សាច់កម្មណាស់…នៅសុខមិនចង់ ចង់បាយស្រាប់
រាជធានីភ្នំពេញ ៖ ក្មេងទំនើង៤នាក់ព្រមទាំងដាវកែច្នៃមួយដើម
រាជធានីភ្នំពេញ ៖ ក្មេងទំនើង៤នាក់ព្រមទាំងដាវកែច្នៃមួយដើម
រាជធានីភ្នំពេញ ៖ ក្មេងទំនើង៤នាក់ព្រមទាំងដាវកែច្នៃមួយដើមត្រូវបានសមត្ថកិច្ចប៉ុស្តិ៍នគបាលទន្លេបាសាក់ឃាត់ខ្លួនយកទៅសាកសួរបន្ទាប់ពីធ្វើសកម្មភាពដេញវាយគ្នានៅតាមផ្លូវ ហេតុការណ៍នេះបានកើតឡើងនៅវេលាម៉ោង១នឹង៣០នាទីរំលងអធ្រាត្រឈានចូល ថ្ងៃទី១៣ ខែតុលា ឆ្នាំ២០១៧ ក្រោយស្ថានទូតសូវៀត សង្កាត់ទន្លេបាសាក់ ខណ្ឌចំការមន ។
តាមសម្តីសមត្ថកិច្ចបានឱ្យដឹងថា មុននឹងឈានទៅដល់ការឃាត់ខ្លួនក្មេងទំនើងទាំងនោះបានគឺមានប្រជាពលរដ្ឋបានទៅរាយការណ៍ប្រាប់សមត្ថកិច្ចមូលដ្ឋាន និងម្តុំផ្សារ កុងតឺន័រក្រោយស្ថាតទូតសូវៀត មានក្មេងទំនើងចំនួន២ក្រុមបានធ្វើការបើកឆាកដេញវាយ នឹងកាប់គ្នាពាសពេញផ្លូវ ដោយដឹងបែបនេះ ពួកគាត់បានដឹកនាំកម្លាំងចុះទៅដល់កន្លែងកើតហេតុ រួចហើយឃាត់ខ្លួនក្មេងទំនើងបានចំនួន៤នាក់ព្រមទាំងដកហូតដាវកែច្នៃមួយដើមយកធ្វើការទៅសាកសួរនៅប៉ុស្តិ៍នគបាលទន្លេបាសាក់ ។ នៅពេលសមត្ថកិច្ចសាកសួរក្រុមក្មេងទំនើងទាំងនោះបានឱ្យដឹងថា ពួកគេមានគ្នាបួននាក់ជិះម៉ូតូ២គ្រឿងបានចេញពីដើរលេងនៅម្តុំណាហ្គាវើលហើយគោលបំណងត្រលប់ទៅវិញនៅម្តុំស្តុបចំការមន លុះមកដល់ម្តុំផ្សារកុងតឺន័រក៏ស្រាប់តែមានបុរសមួយក្រុមទៀតមានគ្នា៧ទៅ៨នាក់ជិះម៉ូតូ៤ទៅ៥គ្រឿងសុទ្ធតែម៉ាកឌូកបានដេញវាយពួកគេ លុះពួកគេភ័យពេកបានជិះម៉ូតូរត់មកដល់ក្រោយទូតសូវៀតក៏ត្រូវសមត្ថកិច្ចឃាត់ខ្លួនបានតែម្តងទៅ ហើយដាវកែច្នៃមួយដើមនោះគឺមិនមែនជារបស់ពួកគេនោះទេ ។
សមត្ថកិច្ចបានឱ្យដឹងថាទៀតថា ក្រុមម្ខាងទៀតដែលជិះម៉ូតូធន់ធំម៉ាកឌូកក៏បានមកប្រាប់សមត្ថកិច្ចថា ក្រុមក្មេងទំនើងទាំង៤នាក់នេះបាន ដេញវាយពួកគេដែលជិះម៉ូតូធន់ធំហើយណាមួយពួកដែលជិះម៉ូតូធន់ធំមិនបានប្តឹងផ្តល់អ្វីនោះទេគឺសុំឱ្យសមត្ថកិច្ចធ្វើការអប់រំទៅបានហើយ ។ ក្រោយពេលកើតហេតុ បន្ទាប់ពីសាកសួរួចក្មេងទំនើងទាំង៤នាក់នោះ ព្រមទាំងដាវកែច្នៃមួយដើមត្រូវបានសមត្ថកិច្ចកសាងសំនុំរឿងបញ្ជូនទៅអធិការដ្ឋានខណ្ឌចំការមនដើម្បីចាត់ការបន្តតាមនីតិវិធី ៕
ចែករំលែកព័តមាននេះ