មើលមុខទៅ… ក្រុមដែលធ្វើជារកទិញទូរស័ព្ទដៃអាស៊េរីទំនើបៗ
ខេត្តបាត់ដំបង ៖ កម្លាំងកងរាជអាវុធហត្ថបានធ្វើការស្រាវជ្រាវ រហូតឃាត់ខ្លួនក្រុមជនសង្ស័យចំនួន៤នាក់ជាបន្តបន្ទាប់គ្នា
ខេត្តបាត់ដំបង ៖ កម្លាំងកងរាជអាវុធហត្ថបានធ្វើការស្រាវជ្រាវ រហូតឃាត់ខ្លួនក្រុមជនសង្ស័យចំនួន៤នាក់ជាបន្តបន្ទាប់គ្នា កាលពីថ្ងៃទី១១ តុលា ខណ:ពួកគេសម្ងំលាក់ខ្លួននៅតាមផ្ទះរៀងៗខ្លួន ស្ថិតក្នុងឃុំអន្លង់វិល ស្រុកសង្កែ បន្ទាប់ពីពួកគេបានប្រព្រឹត្តអំពើចោរកម្មនៅក្នុងខេត្តចំនួន៣ និងធ្វើសកម្មភាពជាលើកចុងក្រោយនៅស្រុកថ្មគោល ។
លោកឡាច វ៉ាន់ នាយការិយាល័យបទល្មើសព្រហ្មទណ្ឌកងរាជអាវុធហត្ថខេត្តបានឲ្យដឹងថា ក្រុមជនសង្ស័យទាំង៤នាក់នោះ ១-ឈ្មោះអាង សុខហ៊ាង អាយុ១៦ឆ្នាំ, ២-ឈ្មោះរឿន ពិសិទ្ធ អាយុ១៨ឆ្នាំ, ៣-ឈ្មោះឆេង សុខជា អាយុ១៧ឆ្នាំ និង៤-ឈ្មោះលី មករា អាយុ១៩ឆ្នាំ ទាំង៤នាក់ រស់នៅក្នុងឃុំអន្លង់វិល ស្រុកសង្កែ ។ ជនសង្ស័យវ័យក្មេងទាំងនេះ និងបក្សពួកមួយចំនួនទៀត គឺជាមុខសញ្ញាជិះម៉ូតូធ្វើសកម្មភាពបន្លំលួចយកទូរស័ព្ទតាមហាង និងតាមបណ្ដាខេត្តនានា ។ ប៉ុន្តែត្រូវអស់លក្ខណ៍ បន្ទាប់ពីធ្វើសកម្មភាពលើកចុងក្រោយនេះ កាលពីរសៀលថ្ងៃទី០៦ តុលា នៅហាងលក់ទូរស័ព្ទមួយកន្លែង នៅភូមិកសិកម្ម ឃុំតាពូង ស្រុកថ្មគោល ដែលមានម្ចាស់ឈ្មោះង៉ែត សុខនី ស្រីអាយុ២៧ឆ្នាំ ។
គួរបញ្ជាក់ថា កន្លងមក ក្រុមនេះបានធ្វើជាសួររកទិញទូរស័ព្ទដៃម៉ាកទំនើបៗ លុះពេលម្ចាស់ហាងយកទូរស័ព្ទឲ្យមើលឆក់ឱកាសកាន់រត់ឡើងជិះម៉ូតូគេចបាត់ស្រមោលតែម្ដង ។
ចែករំលែកព័តមាននេះ