បញ្ញា សិទ្ធិ ប្រឹងរកប្រាក់ព្យាបាលម្តាយ
រាជធានីភ្នំពេញ ៖ ឆ្លើយឆ្លងជាមួយអ្នកយកព័ត៌មានកោះសន្តិភាពកាលពីពេលថ្មីៗកន្លងមក លោកបញ្ញា សិទ្ធិ ឱ្យដឹងថា
រាជធានីភ្នំពេញ ៖ ឆ្លើយឆ្លងជាមួយអ្នកយកព័ត៌មានកោះសន្តិភាពកាលពីពេលថ្មីៗកន្លងមក លោកបញ្ញា សិទ្ធិ ឱ្យដឹងថា
រាជធានីភ្នំពេញ ៖ កាលពីប៉ុន្មានថ្ងៃមុនម្តាយតារាសម្តែង និងតារាចម្រៀងលោកបញ្ញា សិទ្ធិ កើតជំងឺលើសឈាម ហើយព្យាបាលក្នុងស្រុកបានមួយរយៈក៏បញ្ជូនទៅប្រទេសថៃ ។ មកទល់ពេលនេះម្តាយរបស់លោកបញ្ញា សិទ្ធិ បានធូរស្បើយបន្តិចហើយ ដោយបានលោកឧកញ៉ាឌួង ឆាយ ជួយរ៉ាប់រង ។
លោកបញ្ញា សិទ្ធិ បានធូរចិត្តបន្ទាប់ពីម្តាយរបស់លោកធូរស្រាលពីជំងឺលើសឈាមខណៈបញ្ជូនទៅព្យាបាលនៅខេត្តសុរិន្ទ ប្រទេសថៃ ។ ម្ល៉ោះហើយលោកអាចវិលមកស្រុកបំពេញការងារជាបន្តទៀតដើម្បីសន្សំប្រាក់យកទៅព្យាបាលម្តាយតាមវេជ្ជបញ្ជារហូតជាស្បើយ ។
ឆ្លើយឆ្លងជាមួយអ្នកយកព័ត៌មានកោះសន្តិភាពកាលពីពេល ថ្មីៗកន្លងមក លោកបញ្ញា សិទ្ធិ ឱ្យដឹងថា ម្តាយរបស់លោកទទួលបានការជួយចេញថ្លៃព្យាបាលច្រើនពីលោកឧកញ៉ាឌួង ឆាយ អំឡុងពេលលោកបញ្ជូនគាត់ទៅមន្ទីរពេទ្យប្រទេសថៃ ។ លោកសិទ្ធិនិយាយថា «បានលោកឧកញ៉ានេះឯងមើលឃើញក្នុងនាមខ្ញុំជាតារាចម្រៀងច្រៀងនៅសោនក្លឹប ។ ដូចនេះហើយខ្ញុំមានសភាពកក់ក្តៅនៅពេលតឹងតែងអារម្មណ៍មានអ្នកអាណិតស្រឡាញ់ គឺរំភើបតែម្តង ។ ម្តាយខ្ញុំកាលធ្វើទុក្ខនៅស្រុកខ្មែរ ឈាមឡើង១៧ ហើយទៅព្យាបាលនៅគ្លីនិកមួយជិត១០ថ្ងៃ តាំងពីរាងមានកម្លាំង ពេទ្យនៅទីនោះគិតតែពីចាក់នេះចាក់នោះ បូមលុយយកៗអត់ស្វាង ធ្វើឲ្យម្តាយខ្ញុំ ដុនដាបទៅៗនាំឲ្យចិត្តខ្ញុំក្តៅក្រហាយតែម្តង ខ្ញុំមិនចង់គិតថាពេទ្យស្រុកយើងមានអ្នករិះគន់ទេ តែនេះខ្ញុំជួបហើយសភ្នែកតែម្តង ។ យ៉ាងណាខ្ញុំក៏គិតថានោះជាពេទ្យនាំឲ្យពេទ្យផ្សេងស្អុយឈ្មោះធ្វើការមិនល្អ ។ ទាំងអស់នេះហើយទើបខ្ញុំសម្រេចចិត្តនាំម្តាយទៅពេទ្យនៅសុរិន្ទប្រទេសថៃព្រោះមួយប្រាវនៅពេទ្យឯកជននោះអស់ជាង៣០០០ដុល្លារមិនដឹងណាណីនៅតែដុនដាប» ។
លោកបញ្ញា សិទ្ធិ អរគុណតារាចម្រៀងមាស សុខសោភា និងទូច ស្រីលក្ខណ៍ ដែលបានជួយប្រាក់មួយចំនួនថ្លៃព្យាបាលម្តាយលោក។ មកទល់ពេលនេះម្តាយលោកបញ្ញា សិទ្ធិ ធូរស្រាលខ្លះហើយ អាចឲ្យលោកមកបំពេញការងារវិញ ដើម្បីរកប្រាក់បន្តព្យាបាលគាត់ទៀត ៕
ចែករំលែកព័តមាននេះ