នាយករដ្ឋមន្ត្រីទុកពេល8ថ្ងៃឱ្យប្រធានាធិបតីបោះបង់ចោលឯករាជ្យ
សេចក្តីសម្រេចចិត្តនេះរបស់នាយករដ្ឋមន្ត្រីថា
សេចក្តីសម្រេចចិត្តនេះរបស់នាយករដ្ឋមន្ត្រីថា
ប្រទេសអេស្ប៉ាញ ៖ រដ្ឋាភិបាលអេស្ប៉ាញកាលពីថ្ងៃទី១១ តុលា បានទុកពេល៨ថ្ងៃឱ្យរដ្ឋាភិបាលកាតាឡូញបោះបង់ចោលទិសដៅឯករាជ្យរបស់ខ្លួន បើពុំដូច្នោះទេខ្លួននឹងផ្អាកស្វ័យភាពតំបន់នេះ ហើយយកគ្រប់គ្រងដោយផ្ទាល់វិញ ។
សេចក្តីសម្រេចចិត្តនេះរបស់នាយករដ្ឋមន្ត្រីអេស្ប៉ាញ លោក MARIANO RAJOY កើតមានក្រោយសុន្ទរកថារបស់ប្រធានាធិបតីកាតាឡូញ លោក CARLES PUIGDEMONT ដែលប្រកាសឯករាជ្យជានិមិត្តរូប ដោយផ្អាកការអនុវត្ត ដើម្បីបើកច្រកទៅរកការចរចាជាមួយក្រុងម៉ាឌ្រីដ ។
នៅមុខសភាអេស្ប៉ាញ លោក MARIANO RAJOY ប្រកាសថា ប្រសិនបើប្រធានាធិបតីកាតាឡូញអះអាងថា លោកនឹងប្រកាសឯករាជ្យនាថ្ងៃទី១៦ តុលា វេលាម៉ោង៨ម៉ោងសាកលនោះលោកមានពេល៣ថ្ងៃថែមទៀត គឺរហូតដល់ថ្ងៃទី១៩ តុលា វេលាម៉ោង៨ម៉ោងសាកល ដើម្បីដកសេចក្តីសម្រេចចិត្តរបស់លោកវិញ ។ ក្នុងករណីផ្ទុយពីនេះ នោះរដ្ឋាភិបាលអេស្ប៉ាញនឹងអនុវត្តមាត្រាទី១៥៥នៃរដ្ឋធម្មនុញ្ញដែលអាចឱ្យក្រុងម៉ាឌ្រីដផ្អាកស្វ័យភាពតំបន់មួយ ៕
ចែករំលែកព័តមាននេះ