សូមត្រេកអរ…ឮថាពលរដ្ឋខ្មែរដែលថៃបា.ញ់ នៅមានជីវិតនៅឡើយ
ខេត្តបន្ទាយមានជ័យ ៖ សេចក្តីរាយការណ៍បន្តឱ្យដឹងលើករណីពលរដ្ឋខ្មែរ២នាក់
ខេត្តបន្ទាយមានជ័យ ៖ សេចក្តីរាយការណ៍បន្តឱ្យដឹងលើករណីពលរដ្ឋខ្មែរ២នាក់
ខេត្តបន្ទាយមានជ័យ ៖ សេចក្តីរាយការណ៍បន្តឱ្យដឹងលើករណីពលរដ្ឋខ្មែរ២នាក់ ដែលត្រូវថៃបាញ់បណ្តាលឱ្យរងរបួសធ្ងន់ ក្នុងករណីចូលទៅលួចមាន់ ហើយមានព័ត៌មានថា ពួកគេទាំង២នាក់បានស្លាប់នោះ ត្រូវលោកប៊ុន គុណ ជាមេប៉ុស្តិចំបក់នៃនគរបាលការពារព្រំដែនគោកលេខ815 បានប្រាប់កោះសន្តិភាពនាព្រឹកថ្ងៃទី១២ តុលា នេះថា ជនរងគ្រោះទាំង២ គឺនៅមិនទាន់ស្លាប់នោះទេ ខណៈខាងភាគីថៃ កំពុងតែរង់ចាំឪពុកម្តាយទាំង២មកទទួល និងត្រូវដោះស្រាយសំណងផងដែរ ។
សេចក្តីរាយការណ៍បន្តថា ជនរងគ្រោះទាំង២នាក់ខាងលើ ម្នាក់ឈ្មោះស្រី ភក្តី អាយុ២៩ឆ្នាំ មានទីលំនៅភូមិអូរល្វា ឃុំជ្រៃសីមា ស្រុកសំពៅលូន ខេត្តបាត់ដំបង និងម្នាក់ទៀតឈ្មោះរឿម រឹម ហៅងោល អាយុ៣០ឆ្នាំ មានទីលំនៅភូមិល្វា ឃុំបឹងបេង ស្រុកម៉ាឡៃ ខេត្តបន្ទាយមានជ័យ ដែលបច្ចុប្បន្នកំពុងសម្រាកព្យាបាល នៅមន្ទីរពេទ្យក្នុងស្រុកខ្លងហាត ប្រទេសថៃ នៅឡើយ ។
គួរបញ្ជាក់ថា ពលរដ្ឋខ្មែរទាំង២នាក់ ត្រូវបានប្រភពរាយការណ៍ថា ត្រូវពលរដ្ឋថៃបាញ់របួសធ្ងន់លើទឹកដីថៃ ក្នុងភូមិរ៉ាសុភី ឃុំប ស្រុកខ្លងហាត ខេត្តស្រះកែវ ឈមទឹកដីកម្ពុជាស្រុកសំពៅលូន កាលពីល្ងាចថ្ងៃទី១០ តុលា កន្លងមក ចោទថា បានលួចមាន់ ។ ព័ត៌មាននេះ ត្រូវបាននគរបាលប៉ុស្តិរដ្ឋបាល ឃុំជ្រៃសីម៉ា ទទួលសេចក្តីរាយការណ៍ពីពលរដ្ឋតាមទូរស័ព្ទ បន្ទាប់មកចុះស្រាវជ្រាវ ជួបពលរដ្ឋ ដែលមកពីបេះម្ទេសឱ្យថៅកែថៃឈ្មោះម៉ៅ ចន្ធី ភេទប្រុស អាយុ30ឆ្នាំ រស់នៅភូមិអូរល្វា ឃុំជ្រៃសីម៉ា ប្រាប់ថា ពេលគាត់វិលត្រឡប់ពីដីថៃ ប្រទះឃើញជនរងគ្រោះទាំង២រងរបួសធ្ងន់ ហើយត្រូវកម្លាំទាហានឈុតខ្មៅថៃ លើកដាក់រថយន្តយកទៅមន្ទីរពេទ្យក្នុងស្រុកកើតហេតុគឺស្រុកខ្លងហាត ។
យ៉ាងណាក៏ដោយ គេពុំដឹងថា ជនរងគ្រោះរបួសកន្លែងណា ហើយកាំភ្លើងដែលគេបាញ់លើពលរដ្ឋខ្មែរនេះម៉ាកអ្វីនោះដែរ ។ ជុំវិញករណីខាងលើ លោកប៊ុន គុណ មេប៉ុស្តិចំបក់នៃនគរបាលការពារព្រំដែនគោកលេខ815 ប្រាប់តាមទូរស័ព្ទថា ពិតជាកើតមានមែន។
ចែករំលែកព័តមាននេះ