ឈើប្រណីត១រថយន្ត ត្រូវសមត្ថកិច្ចចម្រុះស្ទាក់ចាប់បាន
ខេត្តកំពងឆ្នាំង ៖ ឈើប្រណីតប្រភេទធ្នង់ មួយរថយន្តសាំយ៉ុង ត្រូវបានកម្លាំងសមត្ថកិច្ចចម្រុះស្ទាក់ចាប់បា
ខេត្តកំពងឆ្នាំង ៖ ឈើប្រណីតប្រភេទធ្នង់ មួយរថយន្តសាំយ៉ុង ត្រូវបានកម្លាំងសមត្ថកិច្ចចម្រុះស្ទាក់ចាប់បា
ខេត្តកំពងឆ្នាំង ៖ ឈើប្រណីតប្រភេទធ្នង់ មួយរថយន្តសាំយ៉ុង ត្រូវបានកម្លាំងសមត្ថកិច្ចចម្រុះស្ទាក់ចាប់បាន នៅវេលាម៉ោង៩ និង៣០នាទីព្រឹក ថ្ងៃទី០៤ ខែតុលា ឆ្នាំ២០១៧ តាមបណ្តោយផ្លូវជាតិលេខ៥ ត្រង់ចំណុចអ្នកតាពោធិ៍ ក្នុងភូមិត្រពាំងចាន់ ឃុំត្រពាំងចាន់ ស្រុកបរិបូណ៍។ លោក ថោង វីរ៉ាវុឌ្ឍី នាយខណ្ឌរដ្ឋបាលជលផល បានឲ្យដឹងថា ដោយមានការសង្ស័យ សមត្ថកិច្ចចម្រុះបានស្ទាក់ចាប់រថយន្តសាំយ៉ុងខាងលើនេះមានពណ៌លឿង ពាក់ស្លាកលេខ ភ្នំពេញ 2O-7827 នៅចំណុចអ្នកតាពោធិ៍ និងបានឆែកឃើញឈើប្រណីតប្រភេទធ្នង់ បង្កប់ក្រោមគ្រឿងប្រើប្រាស់អំពីជ័រ ពេញក្នុងរថយន្ត ប៉ុន្តែអ្នកបើកបរបានគេចខ្លួនបាត់។
សមត្ថកិច្ចចម្រុះបាននាំរថយន្តល្មើសច្បាប់នោះ មកខណ្ឌរដ្ឋបាលព្រៃឈើ ដើម្បីការវាស់វែង ដោយមានការចូលរួមពីមន្ត្រីតុលាការផងដែរ។ ក្រោយធ្វើការវស់វែង ឃើញឈើក្នុងរថយន្តមានចំនួន១៤៦ដុំ ស្មើនឹងទម្ងន់១.៥៩៥គីឡូក្រាម ឬជាង១ម៉ែត្រគូប។ ក្រោយការវាស់វែងឈើទាំងនោះ និងរថយន្ត ត្រូវបានរក្សាទុកនៅទីនេះដើម្បីឲ្យម្ចាស់ឈើចូលខ្លួនមកផាកពិន័យតាមនីតិវិធីក្នុងរយៈពេល៣០ថ្ងៃ ប៉ុន្តែបើមិនឃើញមកទេ សមត្ថកិច្ចជំនាញនឹងកសាងសំណុំរឿងបញ្ជូនទៅតុលាការតាមនីតិវីធី៕
ចែករំលែកព័តមាននេះ