មើលកាំភ្លើងនោះ… ក្រោយលបបា.ញ់ប្រហារគេនៅមុខផ្ទះ
ខេត្តបាត់ដំបង ៖ សេចក្តីរាយការណ៍ឱ្យដឹងថា កម្លាំងស្នងការខេត្ត រួមជាមួយកម្លាំងនគរបាលស្រុក
ខេត្តបាត់ដំបង ៖ សេចក្តីរាយការណ៍ឱ្យដឹងថា កម្លាំងស្នងការខេត្ត រួមជាមួយកម្លាំងនគរបាលស្រុក បានធ្វើការស្រាវជ្រាវរហូតឃាត់ខ្លួនជនសង្ស័យ២នាក់ ក្នុងករណីប៉ុនប៉ងមនុស្សឃាត ដោយយកកាំភ្លើងខ្យល់បាញ់ទៅបុរសម្នាក់ បណ្តាលឱ្យរងរបួសធ្ងន់ ដែលហេតុការណ៍នេះ បានកើតឡើងកាលពីវេលាម៉ោង០៩ និង៣០នាទីព្រឹកថ្ងៃទី១២ តុលា ស្ថិតនៅចំណុចបឹងព្រះពន្លៃ ក្នុងភូមិគោគរការ ឃុំដូនបា ស្រុកគាស់ក្រឡ ខេត្តបាត់ដំបង ។
សេចក្តីរាយការណ៍បន្តថា ជនសង្ស័យទាំង២នាក់ ម្នាក់ឈ្មោះផៃ វិត ហៅឡោះ អាយុ២៣ឆ្នាំ (ជាម្ចាស់កាំភ្លើងនិងជាអ្នកបាញ់) និងម្នាក់ទៀត ឈ្មោះនៅ ប្រុស ហៅណុយ អាយុ១៩ឆ្នាំ ជាអ្នកសមគំនិត ទាំង២នាក់មានទីលំនៅក្នុងភូមិកើតហេតុ ។ ដោយឡែក ជនរងគ្រោះឈ្មោះរ៉េត ឈៀត ភេទប្រុស អាយុ៣៦ឆ្នាំ បានរងរបួសត្រង់ក្រោមក្លៀកខាងស្តាំ១គ្រាប់ កំពុងសម្រាកព្យាបាលនៅមន្ទីរពេទ្យ ។ កម្លាំងបានដកហូតវត្ថុតាងពីជនសង្ស័យមានកាំភ្លើងខ្យល់១ដើម និងគ្រាប់5 ។
ប្រភពបន្តថា ក្រោយពីឃាត់ខ្លួនជនសង្ស័យពួកគេបានសារភាពថា ដោយសារតែគេមានគំនុំខ្លាំងជាមួយជនរងគ្រោះ ទើបចង់សម្លាប់ ដោយទៅលួចបាញ់ជនរងគ្រោះក្នុងពេល ដែលកំពុងអង្គុយលេងនៅមុខផ្ទះតែម្នាក់ឯង ។
ចែករំលែកព័តមាននេះ