ឡានស៊េរីទំនើប២គ្រឿងពន្លះត្រង់ចំណុចផ្លូវបំបែកជា៤ មួយគ្រឿងក្រឡា.ប់ផ្ងារជើង
- ភ្នំពេញ
រាជធានីភ្នំពេញ ៖ រថយន្តម៉ាក FORD RANGER WILD TRACK មួយគ្រឿង ត្រូវក្រឡា.ប់ បន្ទាប់ពី
រាជធានីភ្នំពេញ ៖ រថយន្តម៉ាក FORD RANGER WILD TRACK មួយគ្រឿង ត្រូវក្រឡា.ប់ បន្ទាប់ពីបុ.កគ្នាជាមួយរថយន្តម៉ាក CR-V នៅផ្លូវបំបែកជា៤ បណ្តាលឱ្យរងការខូចខាត តែសំណាងល្អមិនបង្កគ្រោះថ្នាក់ដល់អ្នកបើកបរឡើយ ។
ហេតុការណ៍ខាងលើនេះបានកើតឡើងកាលពីវេលាម៉ោង១រំលងអធ្រាត្រឈានចូលថ្ងៃទី២៧ ខែមីនា ឆ្នាំ២០២៣ នៅចំណុផ្លូវបំបែកជាបួន តាមមហាវិថីព្រះនរោត្តម កែងផ្លូវលេខ១០៨ ស្ថិតនៅក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ ។
យោងតាមប្រភពព័ត៌មានពីប្រជាពលរដ្ឋដែលស្ថិតនៅកន្លែងកើតហេតុបាន្យដឹងថា នៅមុនពេលកើតហេតុ គេបានឃើញរថយន្តម៉ាក FORD RANGER WILDTRACK ពណ៌ទឹកប្រាក់ ដែលមានផ្លាកលេខ រដ្ឋ៣៣ 2-9797 ធ្វើដំណើរតាមបណ្តោយផ្លូវ១០៨ ក្នុងទិសដៅពីលិចទៅកើត លុះមកដល់ផ្លូវបំបែកវិថីព្រះនរោត្តម មិនប្រយ័ត្ន ក៏បុ.កគ្នាជាមួយរថយន្តម៉ាក CR-V ពណ៌ទឹកប្រាក់ ដែលមានផ្លាកលេខ ភ្នំពេញ 2V-2147 ធ្វើដំណើរពីត្បូងទៅជើង តាមបណ្តោយវិថីព្រះនរោត្តមយ៉ាងពេញទំហឹង បណ្តាលឲ្យរថយន្តម៉ាកហ្វត បានក្រឡា.ប់ ចំណែក CR-V បានរងការខូចខាតមួយកំណាត់ខាងមុខផងដែរ។
ក្រោយពេលកើតហេតុ សមត្ថកិច្ចជំនាញចរាចរណ៍បានចុះមកធ្វើការវាស់វែង ព្រមទាំងបានស្ទូចយករថយន្តទាំង២គ្រឿងខាងលើទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំម្ចាស់រថយន្តចូលខ្លួនទៅដោះស្រាយ តាមនីតិវិធីច្បាប់នៅពេលក្រោយ ៕
ចែករំលែកព័តមាននេះ