យី! ជូនម្តាយមកមន្ទីរពេទ្យហើយ នៅឆ្លៀតបានទៀត
រាជធានីភ្នំពេញ ៖ ជនសង្ស័យ២បងប្អូន និងអ្នករត់ម៉ឺរ៉ក់ម្នាក់ ខណៈទើបតែជូនទៅម្តាយមន្ទីរពេទ្យ ស្រាប់តែឆ្លៀត…
រាជធានីភ្នំពេញ ៖ ជនសង្ស័យ២បងប្អូន និងអ្នករត់ម៉ឺរ៉ក់ម្នាក់ ខណៈទើបតែជូនទៅម្តាយមន្ទីរពេទ្យ ស្រាប់តែឆ្លៀត…
រាជធានីភ្នំពេញ ៖ ជនសង្ស័យ៣នាក់ទើបនឹងមកពីទិញថ្នាំញៀនទុកពេលយប់ត្រូវសមត្ថកិច្ចឃាត់ខ្លួន ហេតុការណ៍កើតឡើងកាលពីវេលាម៉ោង៣ទៀបភ្លឺ ថ្ងៃទី០៨ ខែតុលា ឆ្នាំ២០១៧ នៅចំណុចមុខមន្ទីរពេទ្យមិត្តភាពខ្មែរ-សូរវៀត តាមផ្លូវ២៧១ ក្រុម៣៤ ស្ថិតនៅភូមិ៤ សង្កាត់ទំនប់ទឹក ខណ្ឌចំការមន ។
ជនសង្ស័យ ១-ឈ្មោះ ចាន់ រដ្ឋារ៉ា ភេទប្រុស អាយុ២២ឆ្នាំ ត្រូវជាកូន មុខរបរបិទតែមម៉ូតូ ស្នាក់នៅផ្ទះជួល ភូមិត្នោតជ្រុំ សង្កាត់បឹងទំពុន ខណ្ឌមានជ័យ ជាម្ចាស់ថ្នាំម្សៅក្រាមសថ្លាចំនួន១កញ្ចប់ធំ ទី២- ឈ្មោះ ចាន់ រដ្ឋានី ភេទប្រុស អាយុ៣០ឆ្នាំ ត្រូវជាបងបង្កើត ធ្វើការនិងស្នាក់នៅជាមួយគ្នា ទី៣-ឈ្មោះ ម៉ៅ លីដា ភេទប្រុស អាយុ២៤ឆ្នាំ ជាអ្នកជូន២នាក់បងប្អូនទៅទិញថ្នាំ មុខរបររត់រ៉ឺម៉កម៉ូតូ ស្នាក់នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ មានស្រុកកំណើតនៅភូមិគគីរធំ ឃុំគគីរធំ ស្រុកកៀនស្វាយ ខេត្តកណ្ដាល ទាំង៣នាក់ឃាត់ខ្លួនពីបទប្រើប្រាស់សារធាតុញៀន ។
បើតាមសម្ដីយុវជនជាកូនបានប្រាប់ថា កាលពីម៉ោង៥និង៣០នាទីល្ងាចថ្ងៃទី០៧ តុលា គាត់បានជូនម្ដាយមានជំងឺទឹកនោមផ្អែមមកសម្រាកនៅមន្ទីរពេទ្យ លុះដល់យប់ខ្លាចងងុយមិនអាចកំដរម្ដាយកើត ក៏ហៅរ៉ឺម៉កម៉ូតូជូនទៅទិញថ្នាំញៀន១កញ្ចប់ក្នុងតម្លៃ១០ម៉ឺនរៀលនៅសង្កាត់ចាក់អង្រែលើ យកមកទុកជក់ ខណៈពេលត្រលប់មកវិញឈប់នៅមុខមន្ទីរពេទ្យ ស្រាប់តែត្រូវសមត្ថកិច្ចឃាត់ជាប់តែម្ដង ។
លោក ផន អូន នាយប៉ុស្តិ៍រដ្ឋបាលនគរបាលទំនប់ទឹក ណ្ឌចំការមនបានប្រាប់ថា មុនធ្វើការឃាត់ខ្លួនជនសង្ស័យទាំង៣នាក់ កម្លាំងសមត្ថកិច្ចល្បាតពួនស្ទាក់បង្ការបទល្មើស ក៏ប្រទះឃើញបុរស៣នាក់ ដោយ២នាក់អង្គុយខាងក្រោយមានការសង្ស័យក៏ឆែកត្រួតពិនិត្យរកឃើញថ្នាំម្សៅក្រាមសថ្លាចំនួន១កញ្ចប់លាក់ទុកក្នុងកញ្ចប់បារី ទើបឃាត់ទាំង៣នាក់តែម្តង ។ ជនសង្ស័យត្រូវសមត្ថកិច្ចឃាត់ខ្លួនយកទៅសួរនាំ ដើម្បីកសាងសំណុំរឿងបញ្ជូនទៅអធិការដ្ឋានខណ្ឌចំការមនចាត់ការតាមច្បាប់ ៕
ចែករំលែកព័តមាននេះ