អតីតតារាចម្រៀងយេយេ ស៊ិន ឧត្តមផល្លា ត្រឡប់មកវិញហើយ
រាជធានីភ្នំពេញ ៖ តារាចម្រៀងល្បីឈ្មោះអំឡុងជាង១០ឆ្នាំមុនអ្នកនាងស៊ិន ឧត្តមផល្លា បានត្រឡប់មក
រាជធានីភ្នំពេញ ៖ តារាចម្រៀងល្បីឈ្មោះអំឡុងជាង១០ឆ្នាំមុនអ្នកនាងស៊ិន ឧត្តមផល្លា បានត្រឡប់មក
រាជធានីភ្នំពេញ ៖ តារាចម្រៀងល្បីឈ្មោះអំឡុងជាង១០ឆ្នាំមុនអ្នកនាងស៊ិន ឧត្តមផល្លា បានត្រឡប់មកកាន់ពិភពសិល្បៈវិញហើយ ។ តារាចម្រៀងស៊ិន ឧត្តមផល្លា នឹកស្រណោះអនុស្សាវរីយ៍នៅក្នុងពិភពសិល្បៈ ជាពិសេសអ្នកដែលធ្លាប់រួមអាជីព ។
អ្នកនាងស៊ិន ឧត្តមផល្លា កាលពីពេល ថ្មីៗកន្លងមកនិយាយថា «នាងខ្ញុំវិលមករកសិល្បៈសាជាថ្មីនេះមិនមែនចង់ប្រជែងអ្នកណានោះទេតែនេះមកពីស្រឡាញ់ចូលចិត្ត ។ កន្លងមកដោយសារមុខរបររកស៊ីទើបនាងខ្ញុំមិនអាចនៅបន្តចូលសិល្បៈបាន ទើបត្រូវបែកដល់ទៅ១១ឆ្នាំ ។ ដូចបងប្អូនបានដឹងហើយថានាងខ្ញុំគ្មានមុខរបរណាក្រៅពីលក់សម្ភារបុណ្យនៅម្តុំវត្តព្រះពុទ្ធមានឈ្មោះថា«ឧត្តម ឧត្តម»ទេ នៅជាមួយអាជីពនេះ១១ឆ្នាំ ។ ដោយយល់ថា ពេលនេះកិច្ចការរកស៊ីល្អរឹងមាំ មានអ្នកជួយមើលបានទើបនាងខ្ញុំងាកមកសិល្បៈវិញ »។
តារាវ័យ៣៩ឆ្នាំស៊ិន ឧត្តមផល្លា ពេលត្រឡប់មកកាន់ពិភពសិល្បៈវិញនេះបានសម្តែងភាពយន្តឲ្យទូរទស្សន៍ហង្សមាស ដើរតួរជាអ្នកម្តាយស្លូតបូតត្រូវគេធ្វើបាប ។ ក្រៅពីនេះច្រៀងនៅតាមស្ថានីយទូរទស្សន៍នានា ។
អ្នកនាងស៊ិន ឧត្តមផល្លា នៅតែប្រកាន់ជំហរតែងខ្លួនបែបយេយេ សិចស៊ី និងច្រៀងបទញាក់សប្បាយដូចមុនដដែល ។ ទោះជាយ៉ាងណាក្តីនាងច្រៀងបទមនោសញ្ចេតនាខ្លះដែរតម្រូវតាមម្ចាស់កម្មវិធី ។
អ្នកនាងស៊ិន ឧត្តមផល្លា ជានារីមេម៉ាយរយៈពេល៦ឆ្នាំមកហើយ ដោយស្វាមីចែកឋានដោយគ្រោះថ្នាក់ចរាចរណ៍ ។ មានអ្នកស្រឡាញ់នាងច្រើនដែរ តែនាងបដិសេធខ្លាចគេធ្វើបាបកូន ៕
ចែករំលែកព័តមាននេះ