ស្តែងៗតែម្តង… យកដបស្រាវាយក្បាលហើយ យកអំបែងអារ.ដៃអារ.ជើងទៀត
រាជធានីភ្នំពេញ ៖ បុរសជាតិជាតិហ្វាំងឡង់មានប្រពន្ធខ្មែរម្នាក់
រាជធានីភ្នំពេញ ៖ បុរសជាតិជាតិហ្វាំងឡង់មានប្រពន្ធខ្មែរម្នាក់
រាជធានីភ្នំពេញ ៖ បុរសជាតិជាតិហ្វាំងឡង់មានប្រពន្ធខ្មែរម្នាក់ មិនដឹងជាខឹងប្រពន្ធរឿងអ្វី បានទៅអង្គុយផឹកស្រានៅក្នុងផ្ទះតែម្នាក់ឯងតាំងពីយប់ទល់ភ្លឺស្រវឹងស្រាយ៉ាងជោកជាំ ហើយយកកែវវាយក្បាលខ្លួនឯង និងយកអំបែងមកអារ.ដៃ អារ.ជើង និងដងខ្លួន បណ្តាលឱ្យហូរឈាមកក្លាក់ស្រោចពេញខ្លួន បង្កការភ្ញាក់ផ្អើលដល់កម្លាំងមានសមត្ថកិច្ច ចុះមកធ្វើអន្តរាគមន៍ ហៅរថយន្តសាមុយ ដឹកយកទៅមន្ទីរពេទ្យ តែជនរងគ្រោះបានប្រកែកមិនព្រមទៅ ។ ហេតុការណ៍នេះ កើតឡើងកាលពីវេលាម៉ោង១១ និង៣០នាទីព្រឹក ថ្ងៃទី១១ តុលា ស្ថិតនៅខាងមុខផ្ទះលេខ១Eoនាក់ ផ្លូវលេខ១៧២ ក្នុងសង្កាត់ផ្សារថ្មីទី៣ ខណ្ឌដូនពេញ ។
ស្ត្រីជនជាតិខ្មែរម្នាក់ដែលអះអាងថា ជាប្រពន្ធបានប្រាប់ឱ្យដឹងថា ប្តីគាត់មានឈ្មោះរីណូ អាយុ ៥៣ឆ្នាំ ជនជាតិហ្វាំងឡង់ មុខរបរបើកហាងផឹកស៊ីមួយកន្លែង នៅផ្សារសុរិយាម៉ល ដែលមានទីតាំងនៅតាមបណ្តោយផ្លូវប៉ាស្ទ័រ (ផ្លូវលេខ៥១) ក្បែរកន្លែងកើតហេតុ។
នៅមុនពេលកើតហេតុ ប្តីគាត់បានអង្គុយផឹកតែម្នាក់ឯង តាំងពីយប់មកម្ល៉េះ រហូតដល់ព្រឹកឡើងក៏នៅតែអង្គុយលើកៅអីផឹកបន្តទៀត អស់ស្រា និងស្រាបៀរយ៉ាងច្រើនធ្វើឱ្យស្រវឹងយ៉ាងខ្លាំង ។ ពេលដែលកំពុងអង្គុយផឹកនៅខាងមុខ ហើយនាងនៅខាងក្នុងហាងនោះ ក៏ស្រាប់តែរូបគាត់ បានយកកែងស្រាមួយដែលនៅនឹងដៃទៅវាយសំពងក្បាលខ្លួនឯង បណ្តាលឱ្យបែកកែវ និងរើសយកអំបែងកែងមកអារដៃ អារជើង និងដងខ្លួន បណ្តាលឱ្យហូរឈាមស្រោចពេញខ្លួនតែម្តង ដោយរូបនាងបានព្យាយាមហាមឃាត់ដែរតែចាប់មិនឈ្នះឡើយ ។
ប្រពន្ធបានបន្តថា រូបគាត់បានរួមរស់ជាប្តីប្រពន្ធរយៈពេលជាង៥ឆ្នាំមកហើយ ដោយមានកូនស្រីអាយុ៣ឆ្នាំម្នាក់ផងដែរ ។ តាំងពីការរួមរស់ជាមួយគ្នានាពេលកន្លងមក រូបគាត់តែងតែផឹកស្រាសាបៀរជាប្រចាំរាល់ថ្ងៃ តែមិនដែលកើតមានរឿងអ្វីកើតឡើងឡើយ ទើបតែពេលនេះ មិនដឹងជាយ៉ាងម៉េច បានធ្វើឱ្យរូបគាត់ មានអាការៈស្រវឹងខ្លាំង និងយកកែវស្រាទៅវាយលើខ្លួនឯង មិនអស់ចិត្តយកអំបែងកែងអារដៃ អារជើង ខ្លួនឯងស្ទើរតែសុះសាច់ហូឈាមស្រោចពេញខ្លួន និងរងរបួសពេញខ្លួនយ៉ាងដូច្នេះឡើយ ។
ចែករំលែកព័តមាននេះ