ឈប់ម៉ូតូទិញបារីមិនទាន់បានទិញផងរត់ដេញម៉ូតូវិញ
រាជធានីភ្នំពេញ ៖ បុរសម្នាក់ជិះម៉ូតូទៅទិញបារីមិនទាន់បានទិញផងត្រូវជនសង្ស័យលួចយកម៉ូតូជិះរត់គេចទាំងភ័យស្លន់ស្លោ
រាជធានីភ្នំពេញ ៖ បុរសម្នាក់ជិះម៉ូតូទៅទិញបារីមិនទាន់បានទិញផងត្រូវជនសង្ស័យលួចយកម៉ូតូជិះរត់គេចទាំងភ័យស្លន់ស្លោ
រាជធានីភ្នំពេញ ៖ បុរសម្នាក់ជិះម៉ូតូទៅទិញបារីមិនទាន់បានទិញផងត្រូវជនសង្ស័យលួចយកម៉ូតូជិះរត់គេចទាំងភ័យស្លន់ស្លោទៅបុករបងផ្ទះលក់គុយទាវធ្វើឲ្យជនសង្ស័យរត់គេចខ្លួនបាត់ស្រមោលបន្សល់ទុកម៉ូតូ បង្កឱ្យមានការភ្ញាក់ផ្អើលនៅវេលាម៉ោង៦ព្រលប់ថ្ងៃទី១២ ខែតុលា ឆ្នាំ២០១៧ ស្ថិតនៅមុខតូបម្ចាស់ឈ្មោះ គន្ធា ស្ថិតនៅភូមិត្រពាំងអរក្ស សង្កាត់ឪឡោក ខណ្ឌពោធិ៍សែនជ័យ ។
ជនរងគ្រោះមានឈ្មោះ ផុល ម៉ាប់ ភេទប្រុស អាយុ៣៧ឆ្នាំ មុខរបរកសិករ រស់នៅភូមិត្រពាំងអរក្ស សង្កាត់ឪឡោក ខណ្ឌពោធិ៍សែនជ័យ ។ ម៉ូតូដែលជនសង្ស័យលួចមិនបានសំរេចម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៣ ពាក់ស្លាកលេខ សៀមរាប ១M-៩៩៦៣ ។
តាមប្រភពព័ត៌មានពីជនរងគ្រោះបាននិយាយថា នៅមុនពេលកើតរូបគាត់បានជិះម៉ូតូទៅទិញបារីនៅតូប គន្ធា ស្ថិតនៅភូមិកើតហេតុខាងលើលុះជិះម៉ូតូមកដល់មុខតូបហើយគាត់បានចុះពីលើម៉ូតូដោយមិនបានដកកូនសោចេញពីម៉ូតូទេ រួចបានដើរទៅទិញបារី ខណៈមិនទាន់បានទិញបារីផង ស្រាប់តែឃើញជនសង្ស័យមានគ្នា៣នាក់ជិះម៉ូតូមួយគ្រឿងមិនចាំម៉ាកមកដល់មានជនសង្ស័យម្នាក់ចុះពីលើម៉ូតូហើយឡើងជិះម៉ូតូចេញទៅតែម្តងធ្វើឲ្យមានការផ្អើលឆោឡោហើយជនរងគ្រោះបានទៅប្តឹងសមត្ថកិច្ចមកជួយអន្តរាគមន៍ភ្លាមៗផងដែរ ។
តាមប្រភពពីលោកនាយប៉ុសិ៍្តឪឡោកបានឱ្យដឹងថា បន្ទាប់ពីជនរងគ្រោះប្តឹងភ្លាមពួកគាត់បានចេញប្រត្តិបត្តការហើយបានទាក់ទងទៅកំលាំងប៉ុសិ៍្តដែលនៅជិតប៉ុសិ៍្តរបស់គាត់ដែលស្ថិតនៅខណ្ឌពោធិ៍សែនជ័យបន្ទាប់មកក៏បានឃើញជនសង្ស័យបើកម៉ូតូរត់យ៉ាងលឿនតាមបណ្តោយផ្លូវបេតុងជិតវត្តពោធិ៍វ័ន្ត ហើយបានជិះម៉ូតូទៅបុកម៉ូតូមួយគ្រឿងនៅជិតវត្តពោធិ៍វ័ន្តរួចបានបើករត់បន្តទៀត លុះបើកមកដល់ផ្លូវកែងភូមិត្រពាំងអណ្តូងហៅភូមិប៉ម សង្កាត់ត្រពាំងក្រសាំង ខណ្ឌពោធិ៍សែនជ័យ បានជិះទៅបុករបងដែករបស់អ្នកលក់ស៊ុបគុយទាវនៅភូមិត្រពាំងអណ្តូងបណ្តាលឱ្យខូចអស់២ផ្ទាំងក៏ទុកម៉ូតូចោលរត់គេចខ្លួនបាត់ស្រមោល ។ ក្រោយពេលកើតហេតុសមត្ថកិច្ចបាននាំជនរងគ្រោះ និងម៉ូតូយកទៅសួរនាំនៅប៉ុសិ៍្តនគរបាលរដ្ឋបាលឪឡោកហើយធ្វើលិខិតប្រគល់ឱ្យជនរងគ្រោះវិញ ៕
ចែករំលែកព័តមាននេះ