កត្តាធ្វើឱ្យការរំលាយអាហារថយចុះ
ប្រសិនបើអ្នកឡើងទម្ងន់ ភ្លាមៗ ឬមានការលំបាកក្នុងការសម្រកទម្ងន់ មូលហេតុមួយអាច
ប្រសិនបើអ្នកឡើងទម្ងន់ ភ្លាមៗ ឬមានការលំបាកក្នុងការសម្រកទម្ងន់ មូលហេតុមួយអាច
ប្រសិនបើអ្នកឡើងទម្ងន់ ភ្លាមៗ ឬមានការលំបាកក្នុងការសម្រកទម្ងន់ មូលហេតុមួយអាចមកពីការរំលាយអាហាររបស់អ្នកមានភាពយឺតជាងមុន ។
នៅពេលដែលការរំលាយអាហាររបស់អ្នកថយចុះ កាឡូរីដែលមានក្នុងចំណីអាហារមិនអាចបំប្លែងទៅជាថាមពលបានទេ ដូច្នេះពួកវាត្រូវបានបំប្លែងទៅជាកោសិកាខ្លាញ់ដែលធ្វើឲ្យអ្នកឡើងទម្ងន់ ។ ការមានអត្រារំលាយអាហារយឺតអាចមានផលវិបាកអវិជ្ជមានជាច្រើនដល់សុខភាព ។
ដូច្នេះវាជាការសំខាន់ណាស់ក្នុងការធានាឲ្យបានថាអ្នកមានអត្រានៃការរំលាយអាហារដែលល្អចំពោះសុខភាព ។
ខាងក្រោមនេះគឺជាកត្តាមិនប្រក្រតីមួយចំនួនដែលអាចបន្ថយការរំលាយអាហាររបស់អ្នក ។
១-អាយុ
នៅពេលដែលយើងមានវ័យកាន់តែចាស់ កោសិការបស់យើងចាប់ផ្តើមចុះទន់ខ្សោយ និងសមត្ថភាពរាងកាយរបស់យើងដើម្បីផលិតថាមពលក៏ត្រូវបានកាត់បន្ថយ បណ្តាលឱ្យការរំលាយអាហារមានការថយចុះ ។
២-ម៉ាស់សាច់ដុំ
ប្រសិនបើអ្នកមានសាច់ដុំក្នុងរាងកាយរបស់អ្នក ច្រើនជាងកោសិកាខ្លាញ់ នោះការរំលាយអាហាររបស់អ្នកអាចមានកម្រិតខ្ពស់ជាងមុន ដោយសារកោសិកាខ្លាញ់បន្ថយការរំលាយអាហាររបស់អ្នក ។
៣-កម្ពស់
យោងតាមការសិក្សាស្រាវជ្រាវមួយចំនួននៅលើប្រធានបទនេះ បើអ្នកមានកម្ពស់កាន់តែទាប នោះអត្រានៃការរំលាយអាហាររបស់អ្នកក៏ទាបដូចគ្នា ហើយស្ថានភាពនេះមានភាពផ្ទុយគ្នាចំពោះអ្នកដែលមានកំពស់ខ្ពស់ ។អ្នកវិទ្យាសាស្ដ្រនៅតែព្យាយាមកំណត់មូលហេតុពិតប្រាកដនៃកត្តានេះនៅឡើយ ។
៤-សកម្មភាពរាងកាយ
ប្រសិនបើអ្នកមិនសូវបានធ្វើលំហាត់ប្រាណទៀងទាត់ ការរំលាយអាហាររបស់អ្នកអាចនឹងថយចុះ ដោយសារការធ្វើលំហាត់ប្រាណអាចជួយបង្កើនល្បឿននៃការរំលាយអាហាររបស់អ្នក ។
៥-អតុល្យភាពអ៊័រម៉ូន
ប្រសិនបើអ្នកមានបញ្ហាអតុល្យភាពអ៊័រម៉ូន អត្រានៃការរំលាយអាហាររបស់អ្នកអាចថយចុះដោយស្វ័យប្រវត្តិ ដោយសារអ៊័រម៉ូនដើរតួនាទីយ៉ាងសំខាន់ចំពោះការរំលាយអាហារ។
៦-ការឃ្លាន
ប្រសិនបើអ្នកបង្អត់អាហារដើម្បីសម្រកទម្ងន់ នោះការរំលាយអាហាររបស់អ្នកអាចថយចុះ ដោយសារតែរាងកាយរបស់អ្នកនឹងមិនមានថាមពលគ្រប់គ្រាន់ក្នុងការប្រើប្រាស់ ៕
ចែករំលែកព័តមាននេះ