ខេត្តសៀមរាប ៖ ប្រជាពលរដ្ឋរស់នៅភូមិគោកត្នោត ឃុំកណ្តែក ស្រុកប្រាសាទបាគង បានដើរតាមដងផ្លូវ ដែលទឹកហូរច្រោះផ្លូវនោះ រួចក៏ប្រទះឃើញគ្រាប់យុទ្ធភណ្ឌមិនទាន់ផ្ទុះចំនួន៣គ្រាប់
ខេត្តសៀមរាប ៖ ប្រជាពលរដ្ឋរស់នៅភូមិគោកត្នោត ឃុំកណ្តែក ស្រុកប្រាសាទបាគង បានដើរតាមដងផ្លូវ ដែលទឹកហូរច្រោះផ្លូវនោះ រួចក៏ប្រទះឃើញគ្រាប់យុទ្ធភណ្ឌមិនទាន់ផ្ទុះចំនួន៣គ្រាប់ ខណៈពេលមានភ្លៀងធ្លាក់ខ្លាំងជាប់ៗគ្នាប៉ុន្មានថ្ងៃ ហើយបានរាយការណ៍ជូនមន្ត្រីនគរបាលប៉ុស្តិ៍រដ្ឋបាលឃុំកណ្តែក ចំណុះអធិការដ្ឋាននគរបាលស្រុកប្រសាទបាគង ដើម្បីយកទៅប្រគល់បន្តទៅឱ្យមន្ត្រីអង្គការស៊ីម៉ាក់ យកទៅកម្ទេចចោល ។ ហេតុការប្រទះឃើញគ្រាប់មិនទាន់ផ្ទុះចំនួន៣គ្រាប់នោះ បានកើតឡើងនៅថ្ងៃទី០៥ ខែតុលា ឆ្នាំ២០១៧ ស្ថិតនៅភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប ។
លោកវរសេនីយ៍ឯក មិន ចន្ថា អធិការស្រុកប្រាសាទបាគង បានប្រាប់នៅព្រឹកថ្ងៃទី០៦ ខែតុលា ឆ្នាំ២០១៧ ថា ដោយមានសហការល្អពីប្រជាពលរដ្ឋ ទើបកម្លាំងប៉ុស្តិ៍នគរបាលរដ្ឋបាលឃុំកណ្តែក ចំណុះអធិការដ្ឋាននគរបាលស្រុកប្រសាទបាគង បានសហការជាមួយមន្ត្រីអង្គការស៊ីម៉ាក់ចុះប្រមូលគ្រាប់យុទ្ធភណ្ឌមិនទាន់ផ្ទុះចំនួន៣គ្រាប់ ក្នុងនោះមាន ៖ ប្រភេទគ្រាប់៨១mm ចំនួន១គ្រាប់, ក្បាលគ្រាប់៦០mm ចំនួន១គ្រាប់, កន្ទុយគ្រាប់១០៧mm ចំនួន១គ្រាប់ ដែលស្ថិតនៅចំណុចភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប ។
លោកបានបន្តថា ប្រជាពលរដ្ឋដែលប្រទះឃើញគ្រាប់នោះមានឈ្មោះ សៅ ឆន ភេទប្រុស អាយុ៣៥ឆ្នាំ មុខរបរកសិករ រស់នៅភូមិឃុំខាងលើ ខណៈពួកគាត់បានដើរតាមផ្លូវ រួចក៏ប្រទះឃើញពេលទឹកហូរច្រោះផ្លូវ ដែលមានភ្លៀងធ្លាក់ជាប់ៗគ្នាប៉ុន្មានថ្ងៃនេះ ហើយបានមករាយការណ៍ជូនកម្លាំងប៉ុស្តិ៍នគរបាលរដ្ឋបាល និងបានប្រគល់ឱ្យអង្គការស៊ីម៉ាក់យកទៅកម្ទេចចោល ៕
ចែករំលែកព័តមាននេះ