កីឡាអូឡាំពិក និងមិនអូឡាំពិកមានសារសំខាន់បែបណា?
រាជធានីភ្នំពេញ ៖ សព្វថ្ងៃនេះមានមនុស្សជាច្រើនកាន់តែនិយមចូលចិត្តលេងកីឡា ព្រោះតែយល់ឃើញថា
រាជធានីភ្នំពេញ ៖ សព្វថ្ងៃនេះមានមនុស្សជាច្រើនកាន់តែនិយមចូលចិត្តលេងកីឡា ព្រោះតែយល់ឃើញថា
រាជធានីភ្នំពេញ ៖ សព្វថ្ងៃនេះមានមនុស្សជាច្រើនកាន់តែនិយមចូលចិត្តលេងកីឡា ព្រោះតែយល់ឃើញថា ការលេងកីឡានាំមកនូវសុខភាពល្អ បញ្ញាឈ្លាសវៃ ស្មារតីរឹងមាំ កម្លាំងមាំមួន ។ មិនតែប៉ុណ្ណោះការលេងកីឡានាំមកនូវសុខសន្តិភាព សាមគ្គីភាព និងមិត្តភាព មិនថាកីឡាប្រភេទណាទេ គឺសុទ្ធតែផ្ដល់ប្រយោជន៍ល្អដូចគ្នា ។ ប៉ុន្តែកីឡាត្រូវបានគេចែកចេញជាពីរប្រភេទគឺកីឡាអូឡាំពិក និងមិនអូឡាំ
ពិក ។ ពលរដ្ឋខ្មែរយើងភាគតិចណាស់ដែលស្គាល់ប្រភេទកីឡាទាំងពីរ សូម្បីតែអ្នកកីឡាខ្លះក៏មិនទាន់ស្គាល់កីឡាបែបណាជាកីឡាអូឡាំពិកដែរ ហើយក៏មិនទាន់ដឹងថា ព្រឹត្តិការណ៍កីឡាអូឡាំពិក វាមានសារៈសំខាន់បែបណានោះទេ ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានធ្វើបទបង្ហាញនៅក្នុងឱកាសបើកវគ្គបណ្ដុះបណ្ដាលរដ្ឋបាលកីឡា កាលពីថ្ងៃទី១១ តុលា កន្លងមកនេះថា កីឡាអូឡាំពិក គឺជាប្រភេទកីឡាដែលមានការពេញនិយម និងមានការទទួលស្គាល់ដោយបណ្ដាប្រទេសជាច្រើននៅលើពិភពលោក(ជិត៨០ប្រទេស) និងទទួលស្គាល់ដោយគណៈកម្មាធិការអូឡាំពិកអន្តរជាតិទៀតផង។
ចំពោះព្រឹត្តិការណ៍ប្រកួតកីឡាអូឡាំពិកវិញនោះ ពិតជាមានសារៈសំខាន់ខ្លាំងណាស់ ដោយគេរៀបចំធ្វើរយៈពេល៤ឆ្នាំម្ដង ។ មិនតែប៉ុណ្ណោះគ្រប់ប្រភេទកីឡាដែលត្រូវចូលរួមប្រកួតត្រូវតែឆ្លងកាត់ការប្រកួតវគ្គជម្រុះដើម្បីបានសិទិ្ធចូលរួមប្រកួត ។ មានតែកីឡាហែលទឹក និងកីឡាអត្តពលកម្មប៉ុណ្ណោះដែលមានសិទ្ធិចូលរួមប្រកួតដោយស្វ័យប្រវត្តិ ព្រោះគេយល់ថា កីឡាទាំងពីរប្រភេទនេះមានអាទិភាពជាងគេ។
ម្យ៉ាងវិញទៀត ការប្រកួតកីឡាអូឡាំពិក គឺជាចលនាមួយដ៏សំខាន់សម្រាប់កីឡាដែលមិនមែនអូឡាំពិក បើមិនមានការប្រកួតកីឡាអូឡាំពិកក៏មិនអាចដំណើរការសកម្មភាពរបស់គេបានដែរ ។ បានន័យថា រាល់ព្រឹត្តិការណ៍ប្រកួតកីឡាអូឡាំពិក គឺត្រូវបានគណៈកម្មការកីឡាមិនអូឡាំពិកអនុវត្តតាម ដូចជាការប្រកួតនៅតាមបណ្ដាប្រទេសនិងតំបន់ ដោយបានប្រមូលផ្ដុំទៅដោយកីឡាជាច្រើនប្រភេទ និងបានដាក់ឈ្មោះជាពានរង្វាន់ផ្សេងៗគ្នាតាមតែអាចធ្វើទៅបាន ។
ឧទាហរណ៍ដូចជាការប្រកួតកីឡាតេក្វាន់ដូស្ទីល ITF កម្រិតពិភពលោកនៅប្រទេសកូរ៉េខាងជើងដែលទើបតែបញ្ចប់ទៅកាលពីពេលថ្មីនេះ ។ ប៉ុន្តែកីឡាតេក្វាន់ដូស្ទីល WTF របស់កូរ៉េខាងត្បូងបានចូលជាប្រភេទកីឡាអូឡាំពិករួចហើយ ។ វីរកីឡាការិនី ស៊ន សៀវមុី ដែលមានឱកាសបានចូលរួមប្រកួតកីឡាអូឡាំពិករដូវក្ដៅនៅទីក្រុង RIO ប្រទេសប្រេស៊ីលឆ្នាំមុនគឺសុទ្ធតែឆ្លងកាត់ការប្រកួតវគ្គជម្រុះដណ្ដើមសិទ្ធិទើបបាន ។ មិនដូចប្រភេទកីឡាមិនអូឡាំពិកនោះទេ អ្នកណាក៏អាចចូលរួមប្រកួតបានដែរ ៕
ចែករំលែកព័តមាននេះ