បើលេងបុកពីក្រោយទាំងកំរោលចឹង មានអីនៅទៀត !
រាជធានីភ្នំពេញ ៖ បុរសពីរនាក់បានជិះម៉ូតូចេញពីលេងផ្ទះបងប្អូនគោលបំណងត្រលប់ទៅស្រុកកំណើតវិញ
រាជធានីភ្នំពេញ ៖ បុរសពីរនាក់បានជិះម៉ូតូចេញពីលេងផ្ទះបងប្អូនគោលបំណងត្រលប់ទៅស្រុកកំណើតវិញ
រាជធានីភ្នំពេញ ៖ បុរសពីរនាក់បានជិះម៉ូតូចេញពីលេងផ្ទះបងប្អូនគោលបំណងត្រលប់ទៅស្រុកកំណើតវិញ លុះធ្វើដំណើរដល់ពាក់កណ្ដាលផ្លូវក៏ស្រាប់តែមានរថយន្តយីឌុបមួយគ្រឿងបានបើកមកបុកពីក្រោយពេញទំហឹង បណ្តាលឱ្យអ្នករងរបួសធ្ងន់ម្នាក់ និងស្រាលម្នាក់ហេតុការណ៍នេះដែរបានកើតឡើងនៅវេលាម៉ោង៦នឹង៣០នាទីយប់ថ្ងៃទី១២ ខែតុលា ឆ្នាំ២០១៧ នៅចំណុចផ្លូវ៦០ម៉ែត្រ កែងនឹងផ្លូវទំនប់៧មករា ភូមិគោករលួស សង្កាត់ជើងឯក ខណ្ឌដង្កោ ។
ជនរងគ្រោះមានឈ្មោះ គួច រឹទ្ធ ភេទប្រុស អាយុ២២ឆ្នាំ មុខរបរកសិករ ស្នាក់នៅភូមិព្រែកតាបៅ ស្រុកពាមជ ខេត្តព្រៃវែង ជាអ្នកបើកម៉ូតូ រងរបួសរយះកែងជើងខាងឆ្វេង ចំណែកអ្នកអង្គុយខាងក្រោយមិនបានឱ្យដឹងឈ្មោះនោះទេ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញបុរសពីរនាក់មិនដឹងថា មានគោលបំណងទៅណានោះទេគឺបានជិះម៉ូតូម៉ាកហុងដាឌ្រីម ស៊េរីឆ្នាំ២០១២ ពណ៌ខ្មៅ ពាក់ស្លាកលេខ ព្រៃវែង ១D-៤៥៦៣ ធ្វើដំណើរតាមផ្លូវ៦០ម៉ែត្រក្នុងទិសដៅពីលិចទៅកើត ខណៈមកដល់ចំណុចកើតហេតុអ្នកបើកម៉ូតូបានបត់ស្តាំឡើងទៅផ្លូវទំនប់៧មករា ស្របពេលនោះដែរក៏ស្រាប់តែរថយន្តប្រភេទយីឌុប ពណ៌ស ពាក់ស្លាកលេខ ភ្នំពេញ ៣B-៥៥៣៦ បានធ្វើដំណើរក្នុងទិសដៅស្របគ្នាហើយរថយន្តនោះបានបត់ឆ្វេងស្របគ្នាជាមួយនឹងម៉ូតូទើបបណ្ដាលឱ្យជ្រុលចង្កូតទៅបុកនិងម៉ូតូដែលជិះដោយបុរស២ពីរនាក់ចំពីក្រោយពេញទំហឹងបណ្តាលឱ្យម៉ូតូដួលអូសចូលក្រោម និងធ្វើឱ្យអ្នកបើកម៉ូតូរងរបួសរយះកែងជើងខាងឆ្វេងត្រូវបានរថយន្តសង្គ្រោះបានមកដឹកយកទៅព្យាបាលរបួសនៅគ្លិនិកឯកជន ចំណែកអ្នកអង្គុយខាងក្រោយរងរបួសរលាត់ដៃរលាត់ជើងមិនបានទៅមន្ទីតពេទ្យនោះទេ រីឯម៉ូតូវិញរងការខូចខាតវៀចមួយកំណាត់ខាងក្រោយគៀបជាប់ក្រោមរថយន្ត ។ ដោយឡែករថយន្តបង្កវិញរងការខូចខាតខ្ទេចផ្នែកខាងមុខបន្តិចបន្តួច ហើយភ្លាមនោះដែរអ្នកបើករថយន្តបានរត់គេចខ្លួនបាត់ស្រមោលដោយបន្សល់ទុករថយន្តនៅកន្លែងកើតហេតុ ។
ក្នុងហេតុការណ៍នេះដែរ បើតាមការបញ្ជាក់ពីជនគ្រោះដែលរងរបួសស្រាលបានឱ្យដឹងថា ពួកគាត់មានគ្នា២នាក់បានចេញពីលេងផ្ទះបងប្អូននៅម្តុំបុរីពិភពថ្មីផ្លូវព្រៃស ហើយគោលបំណងជិះម៉ូតូត្រលប់ទៅស្រុកកំណើតវិញនៅខេត្តព្រៃវែង លុះពួកគាត់ធ្វើដំណើរដល់ពាក់កណ្ដាលផ្លូវក៏ស្រាប់តែមានរថយន្តយីឌុបមួយគ្រឿងបានបើកមកបុកម៉ូតូរបស់គាត់ចំពីក្រោយទាំងកំរោលតែម្តងទៅ ។ ក្រោយពេលកើតហេតុរថយន្ត និងម៉ូតូត្រូវបានសមត្ថកិច្ចជំនាញបានមកធ្វើការវាស់វែងយកទៅរក្សាទុកនៅអធិការដ្ឋានខណ្ឌដង្កោរងចាំធ្វើការដោះស្រាយ ៕
ចែករំលែកព័តមាននេះ