ផ្អើលឆោឡោជនបរទេសរើអីវ៉ាន់រត់ចេញទាំងភិតភ័យ
រាជធានីភ្នំពេញ ៖ អណ្តាតភ្លើងឆាបឆេះសន្ធោសន្ធៅចេញពីក្រុមហ៊ុនក្រណាត់មួយកន្លែង
រាជធានីភ្នំពេញ ៖ អណ្តាតភ្លើងឆាបឆេះសន្ធោសន្ធៅចេញពីក្រុមហ៊ុនក្រណាត់មួយកន្លែង
រាជធានីភ្នំពេញ ៖ អណ្តាតភ្លើងឆាបឆេះសន្ធោសន្ធៅចេញពីក្រុមហ៊ុនក្រណាត់មួយកន្លែងបានឆ្លងរាលដាលទៅផ្ទះមួយល្វែងនៅជាប់នោះឆាបឆេះនៅជាន់ទីមួយបង្កឲ្យផ្អើលជនបរទេសដែលជួលស្នាក់នៅក្បែរនោះនាំគ្នាជញ្ជូនអីវ៉ាន់រត់ចេញពីផ្ទះកាលពីវេលាម៉ោង៣នឹង៤០នាទីទាបភ្លឺថ្ងៃទី១៣ ខែតុលា ឆ្នាំ២០១៧ តាមបណ្តោយផ្លូវ១៨៤ ផ្ទះលេខ21CD និងផ្ទះមួយល្វែងទៀតលេខ17EoZ ស្ថិតនៅក្នុងក្រុម៣៨ ភូមិ៩ សង្កាត់ជ័យជំនះ ខណ្ឌដូនពេញ ។
តាមប្រភពព័ត៌មានពីសន្តិសុខយាមនៅកន្លែងកើតហេតុបានឱ្យដឹងថា មុនពេលកើតហេតុគាត់ធំក្លិនឈ្ងៀម និងហុយផ្សែងហ៊ុយចេញមកពីក្រុមហ៊ុននៅជាន់ទី១ដែលសាងសង់ពីឈើ ភ្លាមៗនោះគាត់បានយកកូនសោទៅចាក់ដើម្បីរកន្លែងទុស្សេ តែដោយសារក្នុងក្រុមហ៊ុនមានក្រណាត់ច្រើនពេកគ្រាន់តែចាក់សោចូលទៅឃើញមានអណ្តាតភ្លើងឆាបឆេះឆ្លងរាលដាលដល់ផ្ទះប្រជាពលរដ្ឋនៅជិតនោះផ្ទះលេខ17EoZ ដោយឆេះនៅជាន់ទី១ដូចគ្នាបណ្តាលឲ្យផ្ទុះធុងហ្គាសឆាបឆេះសន្ធៅខូចខាតសម្ភារៈការិយាល័យអស់ទាំងស្រុង ។
បន្ទាប់ពីមានអគ្គីភ័យកើតហេតុសមត្ថកិច្ចមូលដ្ឋានរួម និងលោកអធិការរង ព្រមទាំងកងរាជអាវុធហត្ថខណ្ឌដូនពេញនាំគ្នាអន្តរាគមន៍ជួយរាយណ៍ការណ៍ទៅខាងរថយន្តពន្លត់អគ្គីភ័យចុះមកជួយបាញ់ទឹកពន្លត់អស់ចំនួន៨គ្រឿងទើបរលត់អស់ទាំងស្រុង ។ អគ្គីភ័យខាងលើនេះសន្តិសុខដែលជាអ្នកយាមក្រុមហ៊ុនក្រណាត់បានអះអាងថាជា ករណីទុស្សេខ្សែភ្លើងបណ្តាលឲ្យឆាបឆេះសម្ភារការិយាល័យរបស់ក្រុមហ៊ុនស្តុកក្រណាត់នៅជាន់ទីមួយខូចខាតអស់ទាំងស្រុង និងផ្ទះដែលនៅជាប់នោះខូចខាតអស់ប្រមាណ៥០ភាគរយ តែមិនបង្កឲ្យមានអ្នករងរបួសទេ ។ ក្នុងហេតុការណ៍អគ្គីភ័យនេះផងដែរ ធ្វើឲ្យជនជាតិបរទេសដែលជួលស្នាក់នៅម្តុំនោះភ័យ ស្លន់ស្លោបាននាំគ្នាទាញយកម៉ូតូ និងសម្ភារផ្សេងៗទៀតយកក្រៅផ្ទះគ្រប់គ្នា ៕
ចែករំលែកព័តមាននេះ