ការលក់កាំភ្លើងកើនឡើង បន្ទាប់ពីមានការបា.ញ់ប្រហារ
អត្រាលក់កាំភ្លើងបានធ្លាក់ចុះក្រោយលោក ដូណាល់ ត្រាំ (Donald Trump) បាន
អត្រាលក់កាំភ្លើងបានធ្លាក់ចុះក្រោយលោក ដូណាល់ ត្រាំ (Donald Trump) បាន
សហរដ្ឋអាមេរិក ៖ អត្រាលក់កាំភ្លើងបានធ្លាក់ចុះក្រោយលោក ដូណាល់ ត្រាំ (Donald Trump) បានឈ្នះឆ្នោតជាប្រធានាធិបតីមក ប៉ុន្តែអត្រានេះបានផ្លាស់ប្តូរភ្លាម បន្ទាប់ពីមានការបាញ់សម្លាប់កាលពីថ្ងៃអាទិត្យកន្លងមកក្នុងទីក្រុង Las Vegas ។ ទោះបីយ៉ាងណា វាមិនមែនជាលើកដំបូងទេ ដែលអត្រាលក់កាំភ្លើងកើនឡើង បន្ទាប់ពីការបាញ់ប្រហារជាសាធារណៈ ។
យោងតាមលោក Rommel Dionisio ប្រធានគ្រប់គ្រងក្រុមហ៊ុន Aegis Capital និងជាអ្នកជំនាញម្នាក់ក្នុងវិស័យកាំភ្លើង និយាយថា ការលក់កាំភ្លើងខ្លីបានកើនឡើង៦២% ក្នុងខែធ្នូ ឆ្នាំ២០១៥ បន្ទាប់ពីការបាញ់ប្រហារក្នុងទីក្រុង San Bernardino ដែលបង្កឲ្យមនុស្ស១៤នាក់បាត់បង់ជីវិត និងការវាយប្រហារភេរវកម្មនៅក្រុងប៉ារីស កាលពីខែវិច្ឆិកា ឆ្នាំ២០១៥ ។ វាក៏បានកើនឡើងប្រមាណ២០% ក្នុងខែមិថុនា កក្កដា និងសីហា ឆ្នាំ២០១៦ បន្ទាប់ពីការវាយប្រហារក្នុងក្លិបរាត្រី Pulse នាខែមិថុនា ឆ្នាំ២០១៦ ក្នុងទីក្រុង Orlando ដែលធ្វើឲ្យមនុស្ស៤៩នាក់បាត់បង់ជីវិតផងដែរ ។
ការបាញ់ប្រហារក្នុងរដ្ឋ Las Vegas នាពេលថ្មីៗនេះបានបង្កឲ្យមនុស្សចំនួន៥៩នាក់បាត់បង់ជីវិត និង៥០០នាក់ទៀតរងរបួស ហើយវាអាចជំរុញឲ្យប្រជាពលរដ្ឋអាមេរិកចាប់ផ្តើមទិញកាំភ្លើងកាន់តែខ្លាំងឡើង ។
លោក Dionisio បាននិយាយថា ៖« ហេតុការណ៍ក្នុងរដ្ឋ Las Vegas អាចបង្កឲ្យតម្រូវការកាំភ្លើងក្នុងរយៈពេលខ្លីកើនឡើង ព្រោះមនុស្សព្រួយបារម្ភពីសុវត្ថិភាពផ្ទាល់ខ្លួន »។
កាំភ្លើងក៏ជាអាជីវកម្មដ៏ធំមួយនៅសហរដ្ឋអាមេរិកផងដែរ ដោយលោក Dionisio ព្យាករថា ប្រជាពលរដ្ឋអាមេរិកទិញកាំភ្លើងប្រមាណពី១៥ ទៅ១៦លានគ្រឿងក្នុង១ឆ្នាំ ។
យោងតាមការស្រាវជ្រាវរបស់ក្រុមហ៊ុន IBIS World ឲ្យដឹងថា ហាងលក់កាំភ្លើង និងគ្រាប់កាំភ្លើងទទួលបានប្រាក់ចំណូលប្រមាណ៨,៦ប៊ីលានដុល្លារឯណោះក្នុងឆ្នាំ២០១៦។
ចំនួនកាំភ្លើងដែលស្តុកទុកក៏កើនឡើងដែរ បន្ទាប់ពីការបាញ់ប្រហារនៅក្លិប Pulse និងក្នុងទីក្រុង San Bernardino ដោយមួយផ្នែកមកពីការសន្យាពង្រឹងច្បាប់អាវុធរបស់លោកប្រធានាធិបតី បារ៉ាក់ អូបាម៉ា (Barack Obama) ៕
ចែករំលែកព័តមាននេះ