អស់និយាយគេនៅស្ងៀមសោះ រត់តែឯង
រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងបានជិះម៉ូតូជ្រុលទៅបុកចំពីក្រោយ
រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងបានជិះម៉ូតូជ្រុលទៅបុកចំពីក្រោយ
រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងបានជិះម៉ូតូជ្រុលទៅបុកចំពីក្រោយរថយន្តមួយគ្រឿងដែលឈប់នៅស្ងៀមពេញទំហឹង ហេតុការណ៍នេះបានកើតឡើងនៅវេលាម៉ោង១២អធ្រាត្រថ្ងៃទី១១ ខែតុលា ឆ្នាំ២០១៧ នៅជិតភោជនីយដ្ឋាន៨៨១ ផ្លូវព្រះមុនីវង្ស ភូមិព្រែកតានូ សង្កាត់ចាក់អង្រែលើ ខណ្ឌមានជ័យ ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុ បុរសពីរនាក់បើករថយន្តស៊េរីទំនើប ពណ៌ខ្មៅ ស្លាកលេខ ភ្នំពេញ ២AI-៧៥៥៥ ធ្វើដំណើរតាមផ្លូវព្រះមុនីវង្ស ក្នុងទិសដៅពីលិចទៅកើត នៅជិតស្ពានអាកាសក្បាលថ្នល់ ក៏បានឈប់អែបខាង ស្រាប់តែបុរសម្នាក់ មិនដឹងថាចេញពីផឹកវិញនៅកន្លែងណានោះទេ បានជិះម៉ូតូមួយគ្រឿង ពណ៌ខ្មៅ ធ្វើដំណើរស្របគ្នាយ៉ាងលឿន ព្រមទាំងស្រវឹងបានជ្រុលទៅបុករថយន្តពីក្រោយពេញទំហឹង បណ្តាលឲ្យខូចខាត បែកកាងក្រោយបន្តិច ។ ដោយឡែកខាងម៉ូតូបង្កវិញរងការខូចខាតវៀច.ក ចំណែកមនុស្សរងរបួសតិចតួច ។
ប្រភពបន្តទៀតថា ក្រោយពេលកើតហេតុ អ្នកបើកម៉ូតូភ័យពេក ក៏បានរត់គេចខ្លួនបាត់ចោលម៉ូតូបាត់ស្រមោលតែម្តង ។ រីឯខាងរថយន្តវិញ ខ្ជិលមានរឿងវែងឆ្ងាយបានបើករថយន្តចេញពីកន្លែងកើតហេតុបាត់ទៅ នៅសល់តែម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍នគបាលចាក់អង្រែលើ រង់ចាំប្រគល់ឲ្យម្ចាស់វិញ ៕
ចែករំលែកព័តមាននេះ