ទស្សនៈកិច្ចរបស់កងទ័ព យោធភូមិភាគទី៥
ខេត្តបាត់ដំបង ៖ ក្នុងដំណើរទស្សនៈកិច្ចរបស់កងទ័ព យោធភូមិភាគទី៥ វេលាព្រឹកថ្ងៃទី០៥ ខែតុលា ឆ្នាំ២០១៧ លោកឧត្តមសេនីយ៍ទោ អ៊ិន សុខាវុឌ្ឍី ប្រធានតំបន់១
ខេត្តបាត់ដំបង ៖ ក្នុងដំណើរទស្សនៈកិច្ចរបស់កងទ័ព យោធភូមិភាគទី៥ វេលាព្រឹកថ្ងៃទី០៥ ខែតុលា ឆ្នាំ២០១៧ លោកឧត្តមសេនីយ៍ទោ អ៊ិន សុខាវុឌ្ឍី ប្រធានតំបន់១
ខេត្តបាត់ដំបង ៖ ក្នុងដំណើរទស្សនៈកិច្ចរបស់កងទ័ព យោធភូមិភាគទី៥ វេលាព្រឹកថ្ងៃទី០៥ ខែតុលា ឆ្នាំ២០១៧ លោកឧត្តមសេនីយ៍ទោ អ៊ិន សុខាវុឌ្ឍី ប្រធានតំបន់១ បានដឹកនាំនាយទាហានចំនួន៨២នាក់ មកពីតាមបណ្ដាអង្គភាពចំណុះតំបន់សឹករងបន្ទាយមានជ័យ តាមខ្សែបន្ទាត់ព្រំដែន ចុះធ្វើទស្សនៈកិច្ចសិក្សាស្វែងយល់ស្តីពីការកសាងអង្គភាពរឹងមាំលើគ្រប់វិស័យរបស់កងអនុសេនាធំទី៣ វរសេនាតូចថ្មើរជើងលេខ៥០៥ ដែលឈរជើងនៅចុងភ្នំដងរែក ក្នុងភូមិរហាលតាកើត ឃុំបន្ទាយឆ្មា ស្រុកថ្មពួក ខេត្តបន្ទាយមានជ័យ ។
លោកវរសេនីយ៍ត្រី ទូច សាវុធ មេបញ្ជាការកងអនុសេនាធំទី៣ បានរាយការណ៍ថា អង្គភាពរបស់លោកឈរជើងទល់មុខកងទ័ពថៃ (ក ឆ ត) លេខ១២៤ ចំណុះវរសេនាធំលេខ១២របស់ថៃ ត្រង់បង្គោលសីមាលេខ២៩ និង៣០ ស្ថិតនៅភូមិរហាលតាកើត ឃុំបន្ទាយឆ្មា ស្រុកថ្មពួក ខេត្តបន្ទាយមានជ័យ ទទួលខុសត្រូវភូមិសាស្ត្រប្រវែង៥,៤គីឡូម៉ែត្រ តាមបណ្តោយផ្លូវខ្សែក្រវាត់ព្រំដែនលេខ៥៨ តភ្ជាប់ពីក្រុងប៉ោយប៉ែតទៅខេត្តឧត្តរមានជ័យ ដែលមានប្រវែង១៧៤គីឡូម៉ែត្រ ហើយបានកសាងទីតាំងអង្គភាពនេះមកតាំងពីឆ្នាំ២០០៨ ដោយបានអនុវត្តន៍តួនាទីតាមកាតព្វកិច្ចការពារជាតិ និងកសាងអង្គភាពរឹងមាំរហូតបានដល់ថ្ងៃនេះ ក្រោមការដឹកនាំបទបញ្ជារបស់ថ្នាក់លើ បានដាក់បទបញ្ជារកន្លងមក ។
