ផលិតករមួយចំនួនព្រួតគ្នាបកអាក្រាតឌុច លីដា
រាជធានីភ្នំពេញ ៖ ឌុច លីដា បានធ្វើឲ្យផលិតករគាំ ចន្ធី លែងទុកមុខឲ្យដោយបកអាក្រាតពីចំណុចមិនល្អមួយចំនួនរបស់នាងថា
រាជធានីភ្នំពេញ ៖ ឌុច លីដា បានធ្វើឲ្យផលិតករគាំ ចន្ធី លែងទុកមុខឲ្យដោយបកអាក្រាតពីចំណុចមិនល្អមួយចំនួនរបស់នាងថា
រាជធានីភ្នំពេញ ៖ ឌុច លីដា បានធ្វើឲ្យផលិតករគាំ ចន្ធី លែងទុកមុខឲ្យដោយបកអាក្រាតពីចំណុចមិនល្អមួយចំនួនរបស់នាង ក្នុងនោះមានការមិនគោរពពេលវេលាធ្វើឲ្យក្រុមការងារខូចបង់ការងារ និងលុយកាក់ ។
ចំពោះតារាសម្តែងហេង នរៈកក្កដា បានចេញមុខក្នុងវីដេអូឃ្លីបបកអាក្រាតតួកុនមួយចំនួនដែរថាមិនគោរពពេលវេលារហូតធ្វើឲ្យលោកខាតពេល និងប៉ះពាល់ការងារ ព្រោះតួមួយចំនួនចូលចិត្តលេងចរិតតួឯក ។ លោកហេង នរៈកក្កដា និយាយក្នុងវីដេអូឃ្លីបថា «ខ្ញុំពិតជាហួសចិត្តយ៉ាងខ្លាំងដែលក្នុងនាមជាតារាម្នាក់ ជាតួម្នាក់ ប៉ុន្តែសុខចិត្តមកយឺតឱ្យក្រុមការងារផលិតកម្ម និងឱ្យតារាជាច្រើនដេកចាំថត និងពេលខ្លះឈានដល់បោកគ្រាប់បែកមិនមកផង ធ្វើឱ្យតារាសិល្បៈ និងផលិតកម្មខាតបង់។ តើជារឿងសមស្របឬទេ ដែលខ្លួនឯងទទួលការងារពីផលិតកររួចហើយ ប៉ុន្តែបែរជាបង្កផលវិបាកឱ្យគេរង់ចាំ និងឱ្យគេខាតម៉ោង ខាតពេលដោយមិនខ្មាសពីអ្វីដែលខ្លួនឯងបានធ្វើ ។
បើដឹងថាខ្លួនឯងមានចរិតអាក្រក់ ម្ល៉ឹងៗតើគួរឬទេ ដែលខ្លាចផលិតករស្ដីបន្ទោស និងចេញមុខរិះគន់ »។
មិនដឹងថាពាក្យសម្ដី ធ្ងន់ៗរបស់លោកហេង នរៈកក្កដា សំដៅទៅកាន់តារាប្រុស តារាស្រី តារាតែម្នាក់ ឬតារាច្រើននាក់ទេ តែមានការកាត់ស្មានថាតារាម្នាក់នោះពិតជាតួសំខាន់ក្នុងរឿង និងតួល្បីផង ទើបមានឥទ្ធិពលធ្វើឱ្យក្រុមផលិតករត្រូវតែផ្អាកថត ហើយដេករង់ចាំ ដោយមិនអាចកាត់ប្លង់របស់តារានោះចោលបាន ។
ការលើកឡើងរបស់លោកហេង នរៈកក្កដា គឺស្របពេលផលិតករ៣នាក់ទៀតព្រួតគ្នាបកអាក្រាតពីឌុច លីដា ។
