រថយន្ត​ដឹក​អេ​ត​ចាយ​បុក​បុរស​ចំណាស់​ម្នាក់​រង​របួសធ្ងន់


ខេត្តកណ្តាល ៖ បុរស​វ័យ​ចំណាស់​ម្នាក់ បាន​រង​របួស​យ៉ាងធ្ងន់ធ្ងរ ក្នុង​ហេតុការណ៍​គ្រោះថ្នាក់​ចរាចរណ៍ ដើរ​ឆ្លងថ្នល់​ត្រូវ​រថយន្ត​បើក​កៀរ កាលពី​វេលា​ម៉ោង​០៥​និង​៣០​នាទី​ល្ងាច ថ្ងៃ​ទី​១២ ខែតុលា ឆ្នាំ​២០១៧ នៅ​លើ​កំណាត់​ផ្លូវ​កៅស៊ូ លេខ​១៤ ត្រង់​ចន្លោះ​គីឡូម៉ែត្រ​លេខ ១៨​និង​១៩ ស្ថិត​ក្នុងភូមិ​ពាម​រាំង​លើ ឃុំ​ពាម​រាំង ស្រុក​លើក​ដែក ខេត្តកណ្តាល ។ ជន​រង​គ្រោះ​ឈ្មោះ ឌ​ន ឌឺ​ម ភេទ​ប្រុស អាយុ​៦០​ឆ្នាំ ជនជាតិ​ខ្មែរ មុខរបរ​កសិករ ទីលំនៅ​ភូមិ​ឃុំ​កើតហេតុ បាន​រង​របួសធ្ងន់ ត្រូវ​ក្រុម​គ្រួសារ​ដឹក​បញ្ជូន​យក​ទៅ​សង្គ្រោះ​នៅ​មន្ទីរពេទ្យ​រាជធានី​ភ្នំពេញ ។

ចំណែក​រថយន្ត​បង្ក​ម៉ាក​ហ៊ី​យ៉ា​ន់​ដាយ ក្បាល​ពណ៌​ស ទ្រុង​ពណ៌​ខៀវ ពាក់​ស្លាក​លេខ ភ្នំពេញ ៣A-៤០០១ បើកបរ​ដោយ​ឈ្មោះ ង្វៀ​ង យ៉ាំ​ង​ញ៉ា​ង ភេទ​ប្រុស អាយុ​៣១​ឆ្នាំ ជនជាតិ​វៀតណាម មុខរបរ​អ្នកទិញ និង​លក់​អេ​ត​ចាយ មាន​ទំ​លំនៅ​បច្ចុប្បន្ន​ភូមិ​បឹង​កណ្តាល ឃុំ​ខ្ពប​អា​ទាវ ស្រុក​លើក​ដែក ត្រូវ​ពលរដ្ឋ​ឃាត់ខ្លួន​ប្រគល់​ឲ្យ​សមត្ថកិច្ច​យក​ទៅ​សួរនាំ ។

ប្រភព​ព័ត៌មាន​និយាយ​ថា មុន​ពេល​កើតហេតុ គេ​ឃើញ​រថយន្ត​បើកបរ​ក្នុង​ទិស​ដៅ​ពី​អ្នក​លឿង​ទៅ​ក្អម​សំណ ដោយ​ល្បឿន​លឿន​មធ្យម លុះ​មក​ដល់​ចំណុច​ខាងលើ​ក៏​បាន​ទៅ​កៀរ​ជន​រង​គ្រោះ ដែល​កំពុង​ដើរ​ឆ្លងផ្លូវ បណ្តាល​ឲ្យ​ដួល​បោក​ទៅ​នឹង​ថ្នល់​កៅស៊ូ រង​របួសធ្ងន់​តែ​ម្តង ។ ក្រោយ​ទទួល​បាន​ព័ត៌មាន​ភ្លាម សមត្ថកិច្ច​នគរបាល​ជំនាញ​សហការ​ជាមួយ​នគរបាល​ប៉ុស្តិ៍​ចុះ​អន្តរាគមន៍ និង​ធ្វើការ​វាស់វែង​ចាត់ការ​តាម​នីតិវិធី ៕

ចរាចរណ៍

អត្រាប្តូរប្រាក់

  • ប្រាក់រៀល (1USD)
  • KHR 4,048.00
អត្រាប្តូរប្រាក់ផ្សេងទៀត

Live

To Top

ការស្ទង់មតិគេហទំព័រថ្មី




Please leave this field empty.

សូម​អរគុណ