បន្ទាប់មកលោកមេបញ្ជាការវរសេនាតូចលេខ៥១៤ មេបញ្ជាការកងល្បាតលេខ៤ កងការពារព្រំដែនលេខ៥០៣ និងអង្គភាពផ្សេងៗទៀតតាមព្រំដែន បានជួយកែការរៀបចំឲ្យមានសណ្តាប់ធ្នាប់ រក្សាអនាម័យ ពង្រឹងបន្ថែមទៀតក្នុងការដឹកនាំបញ្ជា ជំរុញការដាំដុះដើម្បីផ្គត់ផ្គង់ជីវភាពបន្ថែមក្នុងអង្គភាព និងគ្រួសារកងទ័ព ព្រមទាំងមេបញ្ជាការតាមបណ្តាអង្គភាពផ្សេងទៀត ដែលបានមកចូលរួមបានមានមតិកែលម្អចំណុចខ្វះខាត និងលើកគំរូល្អទៅអនុវត្តន៍តាមអង្គភាពផ្សេងៗទៀត ដើម្បីជំរុញការរីកចំរើនឲ្យកើតមានឡើងដូចៗគ្នាគ្រប់ទីកន្លែង ។
បន្ទាប់មកលោកឧត្តមសេនីយ៍ទោ អ៊ិន សុខវុឌ្ឍី ប្រធានតំបន់១បន្ទាយមានជ័យ មេបញ្ជាការរងយោធភូមិភាគទី៥ បានថ្លែងថា ពិតមែនតែទីកន្លែងនៅទីនេះតូច ឬធំមិនសំខាន់ តែសំខាន់កងកម្លាំងនៅទីនេះបានធ្វើមានភាពល្អប្រសើរឡើងច្រើន ក្នុងផែនការប្រឡងប្រណាំងគ្រប់ជាមួយកងអនុសេនាធំទាំង៦ផ្សេងទៀត ដែលកំពុងឈរជើងតាមព្រំដែនទទួលបានលទ្ធផលល្អក្នុងឆមាសកន្លងទៅនេះដូចគ្នា ។
លោកឧត្តមសេនីយ៍បានផ្តាំផ្ញើបន្ថែមទៀតថា ១.សូមបន្ថែមការរៀបចំសណ្តាប់ធ្នាប់ក្នុងកងឲ្យបានល្អបន្ថែមទៀត ២.បែងចែករៀបចំកម្លាំងទទួលខុសត្រូវជាឆ្មាំក្នុងកិច្ចការពារទឹកដីក្នុងភូមិសាស្ត្រទទួលខុសត្រូវរបស់អង្គភាព ៣.ត្រួតពិនិត្យការគ្រប់គ្រងអាវុធជាតិផ្ទុះឲ្យបានល្អប្រសើរ ចៀសវាងកើតបញ្ហាអំពីការជួញដូរអាវុធជាតិផ្ទុះដែលបានកើតឡើងតាមព្រំដែនពីកន្លែងផ្សេងបានឆ្លងកាត់កន្លែងយើងទទួលខុសត្រូវ ៤.ត្រៀមកម្លាំងអន្តរាគមន៍សម្រាប់ចុះជួយជាបន្ទាន់ដល់ប្រជាពលរដ្ឋក្នុងពេលមានគ្រោះធម្មជាតិ ដែលនាំឲ្យអន្តរាយកើតមានឡើង និងរួមចំណែកទប់ស្កាត់រាល់បទល្មើសដែលតែងតែកើតមាន និងឆ្លងកាត់តាមព្រំដែន ៥.ជំរុញការអប់រំចិត្តសាស្ត្រ គោរពច្បាប់ចរាចរណ៍ បង្កើនការយល់ដឹងលើវិស័យព័ត៌មានតាមប្រព័ន្ធអនឡាញ ចៀសវាងការឃោសនាបោកប្រាស់ពីពួកអមិត្ត គោរពតួនាទីកងទ័ពត្រូវស្មោះត្រង់ ការពាររាជរដ្ឋាភិបាលស្របច្បាប់ ប្រឆាំងភេរវកម្ម ប្រឆាំងបដិវត្តន៍ពណ៌ និងទី៦.រួមចំណែកសហការជួយប្រមូលពន្ធជូនរដ្ឋ និងសាងអំពើល្អជាមួយមហាជន សាមគ្គីភាពផ្ទៃក្នុង ក្នុងអង្គភាពបន្ថែមទៀត ទើបមានសន្ទុះការងារខ្លាំងបន្ថែមទៀតប្រកបដោយគុណភាព ៕
ចែករំលែកព័តមាននេះ