ប្រាក់បៀរវត្សរ៍មន្ត្រីរាជការឆ្នាំ២០១៨ ទាបបំផុតគឺ១លានរៀល ហើយពន្ធលើប្រាក់បៀរវត្សរ៍ថ្មី
រាជធានីភ្នំពេញ ៖ ប្រមុខរាជរដ្ឋាភិបាលបានប្រកាសថា
រាជធានីភ្នំពេញ ៖ ប្រមុខរាជរដ្ឋាភិបាលបានប្រកាសថា
រាជធានីភ្នំពេញ ៖ ប្រមុខរាជរដ្ឋាភិបាលបានប្រកាសថា នាពេលឆាប់ៗខាងមុខ ចាប់ពីខែមករា ឆ្នាំ ២០១៨ នេះតទៅ មន្ត្រីរាជការ កងកម្លាំងប្រដាប់អាវុធ ក្នុងក្របខណ្ឌមន្ត្រីរាជការគឺថា បៀរវត្សរ៍ដែលត្រូវឡើងសម្រាប់ពួកគាត់ ទាបបំផុត ១ លានរៀល ។
សម្តេចបញ្ជាក់ថា ក្នុងន័យនេះ ច្បាប់ស្តីពីហិរញ្ញវត្ថុសម្រាប់ការគ្រប់គ្រងថវិកាឆ្នាំ២០១៨ បានកំណត់ថាប្រាក់បៀវត្សរ៍ចាប់ពី ១លាន ២សែនរៀលឡើងទៅ ទើបជាប់ពន្ធ។ សូមរម្លឹកថា កាលពីមុនរាជរដ្ឋាភិបាលបានកំណត់ថា ប្រាក់បៀវត្សរ៍ ៥០ម៉ឺនរៀល ជាប់ពន្ធ រហូតនៅឆ្នាំ២០១៦ បានតម្លើងថា ទាល់តែ ៨០ម៉ឺនរៀលទើបជាប់ពន្ធ ។ នៅឆ្នាំ ២០១៧ នេះ សម្រេចថា ១ លានរៀលទើបជាប់ពន្ធ។
សម្តេចបន្តថា៖ «ឥឡូវនេះ ដើម្បីកុំឲ្យអ្នកដែលមានបៀរវត្សរ៍ទាបបំផុត ជាង១លានរៀល ត្រូវជាប់ពន្ធ ។ នៅក្នុងច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០១៨ខាងមុខនេះ ដែលយើងត្រៀមនឹងឆ្លង គឺនឹងដាក់ តម្លើងពី ១លាន ទៅ ១ លាន ២សែនរៀល ទើបជាប់ពន្ធ» ។ អត្ថប្រយោជន៍នេះមិនបានត្រឹមមន្ត្រីរាជការនោះទេ តែបានទូទៅគ្រប់ផ្នែកទាំងក្នុងវិស័យឯកជន ក៏ដូចជាវិស័យកាត់ដេរផងដែរ មានន័យថា ចាប់ពី ៣០០ដុល្លារចុះក្រោម គឺឥតជាប់ពន្ធទេ ៕
ចែករំលែកព័តមាននេះ