គ្រាន់តែធ្វើការងារផ្ទះក៏បន្ថយហានិភ័យនៃការស្លា.ប់ដែរ
ការស្រាវជ្រាវថ្មីបានបង្ហាញថាការមើលថែសួនផ្កា ជូតផ្ទះ ឬសម្អាតផ្ទះបាយអាចជួយជីវិតអ្នកបាន ។
របាយការណ៍ពី
ការស្រាវជ្រាវថ្មីបានបង្ហាញថាការមើលថែសួនផ្កា ជូតផ្ទះ ឬសម្អាតផ្ទះបាយអាចជួយជីវិតអ្នកបាន ។
របាយការណ៍ពីសាកលវិទ្យាល័យ McMaster ក្នុងប្រទេសកាណាដាបានរកឃើញថាការធ្វើការងារផ្ទះ៥ដងក្នុងមួយសប្តាហ៍សម្រាប់រយៈពេលកន្លះម៉ោងអាចកាត់បន្ថយហានិភ័យនៃការស្លាប់ដល់ទៅ២៨% និងជំងឺបេះដូងបាន២០% ។
ការសិក្សាបានបង្ហាញថែមទៀតថា ចំណែកការធ្វើលំហាត់ប្រាណបន្ថែម មិនថាជាការហាត់ប្រាណប្រភេទណានោះទេ ប្រសិនបើអ្នកមានសកម្មភាពរយៈពេល៧៥០នាទីក្នុងមួយសប្តាហ៍ អ្នកបន្ថយឱកាសនៃការស្លាប់មុនអាយុដល់ទៅ៤០% ។
ក្រុមអ្នកស្រាវជ្រាវសង្ឃឹមថារបាយការណ៍របស់ពួកគេនឹងលើកទឹកចិត្តដល់មនុស្សឲ្យមានសកម្មភាពឲ្យបានច្រើនទោះបីជាពួកគេមិនមានពេលទៅហាត់ប្រាណនៅកន្លែងហាត់ប្រាណក៏ដោយ ។
ចំពោះការស្រាវជ្រាវនេះ ក្រុមអ្នកស្រាវ ជ្រាវបានតាមដានមនុស្សចំនួន១៣០.០០០នាក់អស់រយៈពេល៧ឆ្នាំ ។ អ្នកចូលរួមក្នុងការសិក្សានេះមានអាយុពី៣៥ទៅ៧០ឆ្នាំ ហើយពួកគេមកពី១៧ប្រទេស ផ្សេងៗគ្នា ។
នៅពេលចាប់ផ្តើមនៃការសិក្សាអ្នកចូលរួមម្នាក់ៗបានផ្តល់ព័ត៌មានអំពីស្ថានភាពសេដ្ឋកិច្ចសង្គមឥរិយាបថរបៀបរស់នៅ ប្រវត្តិជំងឺ និងប្រវត្តិគ្រួសារទាក់ទងនឹងជំងឺសរសៃឈាមបេះដូង ទម្ងន់ កម្ពស់ ទំហំចង្កេះ និងត្រគាក និងសម្ពាធឈាមរបស់ពួកគេ ។
ក្រុមការងារមកពីសាកលវិទ្យាល័យ McMaster បានរកឃើញថាប្រសិនបើអ្នករាល់គ្នាហាត់ប្រាណឲ្យបាន១៥០នាទីរៀងរាល់សប្តាហ៍ អត្រានៃការស្លាប់៨%នឹងត្រូវបានទប់ស្កាត់ ហើយអត្រានៃអ្នកដែលមានជំងឺសរសៃឈាមបេះដូងនឹងថយចុះជិត៥% ។
ក្រុមអ្នកស្រាវជ្រាវបានសង្កត់ធ្ងន់ថាវាមិនមានបញ្ហាទេថាតើអ្នកជ្រើសរើសយកការហាត់ប្រាណប្រភេទណា ។ ការហាត់ប្រាណរបស់ពួកគេអាចជាការចំណាយពេលសំអាតផ្ទះ ឬដើរទៅធ្វើការនៅពេលព្រឹក ។
លោកវេជ្ជបណ្ឌិត Scott Lear អ្នកដឹកនាំការសិក្សានេះបាននិយាយថាលោកសង្ឃឹមថាការស្រាវជ្រាវនេះនឹងជំរុញឱ្យមនុស្សបង្កើតទម្លាប់ក្នុងការហាត់ប្រាណ ។ លោកបាននិយាយថា៖«ការធ្វើលំហាត់ប្រាណស្របទៅតាមការណែនាំដោយដើររយៈពេល៣០នាទីរៀងរាល់ថ្ងៃមានអត្ថប្រយោជន៍ជាច្រើនដល់សុខភាព ហើយការធ្វើលំហាត់ប្រាណកាន់តែច្រើនមានការទាក់ទងជាមួយនឹងការថយចុះនៃហានិភ័យទាក់ទងនឹងសុខភាព » ។
លោកវេជ្ជបណ្ឌិតរូបនេះបានបន្ថែមទៀតថាការបន្តមានសកម្មភាពប្រចាំថ្ងៃតាមរយៈការធ្វើការងារផ្ទះអាចជួយសន្សំថវិការ និងធនធានដែលត្រូវចំណាយទៅលើអ្នកដែលមានជំងឺសរសៃឈាមបេះដូង ។ លោកបានពន្យល់ថាវាអាចមានប្រយោជន ៍ជាពិសេសសម្រាប់ប្រទេសដែលមានចំណូលទាប ៕
ចែករំលែកព័តមាននេះ