ពេលនេះហើយ នៅរកស៊ីខូចទៀត!
ខេត្តឧត្តរមានជ័យ ៖ មន្ទីរកសិកម្មរុក្ខាប្រមាញ់ និងនេសាទខេត្តឧត្តរមានជ័យ បានចុះត្រួតពិនិត្យ
ខេត្តឧត្តរមានជ័យ ៖ មន្ទីរកសិកម្មរុក្ខាប្រមាញ់ និងនេសាទខេត្តឧត្តរមានជ័យ បានចុះត្រួតពិនិត្យ
ខេត្តឧត្តរមានជ័យ ៖ មន្ទីរកសិកម្មរុក្ខាប្រមាញ់ និងនេសាទខេត្តឧត្តរមានជ័យ បានចុះត្រួតពិនិត្យដេប៉ូចែកចាយជីមួយកន្លែងដែលសង្ស័យថា បានដាក់តាំងលក់ជីខុសច្បាប់ តាមបណ្តឹងរបស់ក្រុមហ៊ុននាំចូលជីប្រើប្រាស់ផ្តាច់មុខឈ្មោះ លឹម ប៊ុនហេង ត្រេឌីងខូលអិលធីឌី។
ក្នុងប្រតិបត្តិការនេះដឹកនាំដោយលោក គាំ វុឌ្ឍីធន អនុប្រធានមន្ទីរកសិកម្មខេត្តឧត្តរមានជ័យ និងលោក តាំង គួយឃាង នាយកគ្រប់គ្រងក្រុមហ៊ុន លឹម ប៊ុនហេងត្រេឌីងខូអិលធីឌី បានចុះទៅដល់ទីតាំងដេប៉ូឈ្មោះ ស៊ុន ងួនអេង និងបានសុំឲ្យម្ចាស់ដេប៉ូសហការ ដើម្បីបើកឃ្លាំងដាក់ជីធ្វើការត្រួតពិនិត្យ កាលពីវេលាម៉ោង២រសៀល ថ្ងៃទី១១ ខែតុលា ឆ្នាំ២០១៧ នៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
លោក គាំ វុឌ្ឍីធន អនុប្រធានមន្ទីរកសិកម្ម រក្ខាប្រមាញ់ និងនេសាទបានឲ្យដឹងថា លោកអនុវត្តន៍ទៅតាមបណ្តឹងរបស់ក្រុមហ៊ុន លឹម ប៊ុនហេង ត្រេឌីងខួអិលធីឌី ដែលម្ចាស់ដេប៉ូលក់ជីឈ្មោះ ស៊ុន ងួនអេង បានរំលោភលើកម្មសិទ្ធិបញ្ជារបស់ក្រុមហ៊ុនធ្វើការនាំចូលជីប្រភេទ ជីកែងសញ្ញាក្បាលគោ ពីប្រទេសថៃ មកចែកចាយនៅក្នុងស្រុកអន្លង់វែង ដោយគ្មានការអនុញ្ញាតពីក្រុមហ៊ុន ក្នុងសិទ្ធិនាំចូលផ្តាច់មុខ ៕
ចែករំលែកព័តមាននេះ