គន្លឹះមួយចំនួនសម្រាប់អ្នកមានបញ្ហាក្នុងការគេង
ប្រសិនបើអ្នកមានបញ្ហាគេងមិនលក់ស្ទើរតែរាល់យប់ ឬភ្ញាក់ច្រើនដងក្នុងអំឡុងពេលគេង និង
ប្រសិនបើអ្នកមានបញ្ហាគេងមិនលក់ស្ទើរតែរាល់យប់ ឬភ្ញាក់ច្រើនដងក្នុងអំឡុងពេលគេង និងអស់កម្លាំងក្នុងអំឡុងពេលថ្ងៃ វាជាពេលដែលអ្នកត្រូវទទួលស្គាល់ថាអ្នកកំពុងប្រឈមមុខនឹងការកើតជំងឺគេងមិនលក់ ។
កត្តាដូចជាការកើនអាយុ ការប្រែប្រួលអ៊័រម៉ូន (ឧទាហរណ៍៖ជំងឺក្រពេញទីរ៉ូអុីត) ជំងឺផ្សេងៗអាចបង្កឱ្យមានបញ្ហាគេងមិនលក់ ។ ការឈឺចាប់ផ្នែកណាមួយនៃរាងកាយក៏អាចធ្វើឲ្យអ្នកមានបញ្ហានេះដែរ ។
ខាងក្រោមនេះគឺជាគន្លឹះមួយចំនួនដែលអ្នកគួរអនុវត្តដើម្បីដោះស្រាយបញ្ហានៃការគេងមិនលក់ ។
១-ចូលគេងតាមទម្លាប់របស់អ្នក
មនុស្ស ម្នាក់ៗមានទម្លាប់ រៀងៗខ្លួន សូម្បីតែទម្លាប់នៃការគេង ។ មនុស្សមួយចំនួនមានអារម្មណ៍ស្រស់ស្រាយពេលគេងបាន៦ម៉ោង ។ រីឯអ្នកផ្សេងប្រហែលពី៩ទៅ១០ម៉ោង។ ត្រូវដឹងពីអ្វីដែលរាងកាយរបស់អ្នកត្រូវការ ហើយគេងឲ្យបានទៀងម៉ោង ។ សូមចូលគេង និងក្រោកពីគេងឲ្យបានទៀងម៉ោងដើម្បីធ្វើឱ្យលំនាំនៃការគេងរបស់អ្នកមានភាពទៀងទាត់។
២-ទៅជួបគ្រូពេទ្យ
គ្រូពេទ្យអាចជួយពិនិត្យលើបញ្ហាថ្នាំពេទ្យ ស្ថានភាពសុខភាព ឬភាពតានតឹងដែលអាចធ្វើឲ្យអ្នកគេងមិនលក់ ឬធ្វើឱ្យបញ្ហាគេងមិនលក់របស់អ្នកកាន់តែអាក្រក់ ។
៣-គ្រប់គ្រងរបៀបរស់នៅ
សូមគ្រប់គ្រងទម្លាប់ដែលមិនមានលក្ខណៈធ្ងន់ពេក ។ ប្រសិនបើការងាររបស់អ្នកមានភាពតានតឹងខ្លាំង ធ្វើឱ្យវាមានតុល្យភាពដោយកត្តាផ្សេងៗដូចជារបបអាហារ និងសុខភាពផ្លូវចិត្ត។ ការតាំងសមាធិ និងភាពច្នៃប្រឌិត អាចជួយអ្នកឱ្យមានភាពស្ងប់ស្ងៀម និងមានអារម្មណ៍ធូរស្រាល ។
៤-គេងពេលថ្ងៃ
សូមបញ្ឈប់ការគេងពេលថ្ងៃបើអ្នកមិនចង់មានបញ្ហានៃការគេងមិនលក់នៅពេលយប់ ។ ព្យាយាមមានសកម្មភាបរាងកាយដែលតម្រូវឱ្យអ្នកផ្លាស់ទីក្នុងអំឡុងពេលដែលអ្នកងងុយគេងពេលថ្ងៃ ។
៥-ការធ្វើលំហាត់ប្រាណ
ការធ្វើលំហាត់ប្រាណ ឬការដើរមុនពេលគេងគឺល្អសម្រាប់អ្នកដែលមានជំងឺគេងមិនលក់រ៉ាំរ៉ៃ ។ សាកល្បងហាត់ជាមួយនរណាម្នាក់ ឬចាក់តន្ត្រីអមពេលអ្នកកំពុងហាត់ប្រាណដើម្បីជួយឲ្យវាក្លាយជាទម្លាប់ ។
៦-របបអាហារ
ចូរទទួលទានអាហារពេលល្ងាចដែលល្អចំពោះសុខភាព ផឹកទឹកដោះគោ ក្តៅៗ ឬតែ ។ ចៀសវាងការទទួលទានជាតិកាហ្វេអុីន អាល់កុល និងជក់បារីដើម្បីជួយឱ្យអ្នកគេងលក់លឿន៕
ចែករំលែកព័តមាននេះ