ដើម្បីជម្រុញឲ្យប្រាក់ឈ្នួលអប្បបមារដល់១៧០ដុល្លារ រាជរដ្ឋាភិបាលត្រូវលះបង់
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងឲ្យដឹងនៅព្រឹកថ្ងៃទី ១០ ខែតុលា នេះថា
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងឲ្យដឹងនៅព្រឹកថ្ងៃទី ១០ ខែតុលា នេះថា
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងឲ្យដឹងនៅព្រឹកថ្ងៃទី ១០ ខែតុលា នេះថា ដើម្បីបានទៅដល់ ១៧០ដុល្លារសហរដ្ឋអាមេរិកនេះ គឺរាជរដ្ឋាភិបាលក៏ត្រូវបានបន្ថែមជូន ចំនួន ៥ដុល្លារ ។
សម្តេចតេជោមានប្រសាសន៍ក្នុងពិធីប្រកាសផ្សព្វផ្សាយ និងដាក់អោយអនុវត្តគោលនយោបាយជាតិស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០១៧-២០២៥ វិមានសន្តិភាព ថ្ងៃទី១០ តុលា នេះបានចូលរួមអបអរសាទរចំពោះការសម្រេចដោយជោគជ័យលើការតម្លើងប្រាក់ឈ្នួលអប្បបមាឆ្នាំ ២០១៨ របស់បងប្អូនកម្មករ កម្មការិនីឲ្យបានដល់ ១៧០ ដុល្លារ ។
សម្តចបានលាតត្រដាងឲ្យដឹងថា ដើម្បីបានទៅដល់ ១៧០ដុល្លារសហរដ្ឋអាមេរិកនេះ គឺរាជរដ្ឋាភិបាលក៏ត្រូវបានបន្ថែមជូនចំនួន ៥ដុល្លារ ។ ៥ ដុល្លារនេះ តើបានមកពីណា ដើម្បីយើងជូនទៅឲ្យវិស័យឯកជន ?
មានផ្នែក២ ដែលរាជរដ្ឋាភិបាលត្រូវលះបង់ ប្រមាណជា ៤០ លានដុល្លារក្នុងមួយឆ្នាំ ។ ផ្នែកទី១ នោះគឺពន្ធកាត់ទុកដែលត្រូវពន្យារហូតទៅដល់ឆ្នាំ ២០២២ នេះជាចំណុចទី១។ ចំណុចទី២ អំពីកំរៃលើការត្រួតពិនិត្យការនាំចេញ ដែលកាំកុងត្រូលត្រូវបាត់បង់យ៉ាងច្រើន ។
សម្តេចតេជោ បន្ថែម៖ «ដូច្នេះ ២ ផ្នែកនេះ រាជរដ្ឋាភិបាលត្រូវបាត់បង់ជាង ៤០ លានដុល្លារសហរដ្ឋអាមេរិក ដើម្បីកុំឲ្យទម្ងន់នេះ ធ្លាក់ធ្ងន់ពេកទៅលើនិយោជក ដែលម្ចាស់រោងចក្រ»។ ដូច្នេះកម្មករទទួលបានអត្ថប្រយោជន៍ច្រើនផ្សេងទៀតពីរាជរដ្ឋាភិបាលតាមរយៈការកាត់បន្ថយថ្លៃទឹក ថ្លៃភ្លើង ក៏ដូចជាសេវាកម្មប្រើប្រាស់រថយន្តក្រុងដោយមិនគិតថ្លៃ ៕
ចែករំលែកព័តមាននេះ