តុលាការកំពូលទុកពេល២០ថ្ងៃឲ្យបក្សប្រឆាំងដាក់ឯកសារ រឿងបណ្តឹងរំលាយគណបក្សខ្លួន
រាជធានីភ្នំពេញ៖ បន្ទាប់ពីទទួលពាក្យបណ្តឹងពីក្រុមមេធាវីរបស់ក្រសួងមហាផ្ទៃកាលពេលថ្មីៗកន្លងមកនេះ
រាជធានីភ្នំពេញ៖ បន្ទាប់ពីទទួលពាក្យបណ្តឹងពីក្រុមមេធាវីរបស់ក្រសួងមហាផ្ទៃកាលពេលថ្មីៗកន្លងមកនេះ ប្តឹងសុំរំលាយគណបក្សសង្គ្រោះជាតិនោះ នៅថ្ងៃទី៩ តុលា តុលា ការកំពូលបានទុលរយៈពេល២០ ថ្ងៃដល់គណបក្សសង្គ្រោះជាតិ ដើម្បីដាក់ឯកសាត្រៀមក្នុងការតបតជាគ្នា ក្នុងដំណើរការរឿងក្តីរំលាយគណបក្សប្រឆាំង។
យោងតាមដីការបង្គាប់ឲ្យដាក់ឯកសារត្រៀមរបស់លោក សែម សន្តិកូឡា ចៅក្រមទទួលបញ្ជារបស់ក្រុមប្រឹក្សាជំនុំជម្រះនៃតុលាការកំពូល ចុះថ្ងៃទី៩ ខែតុលា និងបានបិទនៅមុខស្នាក់ការគណបក្សសង្គ្រោះជាតិ នៅថ្ងៃទី ១០ ខែតុលា បានសរសេរថា៖ «យើង សែម សក្តិកូឡា ចៅក្រមទទួលបញ្ជារបស់ក្រុមប្រឹក្សាជុំនុំជម្រះនៃតុលា
ការកំពូល។ បង្គាប់មកប្រធានគណបក្សសង្គ្រោះជាតិ មានទីស្នាក់ការអាសយដ្ឋានផ្ទះលេខ ៥៧៦ ផ្លូវជាតិលេខ ២ សង្កាត់អង្រែលើ ខណ្ឌមានជ័យ រាជធានីភ្នំពេញ ឲ្យដាក់ឯកសារត្រៀមឆ្លើយតប ទៅនឹងពាក្យបណ្តឹងសុំរំលាយគណបក្សសង្គ្រោះជាតិចុះថ្ងៃទី៦ ខែតុលាឆ្នាំ២០១៧ របស់ក្រសួងមហាផ្ទៃដែលភ្ជាប់ជាមួយនេះ ដូនតុលាការកំពូល អំឡុងពេល ២០ថ្ងៃ គិតចាប់ថ្ងៃបានទទួលការបញ្ជូនដីការបង្គាប់»។
សូមបញ្ជាក់ថា កាលពីថ្ងៃទី ៦ ខែតុលាកន្លងទៅក្រុមមេធាវី៥រូបរបស់ក្រសួងមហាផ្ទៃ ដឹកនាំដោយលោកមេធាវី គី តិច បានដាក់ពាក្យបណ្តឹងជាផ្លូវការទៅតុលាការកំពូល ស្នើសុំឲ្យរំលាយគណបក្សប្រឆាំង តាមពាក្យបណ្តឹងពីរដាច់ដោយឡែករបស់គណបក្ស យុវជនកម្ពុជារបស់លោក ពេជ្រ ស្រស់ និងបណ្តឹងគណបក្សហ្វ៊ុនស៊ិនប៉ិចរបស់សម្តេចក្រុមព្រះ នរោត្តម រណឬទ្ធិ ។ សម្រេច ស ខេង រដ្ឋមន្ត្រីនៃក្រសួងមហាផ្ទៃ បានចុះហត្ថកលេខាលើលិខិតផ្ទេរសិទ្ធិជូនមេធាវីទាំង៥នាក់នេះជាតំណាង និងការពារក្រសួងមហាផ្ទៃនៅគ្រម់ស្ថាប័នពាក់ព័ន្ធនឹងសំណុំរឿងនេះ។
ពាក្យបណ្តឹងបានលើកឡើងថា៖ ផ្នែកលើភស្តុតាងគ្រប់គ្រាន់ដែលបង្ហាញថា គណបក្សសង្គ្រោះជាតិបាននិងកំពុងអនុវត្តផែនការឃុបឃិតជាសម្ងាត់ជាមួយបរទេសក្នុងគោលបំណងផ្តួលរំលំរដ្ឋអំណាចស្របច្បាប់នៅកម្ពុជាក្រោមទម្រង់នៃបដិវត្តន៍ពណ៌ ដូចគំរូនៅប្រទេសយូហ្គោស្វាវី និងស៊ែប៊ី ក៏ដូចប្រទេសមួយចំនួននៅអាស៊ីបូព៌ា៕
ចែករំលែកព័តមាននេះ