យន្តហោះចេញវាយប្រហារ1ថ្ងៃ150លើកកម្ទេចខ្ទេច
ថ្លែងនាថ្ងៃទី១០ តុលា ថា
ថ្លែងនាថ្ងៃទី១០ តុលា ថា
ប្រទេសស៊ីរី ៖ អ្នកនាំពាក្យក្រសួងការពារប្រទេសរុស្ស៊ី លោកអីុហ្គ័រ កូណាឆេនកូ ថ្លែងនាថ្ងៃទី១០ តុលា ថា កងកម្លាំងអាកាសរុស្ស៊ីនៅស៊ីរីបានចេញវាយប្រហាររហូតដល់១៥០លើកក្នុងមួយថ្ងៃប្រឆាំងក្រុមរដ្ឋអ៊ិស្លាមនៅជិតទីក្រុងម៉ាយ៉ាឌីនភាគអាគ្នេយ៍ក្រុង DEIR EZZOR ។
ក្រសួងការពារប្រទេសរុស្ស៊ីប្រកាសថា កងទ័ពរុស្ស៊ីធ្វើប្រតិបត្តិការមួយរំដោះក្រុងម៉ាយ៉ាឌីនដែលជាទីតាំងចុងក្រោយមួយក្នុងចំណោមទីតាំងចុងក្រោយរបស់ពួករដ្ឋអ៊ិស្លាមនៅស៊ីរី ។ ប្រតិបត្តិការបច្ចុប្បន្នកំពុងបន្ត ដើម្បីរំដោះទីតាំងធំនេះរបស់ក្រុមរដ្ឋអ៊ិស្លាមជិតទីក្រុងម៉ាយ៉ាឌីន ស្ថិតនៅចម្ងាយ៤០គីឡូម៉ែត្រភាគអាគ្នេយ៍ក្រុង DEIR EZZOR ។ ការតស៊ូទប់ទល់របស់ពួកភេរវករពិតជាសាហាវក្នុងជ្រលង EUPHRATE ហើយពុំចុះខ្សោយឡើយ ។
អ្នកនាំពាក្យរូបនេះបន្តថា កងយន្តហោះរុស្ស៊ីចេញវាយប្រហារ២៤ម៉ោងលើ២៤ម៉ោងលើពួកជីហាដក្រុមរដ្ឋអ៊ិស្លាម ព្រមទាំងគ្រាប់រំសេវ និងរថពាសដែកទាំងឡាយដែលបញ្ជូនមកកាន់ទីនោះ ដោយការវាយប្រហារតាមអាកាសមានដល់១៥០ជើងក្នុងមួយថ្ងៃ ។
ចំណែកយន្តហោះរុស្ស៊ីធុន SU-24 មួយគ្រឿងបានធ្លាក់កាលពីថ្ងៃទី១០ តុលា ពេលហោះចេញពីមូលដ្ឋានអាកាសចរណ៍ HMEIMIM ភាគខាងលិចស៊ីរី ហើយអ្នកបើកបានស្លាប់ ។ យន្តហោះនោះរត់ផុតផ្លូវ ពេលបង្ខំល្បឿនដើម្បីហោះឡើង ៕
ចែករំលែកព័តមាននេះ