បេក្ខភាពមេឃុំបក្សសង្គ្រោះជាតិ១រូប ត្រូវសមត្ថកិច្ចឃាត់ខ្លួន
ខេត្តក្រចេះ ៖ មនុស្សប្រុសស្រីចំនួន៦នាក់ រស់នៅភូមិក្បាលជួរ ឃុំសំបុក ស្រុកចិត្របុរី
ខេត្តក្រចេះ ៖ មនុស្សប្រុសស្រីចំនួន៦នាក់ រស់នៅភូមិក្បាលជួរ ឃុំសំបុក ស្រុកចិត្របុរី
ខេត្តក្រចេះ ៖ មនុស្សប្រុសស្រីចំនួន៦នាក់ រស់នៅភូមិក្បាលជួរ ឃុំសំបុក ស្រុកចិត្របុរី ក្នុងនោះមានបុរស វ័យចំណាស់ម្នាក់ មុខងារជាបេក្ខភាពមេឃុំលេខរៀងទី៧ មកពីគណៈបក្សសង្គ្រោះជាតិ ត្រូវបានសមត្ថកិច្ចចាប់ខ្លួនពាក់ព័ន្ធនឹងករណីគ្រឿងញៀន។ នគរបាលនិយាយថា ក្រៅពីជនសង្ស័យប្រុស ស្រី៦នាក់ ដែលកំណត់ថា ជាមុខសញ្ញាជួញដូរគ្រឿងញៀន ដែលត្រូវបានចុះក្រសោបចាប់ខ្លួនបាន ជាមួយនឹងគ្រឿងញៀនមួយចំនួន ក្រោមការសម្របសម្រួលពីលោក ជា សុភ័ក្ក្រ ព្រះរាជអាជ្ញាររង អមសាលាដំបូងខេត្ត ក្រៅពីនោះក៏នៅមានឈើប្រណីតមានចំនួនរាប់ពាន់កំណាត់ទៀត ក៏ត្រូវបានចាប់ រឹបអូសក្នុងប្រតិបត្តការជាមួយគ្នា។ ដែលបានធ្វើឡើងកាលពីរសៀលថ្ងៃទី១១ ខែតុលា នៅក្នុង លំនៅឋានមួយ និងក៏ជាទីតាំងស្តុកឈើដ៏ធំមួយកន្លែងនៅក្នុងភូមិក្បាលជួរ ឃុំសម្បុក ស្រុកចិត្របុរី។
មន្ត្រីនគរបាលការិយាល័យប្រឆាំងគ្រឿងញៀនខេត្តឲ្យដឹងថា ជនសង្ស័យប្រុស-ស្រី ក្មេងចាស់ចំនួន ៦នាក់ ក្នុងនោះមានស្រី២នាក់ ត្រូវបាននគរបាលចាប់ខ្លួនក្រោយពីរកឃើញថា មានពាក់ព័ន្ធជាមួយនឹង គ្រឿងញៀនមួយចំនួនដែលបានស្រាវជ្រាវរកឃើញ។ ក្នុងចំណោមមនុស្សប្រុស ស្រីទាំងចំនួ៦នាក់ ដែលសុទ្ធសឹងជាមុខសញ្ញាគ្រឿងញៀន ក្នុងនោះមានបុរសម្នាក់ឈ្មោះ ម៉ៅ គឹមលន់ អាយុ៦៦ឆ្នាំ ជាបេក្ខភាពមេឃុំលេខរៀងទី៧ មកពីគណៈសង្គ្រោះជាតិ។ សមត្ថកិច្ចបានឲ្យដឹងថា ក្រៅពីជនសង្ស័យ ប្រុសស្រី និងគ្រឿងញៀនត្រូវបានរឹបអូស នឹងត្រូវចាប់ខ្លួន បញ្ជូនទៅការិល័យប្រឆាំងគ្រឿងញៀន ដើម្បីបន្តនីតិវិធី។ ក្នុងនោះដែរនៅមាន ឈើប្រណីតប្រភេទធ្នង់មានចំនួនរាប់ពាន់កំណាត់ផ្សេង ទៀតក៏ត្រូវបានចាប់រឹបអូស និងបាននាំយកទៅរក្សាទុកនៅសង្កាត់រដ្ឋបាលព្រៃឈើ ដើម្បីបន្តនីតិវិធី។
ព្រះរាជអាជ្ញារងអមសាលាដំបូងខេត្តលោក ជា សុភ័ក្ក្រ ដែលគេតែងតែឃើញមានភាពសកម្ម ក្នុងការ ដឹកនាំកងកម្លាំងសមត្ថកិច្ចស្រាវជ្រាវចាប់បង្ក្រាបលើមុខសញ្ញាគ្រឿងញៀននៅក្នុងខេត្ត បានឲ្យដឹងថា ដោយមានបទបញ្ជាក៏ដូចជាការចង្អុលបង្ហាញនីតិវិធិពី លោក កែវ សុជាតិ ព្រះរាជអាជ្ញាអមសាលា ដំបូងខេត្ត ដែលជាអ្នកផ្តួចផ្តើមគំនិតបង្កើតមូលនិធី សម្រាប់ទ្រទ្រង់ដល់សកម្មភាពការចាប់បង្ក្រាប គ្រឿងញៀន ទើបកម្លាំងជំនាញសមត្ថកិច្ចមាន ឱកាសចុះធ្វើការស្រាវជ្រាវលើមុខសញ្ញាសង្ស័យ ឈានឲ្យមានការចាប់ខ្លួនបានជាបន្តបន្ទាប់៕
ចែករំលែកព័តមាននេះ