អ្នកនាង ម៉េង កែវពេជ្ជតា ឆ្លើយតបជំនួសអ្នកនាងហ៊ឹម ស៊ីវន ចំពោះការរិះគន់
រាជធានីភ្នំពេញ ៖ តារាចម្រៀងអ្នកនាងម៉េង កែវពេជ្ជតា បានចេញមុខជំនួសអ្នកនាងហ៊ឹម ស៊ីវន ដែលរងការរិះគន់ថា
រាជធានីភ្នំពេញ ៖ តារាចម្រៀងអ្នកនាងម៉េង កែវពេជ្ជតា បានចេញមុខជំនួសអ្នកនាងហ៊ឹម ស៊ីវន ដែលរងការរិះគន់ថា ចំអកដល់បេក្ខនារីម្នាក់ក្នុងកម្មវិធីប្រឡងចម្រៀង «សំនៀងឯក» របស់ស្ថានីយទូរទស្សន៍បាយ័ន ។
ការចេញមុខបកស្រាយរបស់អ្នកនាងម៉េង កែវពេជ្ជតា បន្ទាប់ពីវីដេអូឃ្លីបត្រូវគេបង្ហោះតាមហ្វេសប៊ុកនាពេល ថ្មីៗកន្លងមកបង្ហាញពីការផ្តល់យោបល់របស់អ្នកនាងហ៊ឹម ស៊ីវន ចំពោះបេក្ខនារីប្រឡងម្នាក់ដែលគេយល់ថាជាការចំអកជាងការផ្តល់ដំបូន្មាន ។
ចំហាយរិះគន់កើតជាមានជាបន្តបន្ទាប់ ក្រោយពេលវីដេអូនោះត្រូវគេចែកចាយតាមហ្វេសប៊ុកជាហេតុនាំឲ្យអ្នកនាងម៉េង កែវពេជ្ជតា ដែលជាគណៈកម្មការម្នាក់ក្នុងកម្មវិធីនោះចេញមុខបកស្រាយជំនួសអ្នកនាងហ៊ឹម ស៊ីវន ។
អ្នកនាងកែវ ពេជ្ជតា ចាត់ទុកការរិះគន់ទៅលើអ្នកនាងហ៊ឹម ស៊ីវន គឺមិនមានមូលដ្ឋានច្បាស់លាស់ ព្រោះអ្នកនាងមិនមានចេតនាណាមួយមើលងាយបេក្ខនារីប្រឡងទេ ។
តាមរយៈសារវែងបង្ហោះតាមហ្វេសប៊ុករបស់អ្នកនាងម៉េង កែវពេជ្ជតា មានខ្លឹមសារថា «ប៉ុន្មានថ្ងៃនេះក្នុងបណ្តាញព័ត៌មានមួយចំនួនហាក់គ្របសង្កត់ទៅលើអ្នកបងហ៊ឹម ស៊ីវន ខ្លាំងណាស់ ។ ក្នុងនាមនាងខ្ញុំជាអ្នករួមការងារ នាងខ្ញុំសូមចិត្តបងប្អូន កុំរិះគន់ និងមើលគាត់ក្នុងផ្លូវអាក្រក់អី គាត់មិនមានបំណងមាក់ងាយដល់បេក្ខនារីណាម្នាក់ដូចការមើលឃើញនោះទេ ។ សូមចាត់ទុកថាបងស្រីគាត់និយាយត្រង់ពេកទៅចុះ តែក៏ជាបទពិសោធន៍សម្រាប់អ្នកប្រលងដែរ ។ ពាក្យចាស់ពោលថា ពុតគ្រូកុំត្រាប់ ច្បាប់គ្រូឱ្យយក ។ កោកៗ សឹកមាត់ត្រដោកឆ្អែតពោះក្របី។ អ្នកដែលត្រង់រមែងទទួលរងរបួសច្រើនជាងអ្នកក្រឡិចក្រឡុច ។ ការដែលអាចទទួលយកបាននូវគ្រប់រស់ជាតិក៏ជាភាពរឹងមាំសម្រាប់ខ្លួនឯងដែរ ។ គ្មានការបង្រៀនណាដែលត្រជាក់ស្រេបរហូតនោះទ ។
សូមបញ្ចប់រឿងនេះសិនចុះ ។ ងាកមកមើលអត្ថបទដែលសរសេដោយព័ត៌មានមួយនេះម្តង។ តើបងប្អូនយល់ទេថាគាត់ចង់សរសេរពីអ្វី? តើគាត់សរសេរខុស ឬខ្ញុំមើលច្រឡំ ? ម៉េចក៏ច្របូកច្របល់អីម្ល៉េះ? លេងសើចពេកហើយ ព័ត៌មាន អីុចឹងៗ ក៏ចេះតែលើកយកមកផ្សាយឱ្យខូចកិត្តិយសគេដែរ ។ តើនរណាបង្រៀនគាត់ឱ្យសរសេរបែបហ្នឹង ? ណ្ហើយកុំឱ្យហត់ភ្នែក ខ្ញុំសូមចាប់យកខមិនមកពិចារណាវិញ ។ បងប្អូនទស្សនិកជនជាទីគោរព ! បើយើងនិយាយរឿងរិះគន់ក្នុងន័យស្ថាបនាពីមហាជន យើងខ្ញុំទទួលយកបានដោយរីករាយ ។ ប៉ុន្តែការរិះគន់របស់ម្នាក់នេះចូលលក្ខណៈលើស ហើយលើសខ្លាំងទៀតផង ។ លើសខ្លាំងនោះគឺ ទី១ តើហេតុអីក៏ត្រូវរាលដាលដល់កម្មវិធីសំនៀងចែងចាំងដែរ ? ចង់ផ្លែផ្កាឱ្យនរណា ? ឱ្យខ្ញុំ ?
