ស្វាយប៉ោ ២-ឈ្មោះគៀត ស្រស់ ភេទប្រុស អាយុ៥០ឆ្នាំ (ជាអ្នកចាក់កន្ទុយលេខ) រស់នៅភូមិចម្ការប្ញស្សី សង្កាត់ព្រែកព្រះស្ដេច និង៣-ឈ្មោះហេង រដ្ឋា ភេទស្រី អាយុ៣០ឆ្នាំ (ជាអ្នកចាក់កន្ទុយលេខ) នៅភូមិចម្កាឬស្សី សង្កាត់ព្រែកព្រះស្ដេច ក្រុងបាត់ដំបង ។
មន្ត្រីដដែលបញ្ជាក់ថា មេកន្ទុយលេខដុះស្លែឈ្មោះស៊ាន ជីលាង និងអ្នកចាក់២នាក់ខាងលើនេះ ត្រូវកម្លាំងអធិការក្រុងបាត់ដំបង ចុះបង្ក្រាប កាលពីរសៀលថ្ងៃទី១២ តុលា ដែលបើកទីតាំងកត់កន្ទុយលេខដ៏ធំនៅជិតវិមានសព ស្ថិតក្នុងភូមិបែកចានថ្មី សង្កាត់ព្រែកព្រះស្ដេច ក្រុងបាត់ដំបង ។ ជាមួយនឹងការឃាត់ខ្លួនមេនិងកូនកន្ទុយលេខនេះ សមត្ថកិច្ចបានដកហូតវត្ថុតាងមួយចំនួន មានដូចជា តុ កៅអី ក្ដារខៀនកត់លេខឆ្នោត ម៉ាស៊ីនហ្វាក់លេខឆ្នោត និងវត្ថុតាងមួយចំនួនទៀត ។
សូមបញ្ជាក់ថា ជាង១សប្ដាហ៍កន្លងទៅនេះ សមត្ថកិច្ចតាមបណ្ដាស្រុក-ក្រុង បានកោះហៅមេល្បែងស៊ីសងគ្មានច្បាប់គ្រប់ប្រភេទ ឲ្យចួលខ្លួនទៅធ្វើកិច្ចសន្យាបញ្ឈប់សកម្មភាពល្មើសច្បាប់របស់ខ្លួន តាមបទបញ្ជារបស់លោកឧត្តមសេនីយទោ អ៊ុច សុខុន ស្នងការខេត្តដែលទើបចូលកាន់តំណែងថ្មីបានជាង១ខែកន្លងទៅនេះ។ ល្បែងស៊ីសងគ្មានច្បាប់ទាំងនោះ មានដូចជាល្បែងអាប៉ោង បៀរ ល្បែងកន្ទុយលេខ និងម្ចាស់ទីតាំងបើកល្បែងហ្គេមអ៊ីនធើរណេត។ល។ និង។ល។
រហូតមកទល់ពេលនេះ មន្ត្រីជំនាញនៅតែបន្តអនុវត្តនូវផែនការនេះនៅឡើយ ។ ប៉ុន្តែមេល្បែងមួយចំនួនធំ ត្រូវគេសង្កេតឃើញថា ហាក់មិនទាន់ឃើញមានការខ្លបខ្លាចនូវបទបញ្ជា ឬគោរពនូវកិច្ចសន្យារបស់សមត្ថកិច្ចនៅឡើយទេ ។ ផ្ទុយទៅវិញ ពួកគេនៅតែបង្ហាញពីទង្វើផ្គើន និងសំងំបើកលេងលួចលាក់ដដែល ។
ជាពិសេសទីតាំងល្បែងហ្គេមតាមអ៊ីនធើរណេត និងល្បែងកន្ទុយលេខនេះតែម្ដង ដែលកំពុងរីករាលដាលខ្លាំងជាងគេ ដោយសារតែម្ចាស់ទីតាំងបើកល្បែងទាំងនេះ អាងខ្សែ អាងខ្នងសាច់ញាតិ ជាសមត្ថកិច្ច និងមន្ត្រីមានអំណាចចាំកាងពីក្រោយ និងចាំអន្តរាគមន៍ ពេលមានការបង្ក្រាប ដូច្នេះហើយ ទើបមេល្បែងទាំងនេះមិនខ្លាចច្បាប់សោះ ។
ចែករំលែកព័តមាននេះ