សម្តេចនាយករដ្ឋមន្រី្ត ព្រមានមន្ត្រីដែលធ្វើការខ្ជីខ្ជារឿង «ការគោរពភ្លេងជាតិ និងទង់ជាតិ»
រាជធានីភ្នំពេញ ៖ សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជាបានព្រមានមន្ត្រីមួយចំនួនថា
រាជធានីភ្នំពេញ ៖ សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជាបានព្រមានមន្ត្រីមួយចំនួនថា
រាជធានីភ្នំពេញ ៖ សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជាបានព្រមានមន្ត្រីមួយចំនួនដែលមានភាពធ្វេសប្រហែសលើការចាកភ្លេងជាតិ ការគោរពភ្លេងជាតិ និងទង់ជាតិ ដោយសារតែការកើតមាននូវភាពរអាក់រអួលច្រើនដងមកហើយ ព្រោះការគោរពទង់ជាតិមិនមែនជារឿងលេងសើចទេ។
សម្តេចតេជោ ហ៊ុន សែន ក្នុងពិធីប្រកាសផ្សព្វផ្សាយ និងដាក់អោយអនុវត្តគោលនយោបាយជាតិស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០១៧-២០២៥ នៅវិមានសន្តិភាព, ថ្ងៃទី១០ តុលា ២០១៧ បានរម្លឹកនូវរឿងហួសចិត្តមួយពេលអញ្ជើញទៅកម្មវិធីមួយនៅខេត្តកំពង់ចាមកន្លងមក ដែលការចាក់ភ្លេងគោរពទង បែរជាចេញបទ «ឱ! ស្នេហ៍មាសបង» ដែលពេលនោះប្រហែលជាមន្ត្រីមួយចំនួនគិតថា សម្តេចគ្រាន់តែមានប្រសាសន៍លេងៗ ។
សម្តេចមានប្រសាសន៍ថា៖ «ឃើញទេ ការក្រោកឈរគោរពភ្លេងអំបាញ់មិញ ភ្លេងមិនទាន់មានទេ ចុះបើសិនជាវាគាំងរហូតទៅ វាយ៉ាងម៉េច។ ច្រើនលើកច្រើនសារហើយ ខ្ញុំដាស់តឿន នេះគឺជាការព្រមានតែម្តង ប្រសិនបើមានរឿងនេះកើតឡើងតទៅទៀត គួរមិនត្រូវឲ្យកាន់កាប់ការងារហ្នឹង ព្រោះបើធ្វើការងារល្អិតល្អោច មិនបានផង តើយើងទៅធ្វើការងារធំយ៉ាងម៉េចទៅ?» ។
សម្តេចបញ្ជាក់ថា ភាពម៉ត់ចត់កម្រិតសម្តេច គឺបានត្រឹមតែ ១០% ជាមួយនឹងសម្តេចព្រះបីតាជាតិ ព្រះបរមរតនកោដតែប៉ុណ្ណោះ ។ បើនិយាយពីការគិតគូរ សូម្បីតែ Menu សម្រាប់ពិធីជប់លាងជូនភ្ញៀវ ក៏អតីតព្រះមហាក្សត្រ ព្រះអង្គទតពិនិត្យខ្លួនឯង ដែលនេះគឺជា «ភាពម៉ត់ចត់ មិនមែនមានន័យថា ព្រះអង្គដែលជាប្រមុខរដ្ឋធ្វើការងារល្អិតល្អោច» នោះទេ ។
សម្តេចក្រើនរម្លឹកថា៖ «រឿងល្អិតល្អោតហ្នឹងហើយ ដែលវានាំទៅដល់ការទទួលខុសត្រូវធំធេង រឿងនេះត្រូវយល់ឲ្យបានច្បាស់» ៕
ចែករំលែកព័តមាននេះ