តើ Apple ពិតជាធ្វើឱ្យទូរស័ព្ទចាស់ដំណើរការយឺតឬ ?
រាល់ពេលដែល Apple ចេញការ Update ប្រព័ន្ធ iOS ទៅជំនាន់ថ្មី អ្នកប្រើប្រាស់តែងតែរអ៊ូរទាំថា
រាល់ពេលដែល Apple ចេញការ Update ប្រព័ន្ធ iOS ទៅជំនាន់ថ្មី អ្នកប្រើប្រាស់តែងតែរអ៊ូរទាំថា
រាល់ពេលដែល Apple ចេញការ Update ប្រព័ន្ធ iOS ទៅជំនាន់ថ្មី អ្នកប្រើប្រាស់តែងតែរអ៊ូរទាំថា ទូរស័ព្ទរបស់ពួកគេដំណើរការកាន់តែយឺត ។ ពួកគេគិតថា Apple មានចេតនាធ្វើឲ្យទូរស័ព្ទស៊េរីចាស់ៗដំណើរការកាន់តែយឺត ដើម្បីឲ្យអ្នកប្រើប្រាស់ទិញទូរស័ព្ទស៊េរីថ្មីក្នុងតម្លៃដ៏ថ្លៃ ។
យោងតាមការសិក្សារបស់ Futuremark ជាក្រុមហ៊ុនផលិត Software ជាច្រើនបានឲ្យដឹងថា អំណះអំណាងនេះមិនពិតឡើយ ។
ការសាកល្បងរបស់ Futuremark រួមមានទូរស័ព្ទ iPhone 5s, 6, 6s និង 7 ហើយពួកគេប្រទះឃើញថា គ្មានភស្តុតាងណាដែលអាចបញ្ជាក់ឃើញថា Apple មានចេតនាធ្វើឲ្យទូរស័ព្ទស៊េរីចាស់ដំណើរការកាន់តែយឺតឡើយ ។
ឧទាហរណ៍ iPhone 5s ដែលបានដាក់លក់ក្នុងឆ្នាំ២០១៣ គឺ GPU និង CPU របស់វាមិនបានផ្លាស់ប្តូរទេ ពេលដែលប្តូរពីការប្រើប្រាស់ iOS 9 មក iOS 11 ។ ការសិក្សានេះប្រទះឃើញការធ្លាក់ចុះបន្តិចបន្តួច ប៉ុន្តែមិនដល់កម្រិតខុសពីធម្មតាទេ ។
សម្រាប់ទូរស័ព្ទស៊េរីផ្សេងៗវិញ GPU ដំណើរការដដែល ប៉ុន្តែកម្លាំង CPU ធ្លាក់ចុះបន្តិច ។ Futuremark កត់សម្គាល់ថា វាអាចមកពីការ Update របស់ iOS ប៉ុន្តែអះអាងថាវាមិនធ្ងន់ធ្ងរដល់កម្រិតឲ្យអ្នកប្រើប្រាស់រអ៊ូរទាំទេ ។
ទាក់ទងនឹងសំណួរថា ហេតុអ្វីបានជាទូរស័ព្ទស៊េរីចាស់ៗរបស់ Apple ដំណើរការកាន់តែយឺត បន្ទាប់ពីការ Update នោះ ?
Futuremark និយាយថា កម្មវិធីទូរស័ព្ទអាចជាកត្តាមួយ ។ កម្មវិធីចាស់ៗដែលមិនស័ក្តិសមនឹង iOS ជំនាន់ថ្មី គឺអាចនឹងដំណើរការយឺត។ លើសពីនេះ កម្មវិធីដែលបង្កើតសម្រាប់ទូរស័ព្ទស៊េរីថ្មីៗ អាចនឹងមិនដំណើរការបានលឿនលើស្មាតហ្វូនចាស់ៗ ។
Futuremark បន្ថែមថា ចំណុចពិសេសថ្មីៗដែលភ្ជាប់មកជាមួយការ Update ប្រព័ន្ធ iOS អាចនឹងធ្វើឲ្យទូរស័ព្ទដំណើរការយឺតដែរ ព្រោះវាបង្ខំឲ្យទូរស័ព្ទប្រើប្រាស់កម្លាំង Processing ច្រើន ។
ជាចុងក្រោយ Futuremark និយាយថា Apple ធ្វើបានល្អណាស់ក្នុងការជួយដល់ទូរស័ព្ទចាស់ៗ ដោយផ្តល់ជាការ Update ដែលរក្សាគុណភាពសម្រាប់គ្រប់ស៊េរី iPhone៕
ចែករំលែកព័តមាននេះ