ប្រជែងគ្នារហូតដល់អស់ម្ខាងៗទើបឈប់
រាជធានីភ្នំពេញ ៖ មានរថយន្តពីរគ្រឿងព្យាយាមបើកជែងគ្នាធ្វើឲ្យរថយន្តក្រឡុកស៊ីម៉ងត៍បត់ស្តាំកៀររថយន្តកាមរីហាយប្រីចធ្វើ
រាជធានីភ្នំពេញ ៖ មានរថយន្តពីរគ្រឿងព្យាយាមបើកជែងគ្នាធ្វើឲ្យរថយន្តក្រឡុកស៊ីម៉ងត៍បត់ស្តាំកៀររថយន្តកាមរីហាយប្រីចធ្វើឲ្យខូចខាត ហេតុការណ៍នេះកើតឡើងកាលពីវេលាម៉ោង៧និង១០នាទីយប់ថ្ងៃទី១០ ខែតុលា ឆ្នាំ២០១៧ តាមបណ្តោយផ្លូវ៦០៨កែងនិងផ្លូវ៥៩៨ ក្នុងសង្កាត់បឹងកក់ទី២ ខណ្ឌទួលគោក។
សមត្ថកិច្ចឲ្យដឹងថា រថយន្តធន់ធំម៉ាក ហ៊ីណូ ពណ៌ស ស្លាកលេខ ភ្នំពេញ៥A -២១៩៣ ជាប្រភេទរថយន្តក្រឡុកស៊ីម៉ង់ត៍របស់ក្រុមហ៊ុនមួយ បើកបរដោយបុរសម្នាក់វ័យ៣០ឆ្នាំ ។ ចំណែកឯរថយន្តម៉ាកកាមរី ពណ៌ស្ករ ស្លាកលេខ ភ្នំពេញ២AE-៧១០៨ បើកដោយបុរសវ័យជាង៤០ឆ្នាំ។
ប្រភពព័ត៌មានបានឲ្យដឹងថា មុនពេលកើតហេតុរថយន្តក្រឡុកស៊ីម៉ង់ត៍បើកតាមបណ្តោយផ្លូវ៦០៨ ក្នុងទិសដៅពីកើតទៅលិច លុះមកដល់ចំណុចកើតហេតុក៏បានបត់ស្តាំ ស្រាប់តែរថយន្តកាមរីហាយប្រីចបើកមកពីក្រោយ ហើយព្យាយាមវ៉ាជែងខាងស្តាំរថយន្តក្រឡុកស៊ីម៉ង់ បណ្តាលឲ្យក្រពឹតចំហៀងខាងឆ្វេង ។ ចំណែករថយន្តធន់ធំរងការខូចខាតវៀចកាងខាងស្តាំបន្តិចបន្តួច តែមិនបង្កឲ្យមានរបួសនោះទេ។
សមត្ថកិច្ចមូលដ្ឋានចុះមកដល់កន្លែងកើតហេតុ បានឲ្យភាគីទាំងសងខាងនិយាយចរចាដោះស្រាយគ្នា ហើយភាគីខាងរថយន្តក្រឡុកស៊ីម៉ង់ត៍មិនចង់មានរឿងវែងឆ្ងាយក៏ព្រមចេញសំណងចំនួន២០០ដុល្លារ ឲ្យទៅភាគីខាងរថយន្តកាមរីហាយប្រីចដើម្បីបញ្ចប់រឿង ៕
ចែករំលែកព័តមាននេះ