អស្ចារ្យណាស់! ចាប់ពីម៉ោង០០:០០នាទីថ្ងៃទី១៥ តុលា ឆ្លងកាត់ស្ពានព្រែកព្នៅ អត់យកប្រាក់
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាបានប្រកាសថា អ្នកដំណើរដែលឆ្លងកាត់ទៅមកលើស្ពានព្រែកព្នៅ
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាបានប្រកាសថា អ្នកដំណើរដែលឆ្លងកាត់ទៅមកលើស្ពានព្រែកព្នៅ
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាបានប្រកាសថា អ្នកដំណើរដែលឆ្លងកាត់ទៅមកលើស្ពានព្រែកព្នៅ និងផ្លូវលី យ៉ុងផាត់នឹងមិនត្រូវបានគិតប្រាក់នោះទេ ដោយសាររាជរដ្ឋាភិបាលយកមកគ្រប់គ្រងវិញ។ នេះបើយោងតាមការគណនីហ្វេសប៊ុកសម្តេចតេជោ ហ៊ុន សែន នៅថ្ងៃទី ០៥ តុលា នេះ ។
សម្តេចនាយករដ្ឋមន្ត្រីបានសរសេរថា៖ «ដើម្បីដោះស្រាយនូវការលំបាកនិងជួយលើកកំពស់ជីវភាពប្រជាជនពិសេសសម្រួលដល់ការធ្វើដំណើរទៅមករបស់ប្រជាពលរដ្ឋ ចាប់ពីម៉ោង ០០:០០ នាទី ថ្ងៃទី ១៥ ខែ តុលា ឆ្នាំ ២០១៧ នេះតទៅ ស្ពាន និងផ្លូវតភ្ជាប់ពីផ្លូវជាតិលេខ ៦ A ទៅផ្លូវជាតិលេខ ៥ ( ស្ពាន និងផ្លូវ លី យ៉ុងផាត់ ព្រែកព្នៅ ) នឹងត្រូវធ្វើដំណើរដោយមិនបាច់បង់ថ្លៃឆ្លងកាត់ទៀតទេ រាជរដ្ឋាភិបាលនឹងទិញយកមកគ្រប់គ្រងវិញ»។
សម្តេចបានបន្តថា ក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការ និងដឹកជញ្ជូន សាលារាជធានីភ្នំពេញ និងស្ថាប័នពាក់ព័ន្ធត្រូវពិភាក្សាជាមួយក្រុមហ៊ុនដើម្បីពិនិត្យដោះស្រាយបញ្ហាមួយចំនួនដែលនៅសេសសល់ ។ សង្ឃឹមថាប្រជាពលរដ្ឋយើងនឹងទទួលបានផលប្រយោជន៍ពីការសម្រេចនេះ ៕
ចែករំលែកព័តមាននេះ