ឃាត់ខ្លួនជនសង្ស័យ៤នាក់ ពាក់ព័ន្ធគ្រឿងញៀ.ន
រាជធានីភ្នំពេញ ៖ ជនសង្ស័យប្រុសស្រី ចំនួន៤នាក់ ត្រូវបានមន្ទីរប្រឆាំងគ្រឿងញៀ.ន(ក៣)
រាជធានីភ្នំពេញ ៖ ជនសង្ស័យប្រុសស្រី ចំនួន៤នាក់ ត្រូវបានមន្ទីរប្រឆាំងគ្រឿងញៀន(ក៣) នៃក្រសួងមហាផ្ទៃបានធ្វើការឃាត់ខ្លួនយកទៅសាកសួរ បន្ទាប់ពីឆែកឆេរ រកឃើញនូវសារធាតុញៀនចំនួន៨កញ្ចប់តូ ប្រតិបត្តិការណ៍បង្ក្រាបនេះ បានធ្វើឡើងនៅវេលាម៉ោង៤ និង៣០នាទី ល្ងាចថ្ងៃទី១១ ខែតុលា ឆ្នាំ២០១៧ នៅក្នុងបន្ទប់ខុនដូមួយកន្លែង ដែលស្ថិតនៅផ្លូវបេតុលេខ៤៤BT បន្ទប់លេខ៥២ ភូមិក្បាលទំនប់២ ក្រុម១ សង្កាត់បឹងទំពុន ខណ្ឌមានជ័យ។ ជនសង្ស័យមានឈ្មោះ ១.ឈ្មោះ ជន ពិសិដ្ឋ ភេទប្រុស អាយុ២៣ឆ្នាំ ២.ឈ្មោះ សេង បញ្ញា ភេទប្រុស អាយុ១៧ឆ្នាំ ៣.ឈ្មោះ ឡុង សម្បត្តិ ភេទប្រុស អាយុ៣០ឆ្នាំ ៤.ឈ្មោះ ឈៀង ស្រីណែត ភេទស្រី អាយុ១៩ឆ្នាំ ដកហូត ថ្នាំញៀន ប្រភេទក្រាមសថ្លា ចំនួន៨កញ្ចប់តូធំ ជិតកន្លះគីឡូ។
តាមសម្តីសមត្ថកិច្ច បានឲ្យដឹងថា មុននឹងឈានទៅដល់ការឃាត់ខ្លួនជនសង្ស័យ ប្រុសស្រីចំនួន៤នាក់ខាងលើ កម្លាំងនគរបាលការរិយាល័យ(ក៣)នៃប្រឆាំងគ្រឿងញៀនក្រសួងមហាផ្ទៃ ដោយមានការសម្របសម្រួលពីព្រះរាជអាជ្ញារងអមសាលាដំបូងរាជធានីភ្នំពេញ លោក គុជ គឹមឡុង និងដឹកនាំបញ្ជាផ្ទាល់ពី លោកវរសេនីយ៍ទោ ទិត ចំរើន នាយការិយាល័យ «ក៣»សហការណ៍ ជាមួយនឹងសមត្ថកិច្ចប៉ុស្តិ៍នគរបាលបឹងទំពុន ព្រមទាំងម្ចាស់ផ្ទះ បានចុះឆែកឆេរខុនដូរមួយកន្លែង ស្ថិតនៅភូមិក្បាលទំពុន២ សង្កាត់បឹងទំពុន ខណ្ឌមានជ័យ បន្ទប់លេខ៥២ ជាន់ទី៤។
បានឃាត់ខ្លួនជនសង្ស័យប្រុសស្រីចំនួន៤នាក់ ព្រមទាំងដកហូតបានថ្នាំញៀន ប្រភេទក្រាម សថ្លា ចំនួន៨កញ្ចប់តូចធំ ប្រហែលជិតកន្លះគីឡូក្រាម ជញ្ជីងសម្រាប់ថ្លឹងថ្នាំចំនួន២ និងទូរសព្ទ័ដៃចំនួន៥គ្រឿង។ ក្រោយពេលកើតហេតុ បន្ទាប់ពីឃាត់ខ្លួនបានហើយ ជនសង្ស័យព្រមទាំងវត្ថុតាំងត្រូវបានសមត្ថកិច្ច ឃាត់ខ្លួនយកទៅធ្វើការសាកសួរនៅ មន្ទីរការិល័យប្រឆាំងគ្រឿងញៀន (ក៣)នៃក្រសួងមហាផ្ទៃ៕
ចែករំលែកព័តមាននេះ