ប្រុងប្រយ័ត្ននៅពេលទឹកទំនប់វារីអគ្គីសនីសេសានក្រោម២ឡើងចូលភូមិ
ខេត្តស្ទឹងត្រែង ៖ គណៈកម្មការដោះស្រាយផលប៉ះពាល់ថ្នាក់ខេត្ត បានអំពាវនាវឲ្យប្រជាពលរដ្ឋជនជាតិព្នង
ខេត្តស្ទឹងត្រែង ៖ គណៈកម្មការដោះស្រាយផលប៉ះពាល់ថ្នាក់ខេត្ត បានអំពាវនាវឲ្យប្រជាពលរដ្ឋជនជាតិព្នង
ខេត្តស្ទឹងត្រែង ៖ គណៈកម្មការដោះស្រាយផលប៉ះពាល់ថ្នាក់ខេត្ត បានអំពាវនាវឲ្យប្រជាពលរដ្ឋជនជាតិព្នង ជាង១០០គ្រួសារ ដែលពុំទាន់ចាកចេញពីតំបន់ខាងលើទំនប់វារីអគ្គីសនីសេសានក្រោម២ បង្កើនការប្រុងប្រយ័ត្ន ពីព្រោះទឹកខាងលើទំនប់នេះមានកម្ពស់៧០.៦៧ម៉ែត្រហើយ នៅថ្ងៃទី១១ តុលា ឆ្នាំ២០១៧ បើប្រៀបធៀប ទៅនីវ៉ូទឹកសមុទ្រ។ លោក ដួង ពៅ អភិបាលរងខេត្តបានបញ្ជាក់ថា៖ ប្រជាពលរដ្ឋទាំងអស់ដែលនៅក្នុងភូមិសាស្ត្រ នៃភូមិក្បាលរមាស និងភូមិ ឃុំស្រែគរចាស់ ត្រូវលើកកម្ពស់ការប្រុងប្រយ័ត្នខ្ពស់ពេលទឹកទំនប់ឡើងលិចចូល ក្នុងភូមិ។ លោកអភិបាលរងបន្ថែមថា៖ ក្រោយពីក្រុមហ៊ុនវ៉ារីបានរៀបចំបិទយកទឹកបំពេញអាងរួចមកនេះ យើងសង្កេត អនុភាពកម្លាំងទឹកបានឡើងគួរឱ្យគាត់សម្គាល់ និងមិនអាចស្រកចុះវិញឡើង ពីព្រោះទ្វារ ទឹកត្រូវបិទជារៀងរហូត។
លោក ឆាយ មេង តំណាងក្រុមហ៊ុនវ៉ារីបានបញ្ជាក់បន្ថែមថា៖ ក្រុមបច្ចកទេសបានកំណត់នីវ៉ូទឹកទំនប់នេះឱ្យឡើងខ្ពស់ជាង៧០ម៉ែត្រ ដើម្បីដំណើរការ តួប៊ីនទី១នៅខែវិច្ឆិកាខាងមុខនេះ ក្រោយពី អញ្ជើញប្រមុខរាជរដ្ឋាភិបាលមកចុចកុងតាក់បិទជាផ្លូវការហើយមកនោះ។ លោកថា៖ កម្ពស់ដែលឡើងខ្ពស់នេះ ប្រជាពលរដ្ឋរស់នៅខាងលើត្រូវត្រៀមលក្ខណៈ ជាមធ្យោបាយដឹកជញ្ជូន ជម្លៀសនូវសត្វចិញ្ចឹមគ្រប់ប្រភេទ ដំណាំដាំដុះត្រូវប្រមូលផលទុកជាមុនចៀសវាងកុំមានការខូចខាតដោយអសារបង់ទៅលើទ្រព្យសម្បត្តិ របស់ខ្លួនជាពិសេសនោះត្រូវជូនដំណឹងមកអាជ្ញាធរ ប្រសិនបើបងប្អូនព្រមព្រៀងទទួលយកសំណងមករស់នៅ ភូមិថ្មី។ លោក ផៃ ឡាន ប្រជាពលរដ្ឋនៅឃុំស្រែគរចាស់ ស្រុកសេសាន បានអះអាងថា៖ ប្រជាពលរដ្ឋ ចំនូនជាង១០០គ្រួសារ ដែលមិនទាន់យល់ព្រមទទួលយកសំណងចាកចេញពួកគាត់បានត្រៀមលក្ខណៈ ទប់ទល់ជាមួយទឹកដំឡើងនៃទំនប់នេះរួចហើយ។
លោកបញ្ជាក់ថា៖ ប្រជាពលរដ្ឋបានទទួលដំណឹង និងប្រុងប្រយ័ត្នគ្រប់ៗគ្នា ត្រៀមទូក ក្តារ មធ្យោបាយដឹកជញ្ជូនរួចជាស្រេច ដើម្បីការពារកុំឱ្យប៉ះពាល់ ដល់ការរស់នៅជាពិសេសគឺកូន ចៅតូចៗ នោះ។ សូមបញ្ជាក់ថា៖ រហូតមកដល់ពេលនេះ នៅមានប្រជាពលរដ្ឋតែជាង១០០គ្រួសារទៀតប៉ុណ្ណោះ ដែលកំពុងរស់នៅក្នុងតំបន់រងផលប៉ះពាល់ខាងលើអាងទំនប់ទឹក មិនទាន់ យល់ព្រមចាកចេញនៅឡើយទេ ហើយក្រុមហ៊ុន និងអាជ្ញាធរខេត្ត បានសាងសង់ផ្ទះ រៀបចំដីកសិកម្ម ត្រៀមលក្ខណៈរួចជាស្រេច ដើម្បីជួយប្រជាពលរដ្ឋយើងទាំងអស់នោះ នៅពេលដែលពួកគាត់ព្រមទទួលយក៕
ចែករំលែកព័តមាននេះ