ការវាយប្រហារនៅ Las Vegas អាចប៉ះពាល់ភ្ញៀវទេសចរអន្តរជាតិឬទេ ?
Las Vegas ៖ បន្ទាប់ពីមានការវាយប្រហារប្រដាប់អាវុធធំជាងគេក្នុងប្រវត្តិសាស្ត្រសហរដ្ឋអាមេរិកនាពេលថ្មីៗនេះមក មានសំណួរមួយសួរថា
Las Vegas ៖ បន្ទាប់ពីមានការវាយប្រហារប្រដាប់អាវុធធំជាងគេក្នុងប្រវត្តិសាស្ត្រសហរដ្ឋអាមេរិកនាពេលថ្មីៗនេះមក មានសំណួរមួយសួរថា
Las Vegas ៖ បន្ទាប់ពីមានការវាយប្រហារប្រដាប់អាវុធធំជាងគេក្នុងប្រវត្តិសាស្ត្រសហរដ្ឋអាមេរិកនាពេលថ្មីៗនេះមក មានសំណួរមួយសួរថា តើភ្ញៀវទេសចរអន្តរជាតិនឹងបន្តមកកម្សាន្តនៅ Las Vegas ឬទេ ?
មានមនុស្សជាង២៥ម៉ឺននាក់ដែលធ្វើការក្នុងវិស័យសណ្ឋាគារ ភោជនីយដ្ឋាន បារ និងកាស៊ីណូក្នុងទីក្រុងនេះ ហើយការងាររបស់ពួកគេពឹងផ្អែកលើភ្ញៀវទេសចរចំនួន៤៣លាននាក់ក្នុង១ឆ្នាំ ដែលមាន១ភាគ៥ មកពីបរទេស ។
លោក Olivier Jager នាយកប្រតិបត្តិក្រុមហ៊ុន ForwardKeys និយាយថា ៖« រយៈពេលងើបឡើងវិញនៃវិស័យទេសចរណ៍នៅ Las Vegas នឹងពឹងផ្អែកលើការផ្សព្វផ្សាយរបស់សារព័ត៌មាន និងសមត្ថភាពសមត្ថកិច្ចបង្ហាញថា មានសន្តិសុខល្អជាងមុន » ។
អ្នកជំនាញផ្នែកធ្វើដំណើរនិយាយថា ពលរដ្ឋអាមេរិកនឹងបន្តធ្វើដំណើរទៅកាន់ Las Vegas ព្រោះជនដៃដល់នោះធ្វើការតែម្នាក់ឯងប៉ុណ្ណោះ និងគ្មានទំនាក់ទំនងជាមួយក្រុមភេរវជនឡើយ។ ប៉ុន្តែនៅមានក្តីបារម្ភទាក់ទិននឹងការឆ្លើយតបរបស់អ្នកដំណើរអន្តរជាតិ ។
លោកស្រី Diane Bean ភ្នាក់ងារម្នាក់ក្នុងវិស័យទេសចរណ៍ និងជាម្ចាស់ក្រុមហ៊ុន Off On Vacation បាននិយាយថា ៖« ខ្ញុំគិតថា ភ្ញៀវទេសចរអន្តរជាតិនឹងបញ្ឈប់ដំណើរកម្សាន្តរបស់ពួកគេកាន់តែច្រើន ដោយសារខ្លាចការវាយប្រហារបែបនេះនៅសហរដ្ឋអាមេរិក » ។
យោងតាមការសិក្សារបស់ Pew Center នាពេលថ្មីៗនេះឲ្យដឹងថា ចំនួនពលរដ្ឋមានកាំភ្លើងនៅសហរដ្ឋអាមេរិក គឺច្រើនជាងគេក្នុងពិភពលោក ។ ពលរដ្ឋ៤នាក់ក្នុងចំណោម១០នាក់និយាយថា ពួកគេមានកាំភ្លើង ឬរស់នៅក្នុងផ្ទះដែលមានកាំភ្លើង ។ អត្រាការបាញ់ប្រហារជាសាធារណៈនៅសហរដ្ឋអាមេរិក ក៏មានកម្រិតខ្ពស់ជាងប្រទេសដទៃផងដែរ ។
យ៉ាងណាក្តី លោក Patrick Surry ប្រធានអ្នកវិទ្យាសាស្ត្រទិន្នន័យក្នុងក្រុមហ៊ុន Hopper និយាយថា តម្រូវការដំណើរការកម្សាន្តមកកាន់ Las Vegas នឹងកើនឡើងវិញ បើទោះជាចំនួនអ្នកបញ្ឈប់ដំណើរកម្សាន្តកើនឡើងក្នុងសប្តាហ៍នេះក្តី ។ លោកថា ៖« មនុស្សមានការចងចាំរយៈពេលខ្លី ហើយវាប្រហែលជាមិនប៉ះពាល់អ្នកដំណើរសម្រាប់រយៈពេលវែងឡើយ » ៕
ចែករំលែកព័តមាននេះ