ទី២ តើហេតុអីក៏អ្នករិះគន់ម្នាក់ហ្នឹងព្យាយាមប្រៀបធៀបកម្មវិធីនេះ ជាមួយកម្មវិធីនោះម្ល៉េះទាំងដឹងថា «សំនៀងឯក» ជាកម្មវិធីជាតិបង្កើតឡើងដោយកូនខ្មែរ ? មានបំណងអី? ស្អប់ខ្មែរ? មិនចង់ឃើញខ្មែររីកចម្រើន ? សូមនិយាយដោយចិត្តបរិសុទ្ធ ទាំងខ្ញុំ ទាំងគេសូមអបអរ ដែលទូរទស្សន៍ក្នុងស្រុកមានកម្មវិធីពីបរទេសមកផ្សព្វផ្សាយ ប៉ុន្តែក្នុងនាមជាម្ចាស់ប្រទេសទាំងមូលមិនបាច់ធ្វើអីទេចាំតែយកពីគេ ត្រាប់តាមគេរហូតទៅឬយ៉ាងម៉េច? ហើយក្រែងយើងហ្នឹងដែលចង់ឱ្យខ្មែរមានអ្វីដែលជារបស់ខ្មែរមិនលួចចម្លងនោះអី រួចគិតឃើញយ៉ាងម៉េចមកដើរស្រែកជេរ ស្រែករិះគន់ទើសទាស់មិនសម្រាកដូច្នេះ ? ឬក៏យល់ថាខ្លួនគាត់អស្ចារ្យណាស់ដែលអង្គុយត្រេកត្រអាលជាមួយតែកម្មវិធីគេ ហើយភ្លេចកំណើតខ្លួន? តើហេតុអីក៏អ្នករិះគន់ម្នាក់ហ្នឹងចូលចិត្តយកមនុស្សមកប្រៀបធៀបគ្នាម្ល៉េះ ? ឬគាត់កំពុងព្យាយាមឱ្យអ្នកសិល្បៈខាំគ្នាដោយសារប្រយោជន៍បន្តិចបន្តួចហ្នឹង ? ឬចង់ឱ្យតារា និងទូរទស្សន៍មើលមុខគ្នាមិនចំ ? ហើយហេតុអីក៏ដឹងថាទូរទស្សន៍ទាំងនោះមិនត្រូវការពេជ្ជតា ? មាត់អត់គំរប បើមិនដឹងរឿងសូមកុំចេះតែមានប្រសាសន៍ទាន» ។
បើតាមអ្នកនាងម៉េង កែវពេជ្ជតា កម្មវិធីប្រឡងចម្រៀង«សំនៀងចែងចាំង»មិនបន្តគឺគ្មានពាក់ព័ន្ធអ្វីនឹងការដើរទិញអីវ៉ាន់នៅផ្សារថ្មីរបស់ពេជ្ជតាទេ ហើយកម្មវិធីទាន់សម័យកម្រិតពិលោកនៅទូរទស្សន៍ដែលអ្នកកំពុងតែអួតនោះក៏ធ្លាប់បានអញ្ជើញពេជ្ជតាមិនដឹងជាប៉ុន្មានសិបដងហើយដែរ ប៉ុន្តែលក្ខណៈចំពេលពេជ្ជតាជាប់កិច្ចការមិនអាចទទួលបាន ។ ហេតុអីក៏ត្រូវបន្ទោសពេជ្ជតាដែរ ? ខ្លួនគាត់កំពុងរិះគន់គេថាមិនចេះធ្វើការ រិះគន់ឱ្យសមតួនាទីជាមេប្រយោគ ប៉ុន្តែខ្លួនគាត់បែរជារិះគន់មកលើអ្នកដទៃទាំងលំអៀង មើលងាយ ដោយគំនិតរាក់កំភែលទៅវិញ ! ការរិះគន់បែបនេះ គឺក្នុងបំណងចំអក សើចយំ និងបញ្ឈឺដើម្បីឱ្យសប្បាយចិត្តតែខ្លួនឯងប៉ុណ្ណោះគ្មានចេតនាស្ថាបនាអ្វីទេ ។ បើតែយ៉ាងនេះថ្ងៃណាទើបអ្នកចេះដឹងមានឱកាសបញ្ចេញស្នាដៃទៅ ? ហើយតើគុណភាពពិតនៅឯណាបើពួកគេចូលចិត្តផ្អែម បញ្ចើចបញ្ចើរ បោកបន្លំ ហើយមិនហ៊ានទទួលយកការណ៍ពិតផង ? ស្រែករករបស់ Original តែខ្លួនកំពុងតែឱបរបស់ Copy ឡើងបែកញើសដៃ មិនចេះខ្មាសគេ ។
សូមរំលឹកផងថា គ្មានបរទេសណាគេមកធ្វើបាបខ្មែរទេ បើខ្មែរគ្នាឯងមិនធ្វើបាបគ្នា ហើយបើបរទេសឈ្នះយើងនោះក៏មិនមែនព្រោះតែបរទេសគេខ្លាំងដែរ គឺមកពីខ្មែរខ្លួនឯងហ្នឹងខ្សោយ ។ ពាក្យពិតរែងស្លែង ។ ទោះជាយ៉ាងណាក្តី ពេជ្ជតានៅតែមិនខ្លាច » ៕
ចែករំលែកព័តមាននេះ