រឿងរ៉ាវវាយ៉ាងម៉េច រវាងឪពុកមា និងក្មួយស្រី?
រាជធានីភ្នំពេញ ៖ បុរសម្នាក់មានជំងឺលើសឈាមដើរហាត់ប្រាណតាមផ្លូវត្រូវស្ត្រីម្នាក់ដែលជាក្មួយ
រាជធានីភ្នំពេញ ៖ បុរសម្នាក់មានជំងឺលើសឈាមដើរហាត់ប្រាណតាមផ្លូវត្រូវស្ត្រីម្នាក់ដែលជាក្មួយ
រាជធានីភ្នំពេញ ៖ បុរសម្នាក់មានជំងឺលើសឈាមដើរហាត់ប្រាណតាមផ្លូវត្រូវស្ត្រីម្នាក់ដែលជាក្មួយជិះម៉ូតូឆាបធ្វើឲ្យភ្ញាក់លាន់មាត់ បង្កឲ្យមានទំនាស់ដកកូនសោម៉ូតូចាក់ដៃបណ្តាលឱ្យរងរបួស ធ្វើឱ្យមានការភ្ញាក់ផ្អើលកាលវេលាម៉ោង៥និង១៩នាទីល្ងាច ថ្ងៃទី៨ ខែតុលា ឆ្នាំ២០១៧ នៅតាមបណ្តោយផ្លូវបេតុង ភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ។ ជនបង្កមានឈ្មោះ យន់ ចាន់ស្រីមុំ ភេទស្រី អាយុ៣២ឆ្នាំ មុខរបរកាត់ដេរនៅផ្ទះ រស់នៅភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ។ ចំណែកជនរងគ្រោះមានឈ្មោះ គង់ ប៊ុនធឿន ភេទប្រុស អាយុ៥១ឆ្នាំ មុខរបរកសិករ ជាជនពិការភ្នែកម្ខាង រស់នៅភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ជនរងគ្រោះ និងជនបង្កត្រូវជាឪពុកមា និងក្មួយ។
តាមប្រភពព័ត៌មានពីជនរងគ្រោះខាងលើដែលត្រូវជាឪពុកមាជនបង្កបាននិយាយថា ក្រុមគ្រួសាររបស់គាត់ និងក្រុមគ្រួសារជនបង្កដោយមានទំនាស់នឹងគ្នាតាំងពីយូរមកហើយដោយពីដើមឡើយប្រមាណជាង៤ឆ្នាំមុន មានមានទំនាស់ជាមួយឪពុកជនបង្កហើយគុំគួនគ្នារហូតមក។ ប្រភពបានបន្តទៀតថា នៅមុនពេលកើតហេតុរូបគាត់បានដើរហាត់ប្រាណនៅតាមបណ្តោយផ្លូវបេតុងភូមិកើតហេតុខាងលើ ដោយគាត់មានជំងឺលើសឈាម លុះកំពុងតែដើរហាត់ប្រាណ ស្រាប់តែជនបង្កត្រូវជាក្មួយស្រីដែលមានទំនាស់នឹងគ្នាតាំងពីយូរមកបានជិះម៉ូតូម៉ាកគូប៧០ ពណ៌ស្លែ មកឆាបគាត់ពីក្រោយ ហើយរូបគាត់បានលាន់មាត់ថា «កណ្តុំឆែបជិះម៉ូតូប៊ីសបុកអញ» ស្រាប់តែជនបង្កត្រូវជាក្មួយស្រីបាននិយាយថា «សំណាងល្អហើយអញគ្រាន់តែជិះឆាប ឯងសមតែយកកាំបិតមកកាប់ក្បាលឱ្យផុងលលាដ៍ក្បាលទេ ទើបសមអាស្រឡេវ ព្រោះអញគុំឯងយូរមកហើយ»។
បន្ទាប់មកបានឈ្លោះប្រកែកពាក្យសម្ដីនឹងគ្នាបន្តិចបន្តួច ហើយស្ត្រីខាងលើបានយកសោម៉ូតូមកចាក់ដៃជនរងគ្រោះផ្នែកខាងឆ្វេងបណ្តាលឱ្យឈាមហូរស្រក់តក់ៗ ហើយរូបគាត់មិនតបតទៅក្មួយស្រីនោះឡើយ ហើយគាត់ប្តឹងសមត្ថកិច្ចមកអន្តរាគមន៍ភ្លាមៗផងដែរ ហើយជនបង្កខាងលើអូសម៉ូតូចូលផ្ទះបាត់ទៅនៅតែសោម៉ូតូជាភស្តុតាងនៅនឹងដៃជនរងគ្រោះទុកប្តឹងសមត្ថកិច្ច។ ចំណែកជនបង្កត្រូវជាក្មួយស្រីបាននិយាយប្រាប់អ្នកព័ត៌មានថា នៅមុនពេលកើតហេតុរូបគាត់កំពុងជិះម៉ូតូតិចៗស្រាប់តែបុរសជាឪពុកមារបស់គាត់ស្ទុះទៅចាប់ច្របាច់ក រូបគាត់ប៉ុនប៉ងសម្លាប់រូបនាងទៀតផង។
ហើយឪពុកបានបន្ទរក្រោយជនបង្កដែលជាកូនថាប៉ុនប៉ងរំលោភកូនក្រមុំគាត់ទៀត ហើយរូបនាងបានដកសោម៉ូតូគ្រវាសដៃចំបណ្តាលឱ្យមុតដៃគាត់តែម្តង។ ក្រោយពេលកើតហេតុសមត្ថកិច្ចបាននាំភាគីទាំងសងខាងទៅកាន់ប៉ុសិ៍្តនគរបាលរដ្ឋបាលភ្លើងឆេះរទេះដើម្បីសួនាំ ហើយជនរងគ្រោះត្រូវជាឪពុកមាបានដាក់ពាក្យបណ្តឹងឱ្យសមត្ថកិច្ចធ្វើតាមផ្លូវច្បាប់។ បន្ទាប់មកសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌ ខណ្ឌពោធិ៍សែនជ័យចាត់ការតាមនីតិវិធី៕
ចែករំលែកព័តមាននេះ