ភ្លេចខ្លួនតែមួយភ្លែតសោះ ចង់អស់រលីងតែម្តង
ខេត្តពោធិ៍សាត់ ៖ ផ្ទះឈើមួយខ្នងប្រក់ស័ង្កសីទំហំ០៥គុណនឹង០៦ម៉ែត្រ ត្រូវបាន
ខេត្តពោធិ៍សាត់ ៖ ផ្ទះឈើមួយខ្នងប្រក់ស័ង្កសីទំហំ០៥គុណនឹង០៦ម៉ែត្រ ត្រូវបាន
ខេត្តពោធិ៍សាត់ ៖ ផ្ទះឈើមួយខ្នងប្រក់ស័ង្កសីទំហំ០៥គុណនឹង០៦ម៉ែត្រ ត្រូវបានភ្លើងឆេះគ្រឿងក្នុងខូចខាតសម្ភារអស់មួយចំនួនធំ ប៉ុន្តែមិនគ្រោះថ្នាក់ដល់ជីវិតមនុស្សទេ ហេតុការណ៍កើតឡើងកាលពីវេលាម៉ោង០៧និង៤៥នាទីព្រឹកថ្ងៃទី១១ ខែតុលា ឆ្នាំ២០១៧នៅភូមិកាប៉ាស់ ឃុំឈើតុំ ស្រុកក្រគរ ខេត្តពោធិ៍សាត់។
សមត្ថកិច្ចមូលដ្ឋានឲ្យដឹងថា ម្ចាស់ផ្ទះឈ្មោះ គីង អឿន ភេទប្រុស អាយុ៥៨ឆ្នាំ ប្រពន្ធឈ្មោះប៉ែន សុគន្ធ អាយុ៥៨ឆ្នាំដូចគ្នា មានកូនប្រុសម្នាក់ក្នុងបន្ទុក ។ នៅព្រឹកនោះខណៈពេលដែលម្ចាស់ផ្ទះជាប់រវល់ការងាររៀងៗខ្លួន ហើយមួយសន្ទុះធំក៏ក្រឡេកមកស្រាប់តែឃើញភ្លើងកំពុងរាលឆេះក្នុងផ្ទះក៏ស្រែកឆោឡោឡើង ។ ពេលនោះអ្នកស្រុក អ្នកភូមិ និងសមត្ថកិច្ចនគរបាលប៉ុស្តិ៍រដ្ឋបាលមកជួយដងទឹកពន្លត់ទាន់ទើបឆេះតែសម្ភារនៅក្នុងផ្ទះប៉ុណ្ណោះតែមិនឆេះផ្ទះទាំងស្រុងនោះទេ ប៉ុន្តែបានឆេះគ្រែ ពួក សាឡុង តុ ទូ កង្ហា ទូរទស្សន៍ និងសម្ភារមួយចំនួនទៀត គិតជាទឹកប្រាក់ប្រមាណ៤០០០ដុល្លារសហរដ្ឋអាមេរិក។
សមត្ថកិច្ចបានសន្និដ្ឋានថា អគ្គីភ័យនេះអាចបណ្ដាលមកពីឆ្លងចរន្ដអគ្គិសនីខ្សែភ្លើងដែលទុកដាក់តមិនបានត្រឹមត្រូវតាមបច្ចេកទេស ៕
ចែករំលែកព័តមាននេះ