មន្ត្រីអង្គការសហប្រជាជាតិត្រូវជម្លៀសចេញ ព្រោះតែព្រាយជញ្ជក់ឈាមក្នុងភូមិ
សារព័ត៌មានបរទេសផ្សាយថា
សារព័ត៌មានបរទេសផ្សាយថា
សារព័ត៌មានបរទេសផ្សាយថា កាលពីពេលថ្មីៗកន្លងមកអង្គភាពនៃអង្គការសហប្រជាជាតិ (UN) បានបញ្ជូនមន្ត្រីមួយចំនួនចេញពីតំបន់២ក្នុងប្រទេសម៉ាឡាវី ព្រោះតែភ័យខ្លាច «ខ្មោចព្រាយជញ្ជក់ឈាម» នៅក្នុងភូមិ ។ អ្នកដែលគេសង្ស័យថា ជាខ្មោចព្រាយជញ្ជក់ឈាម៥នាក់ត្រូវអ្នកភូមិសម្លាប់ ។
ទីជនបទមួយរបស់ប្រទេសម៉ាឡាវីជាប្រទេសក្រីក្របំផុតនៅលើពិភពលោកនៅតែប្រកាន់ជំនឿទាក់ទិននឹងវេទមន្ត ឬខ្មោចព្រាយ ។ ដោយសារតែជំនឿនោះបណ្តាលឲ្យកើតមានអំពើហិង្សាជារឿយៗ ព្រោះមានការលេចឮពាក្យចចាមអារ៉ាមលើរឿងព្រាយជញ្ជក់ឈាមកាលពីឆ្នាំ២០០២ ក្រុមប្រឹក្សាសន្តិសុខនៃអង្គការសហប្រជាជាតិ (UNDSS)បញ្ជាក់ថា នៅតំបន់ «Phalombe» និង «Mulanje» បានទទួលផលប៉ះពាល់ខ្លាំងពីពាក្យចចាមអារ៉ាមរឿងខ្មោចជញ្ជក់ឈាម ឬ«Vampire»នេះ ។
«UNDSS» បញ្ជាក់ថា ចាប់តាំងពីពាក់កណ្តាលខែកញ្ញា កន្លងមក មានជនសង្ស័យយ៉ាងហោចណាស់៥នាក់ត្រូវសម្លាប់នៅក្នុងតំបន់ទាំង២នោះ ដោយស្នាដៃរបស់ក្រុមអ្នកភូមិដែលចោទថា មានអ្នកស្លាប់ដោយសារខ្មោចព្រាយជញ្ជក់ឈាម ។
ក្រុមអ្នកភូមិចេញមុខរកខ្មោចជញ្ជក់ឈាមបានបង្កើតឧបករណ៍ដាក់ស្កាត់ទទឹងផ្លូវធ្វើឱ្យកើតក្តីបារម្ភពីសុវត្ថិភាពរបស់មន្ត្រីនៃអង្គការសហប្រជាជាតិ តម្រូវឱ្យមន្ត្រីមួយចំនួនក្នុងប្រទេសម៉ាឡាវីដកខ្លួនចេញពីតំបន់នោះ និងផ្អាកគម្រោងការជួយសង្គ្រោះជាបណ្តោះអាសន្ន ។
ចំណែកនៅឯវិមានរបស់លោកប្រធានាធិបតីពីទ័រ មូថារីកា នៃប្រទេសម៉ាឡាវីបញ្ជាក់រឿងហេតុដែលកើតឡើងថា វាជាក្តីបារម្ភយ៉ាងខ្លាំងដល់ប្រធានាធិបតី រួមទាំងរដ្ឋាភិបាល៕
ចែករំលែកព័តមាននេះ