លោកគាំ ចន្ធី ម្ចាស់ផលិតកម្ម CFI ផលិតកររឿង«ទូកបាត់ច្រវា»ដែលឌុច លីដា ជាតួឯក បានអះអាងថា «នាងថតកុនជាមួយផលិតកររូបណា នាងជាតារាគោរពពេលវេលា និងមានវិន័យ គឺខ្ញុំមិនដឹងនោះទេ ប៉ុន្តែខ្ញុំមានភស្ដុតាង និងសាក្សីគ្រប់គ្រាន់ថានាងជាតារាដែលមានទម្លាប់អាក្រក់ និងមិនខ្វល់ពីការខាតបង់របស់ផលិតករ ។ តាំងពីបានចេញថតក្នុងរឿង«ទូកបាត់ច្រវា» នាងជាតារាសំបូរហេតុផល មិនអាចមកថតតាមការស្នើសុំជាងគេ ទើបរឿងមួយនេះត្រូវដាក់ផ្សាយនៅPNN តាំងថ្ងៃទី១៦ ខែ៩ ប៉ុន្តែមកទល់ពេលនេះ គឺថតមិនទាន់ចប់ និងដាក់ផ្សាយអត់បាន ដោយសារតែនាងឱ្យថតតិចថ្ងៃខុសពីកិច្ចព្រមព្រៀង ។ ក្នុងពេលត្រូវថត ម្ដងៗ បើណាត់ម៉ោង៦គឺនាងមកដល់ម៉ោង៨ និងភាគច្រើនម៉ោង១០ ដោយក្នុងពេលខ្លះគឺមកដល់កន្លែងថតហើយក៏សុំសម្រាកទៅទៀត ព្រោះតែស្រវឹងពីយប់ និងថាមិនស្រួលខ្លួនជាដើម »។
លោកគាំ ចន្ធី ប្រកាសប្ដឹងបើក្រោយផ្ទុះរឿងចម្រូងចម្រាសហើយឌុច លីដា មិនព្រមថតរឿងឱ្យលោកដល់ចប់ ដែលកាន់តែធ្វើឱ្យលោកមិនអាចដោះស្រាយបានជាមួយPNN ។ ឌុច លីដា បើរឿងលុយកាក់គឺច្បាស់លាស់ ប៉ុន្តែសម្រាប់ការថតគឺមើលស្រាលចំពោះការបង់ខាតរបស់ផលិតករ ទើបលោកត្រូវតែចេញមុខហែកហួរក្រោយពេលនាងខឹងបើកលុយពីលោកមិនបានទាន់ចិត្ត ហើយបង្ហោះសារវាយប្រហារលោកលើហ្វេសប៊ុក ។
មុនការផ្ទុះជម្លោះដ៏ក្ដៅគគុកមួយនេះ លោក យូអីុន ផលិតកររឿង«លង់ស្នេហ៍អ្នកគ្រូ»ធ្លាប់អះអាងថាឌុច លីដា បានបិទទូរស័ព្ទមិនមកថតរឿងរបស់លោក ធ្វើឱ្យក្រុមការងារ និងផលិតកម្មខាតបង់អស់ជិត៣ពាន់ដុល្លារ ដោយសារតែនាងប្រាប់ថារាកមួលមកថតមិនបាន ប៉ុន្តែការណ៍ពិតនាងជាប់ទៅថតឱ្យខាងផ្សេង ។ លោកយូអីុនបានសម្រេចចិត្តកាត់ប្លង់នាងចោល ហើយដាក់បញ្ចាំងរឿង«លង់ស្នេហ៍អ្នកគ្រូ»ទាំងដូរខ្លឹមសារ ធ្វើឱ្យផលិតកម្មមិនមានសាច់រឿងមួយល្អ ។ ប៉ុន្តែឌុច លីដា បានឆ្លើយតបវិញថាបណ្ដាលមកពីផលិតករប្រាប់នាងថាមួយរឿងនោះនាងត្រូវសម្ដែងជាង១០ថ្ងៃ តែបែរជាថត៣ថ្ងៃធ្វើឱ្យនាងខាតកម្រៃស៊ីថ្ងៃ ដូច្នេះហើយទើបនាងមិនទៅថតឱ្យបន្ត ។
ចំណែកផលិតករមួយរូបដែលសុំមិនទាន់បង្ហាញឈ្មោះនៅឡើយ អះអាងថា ឌុច លីដា ក៏ក្រឡុកផលិតកម្មរបស់លោកដែរ ប៉ុន្តែលោកនៅទ្រាំសិន ដោយអះអាងថាបើនាងនៅតែបន្តលើកថ្ងៃបែបនេះបែបនោះ ធ្វើឱ្យផលិតកម្មរបស់លោកខាតបង់បន្តបន្ទាប់ទៀត គឺលោកនឹងចេញមុខបកអាក្រាតដូចលោកគាំ ចន្ធី ដែរ ៕
ចែករំលែកព័តមាននេះ