ចេញពីធ្វើការជិះម៉ូតូទៅផ្ទះរេចង្កូតទៅបុកបង្គោលភ្លើងដួលបោកក្បាលស្លា.ប់
រាជធានីភ្នំពេញ ៖ បុរសម្នាក់ចេញពីធ្វើការត្រលប់ទៅផ្ទះវិញបានជិះម៉ូតូរេចង្កូត
រាជធានីភ្នំពេញ ៖ បុរសម្នាក់ចេញពីធ្វើការត្រលប់ទៅផ្ទះវិញបានជិះម៉ូតូរេចង្កូត
រាជធានីភ្នំពេញ ៖ បុរសម្នាក់ចេញពីធ្វើការត្រលប់ទៅផ្ទះវិញបានជិះម៉ូតូរេចង្កូតឡើងលើចិញ្ចើមផ្លូវជ្រុលទៅបុកដើមដូងដាក់តាំងបែកអស់២ផើងហើយជ្រុលទៅបុកបង្គោលភ្លើងបណ្ដាលឱ្យជនរងគ្រោះហោះផ្ទប់ទៅបុកនឹងបង្គោលភ្លើងបែកក្បាលធ្លាយខួរស្លាប់ភ្លាមៗ ។ ហេតុការណ៍គួរឱ្យរន្ធត់នេះបានកើតឡើងនៅវេលាម៉ោង២នឹង៥០នាទីរំលងអធ្រាត្រឈានចូល ថ្ងៃទី១២ ខែតុលា ឆ្នាំ២០១៧ ទុលមុខនឹងរោងចក្រអគ្គិសនីទី២ ផ្លូវជាតិលេខ២ ភូមិទួលរកា សង្កាត់ចាក់អង្រែលើ ខណ្ឌមានជ័យ ។
ជនរងគ្រោះមានឈ្មោះ វុទ្ធី ចាន់ដេត ភេទប្រុស អាយុ២២ឆ្នាំ មុខរបរធ្វើការនៅហាងលក់បាយក្បែរសាលាអន្តរជាតិហ្សាមែន ស្នាក់នៅផ្ទះលេខ១៤-១៥ ភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
តាមប្រភពព័ត៌មានពីកន្លែងកើតបានឱ្យដឹងថា មុនពេលកើតហេតុគេបានឃើញបុរសរងគ្រោះមិនដឹងថា គោលបំណងទៅណានោះទេគឺបានជិះម៉ូតូម៉ាកអាយខុន ពណ៌ក្រហម លាយស ពាក់ស្លាកលេខ ភ្នំពេញ ១AH-៨៩២០ បានធ្វើដំណើរតាមផ្លូវជាតិលេខ២ ក្នុងទិសដៅពីជើងទៅត្បូងក្នុងល្បឿនលឿន ខណៈមកដល់ចំណុចកើតហេតុមិនដឹងជាយ៉ាងមិចនោះទេ ស្រាប់តែឃើញម៉ូតូបានរេចង្កូតឡើងលើចិញ្ចើមផ្លូវជ្រុលទៅបុករះដើមដូងតាំងបណ្ដាលឱ្យបែកអស់ចំនួន២ផើង រួចហើយម៉ូតូមិនទាន់អស់ល្បឿនបានជ្រុលទៅបុកផ្ទប់នឹងបង្គោលភ្លើងដែកធ្វើឱ្យអ្នកបើកម៉ូតូហោះផ្ទប់បោកក្បាលទៅនឹងបង្គោលភ្លើងបែកមុខបែកមាត់ធ្លាយខួរចេញមកក្រៅស្លាប់ ។ ចំណែកម៉ូតូរងការខូចខាតស្ទើរទាំងស្រុង ។ ក្រោយពេលកើតហេតុមានក្រុមគ្រួសារ សាច់ញាតិ ទាំងប្រុសទាំងស្រី បានមកយំសោកឱបសពជនរងគ្រោះទាំងទឹកភ្នែកហូរ និងអារម្មណ៍សោកសៅបំផុត ៕
ចែករំលែកព័តមាននេះ